បុរសចិនម្នាក់ប៉ងធ្វើអត្តឃាតក្រោយបែកធ្លាយវីដេអូអាក្រាត និងទិន្នន័យផ្ទាល់ខ្លួនទាំងអស់ បន្ទាប់ពីធ្លាក់ចូលក្នុងអន្ទាក់ Romance Scam

ថ្មីៗនេះយោងតាមតម្រុយរាយការណ៍ពីប្រជាពលរដ្ឋ សមត្ថកិច្ចប៉ូលិសទីក្រុង Huludao ខេត្ត Liaoning បានបំបែកក្រុមឧក្រិដ្ឋកម្មពាក់ព័ន្ធនឹងអំពើទុច្ចរិតថ្មីមួយដែលដឹកនាំដោយជនសង្ស័យឈ្មោះ Tang ដោយផ្តោតលើការទាក់ទាញចរាចរណ៍តាមប្រព័ន្ធអ៊ីនធឺណិត និងការគំរាមកំហែងទារប្រាក់តាមរយៈការផ្ញើសារជាវីដេអូអាក្រាតកាយ។

រឿងរ៉ាវនេះបានកើតឡើងនៅក្នុងខែសីហា ឆ្នាំ ២០២៦ បន្ទាប់ពីជនរងគ្រោះឈ្មោះ Wang បានដាក់ពាក្យប្តឹងទៅកាន់សមត្ថកិច្ចប៉ូលិសទីក្រុង Huludao។ យោងតាមកាសែត Legal Daily នៅថ្ងៃទី៥សីហា កន្លងទៅ នាវេលាម៉ោងប្រហែល ៣ ទាបភ្លឺ ជនសង្ស័យបានបន្ថែមឈ្មោះ Wang ជាមិត្ត (add friend) តាមរយៈកម្មវិធីមួយ ដោយបានបោកបញ្ឆោតឱ្យលោកចុចតំណភ្ជាប់ (Link) ដើម្បីទាញយកកម្មវិធីជជែកគ្នាចម្លែកមួយទៀត។ លោក Wang បានធ្វើតាមការណែនាំរបស់ជនសង្ស័យព្រមទាំងបានបើកសិទ្ធិចូលប្រើប្រាស់បញ្ជីទំនាក់ទំនង (Contacts) និងចូលមើលអាល់ប៊ុមរូបថតក្នុងទូរសព្ទទៀតផង។

នៅម៉ោងប្រហែល ៤ទាបភ្លឺ អ្នកទាំង ២ បាន​ខលវីដេអូខ្លីមួយក្នុងកម្មវិធីនោះហើយការសន្ទនាបានកាត់ផ្តាច់ទៅវិញយ៉ាងលឿន។ ក្រោយមកនៅវេលាម៉ោង ៥ រសៀលនៃថ្ងៃខែឆ្នាំដដែល ជនសង្ស័យបានប្រើប្រាស់ព័ត៌មានដែលទទួលបានខុសច្បាប់ ដើម្បីគំរាមកំហែងលោក Wang ដោយបង្ខំឱ្យលោកផ្ទេរប្រាក់សរុប ៧ដង ស្មើនឹង ៨ ៩០០យ័ន (ប្រហែលជាង ១ ៣០០ ដុល្លារ)។ បន្ទាប់មកជនសង្ស័យបានបន្ដបោកបញ្ឆោតលោក Wang ឱ្យរក្សាកូដ QR របស់គ្រុប ដើម្បីទារប្រាក់ជាង ១២០ ០០០ យ័ន (ប្រហែលជិត ២ ម៉ឺនដុល្លារ) បន្ថែមទៀត និងថែមទាំងញុះញង់ឱ្យលោក Wang ដាក់ពាក្យខ្ចីប្រាក់តាមអនឡាញ ប៉ុន្តែត្រូវបានលោក Wang បដិសេធ។ ភ្លាមៗនោះជនសង្ស័យបានផ្ញើវីដេអូអាសអាភាសរបស់លោកទៅកាន់គ្រុបជាច្រើនដែលមានលោក Wang ជាសមាជិក។

ដោយសារតែមិនអាចទ្រាំនឹងសើចចម្អកបានលោក Wang ក៏បានអារកដៃសម្លាប់ខ្លួន ប៉ុន្តែត្រូវបានសង្គ្រោះទាន់ពេល និងផុតពីគ្រោះថ្នាក់ដល់ជីវិត ខណៈដែលការវាយតម្លៃរបួសបានចាត់ទុកថាជារបួសស្រាលកម្រិតទី២។

តាមរយៈការវិភាគរួមគ្នា ប៉ូលិសបានកំណត់គោលដៅលើក្រុមឧក្រិដ្ឋជនថាកំពុងលាក់ខ្លួននៅកន្លែងណាមួយក្នុងខេត្តផ្សេង។ មិនចាំយូរសមត្ថកិច្ចប៉ូលិសទីក្រុង Huludao បានបញ្ជូនកម្លាំងទៅកាន់ទីនោះ នៅថ្ងៃ ១៨ ខែសីហា ដើម្បីធ្វើការស៊ើបអង្កេត និងប្រមូលភស្តុតាងពាក់ព័ន្ធយ៉ាងរឹងមាំ។

នៅថ្ងៃ ២៤ ខែសីហា ឆ្នាំ ២០២៦ ប៉ូលិសបានរៀបចំផែនការបោសសម្អាតបានជោគជ័យ និងចាប់បានជនសង្ស័យជាច្រើននាក់ដូចជា Tang, Yang Yuyu, Yang Qiqi និងសមាជិកក្រុមផ្សេងទៀតក្នុងករណីឆបោកគំរាមកំហែងទារប្រាក់។

គួរឱ្យដឹងផងដែរថា តាមរយៈការត្រួតពិនិត្យចាប់តាំងពីខែឧសភា ឆ្នាំ២០២៦ មក ជនសង្ស័យឈ្មោះ Tang បានប្រមូលផ្ដុំបក្ខពួករបស់ខ្លួនដូចជា Yang Yuyu, Yang Qiqi និងអ្នកដទៃទៀតដោយសហការជាមួយបុគ្គលជាន់ខ្ពស់នៅក្រៅប្រទេសក្នុងគោល​បំណង​បោក​យកទ្រព្យសម្បត្តិដោយខុសច្បាប់ និងរួមគ្នាប្រព្រឹត្តបទល្មើសគំរាមកំហែងទារប្រាក់តាមរយៈការឆាតរូបភាព និងវីដេអូអាក្រាតកាយ។

ក្នុងករណីដែលជនរងគ្រោះបដិសេធមិនបង់ប្រាក់ ភាគីនៅក្រៅប្រទេសបានប្រើប្រាស់កម្មវិធីទំនាក់ទំនងក្រៅប្រទេស ដើម្បីផ្ញើរូបថតអាក្រាតកាយ វីដេអូ អត្ថបទគំរាមកំហែងដែលបានកែសម្រួលរួច និងកូដ QR គ្រុប WeChat របស់ជនរងគ្រោះដែលទទួលបានដោយខុសច្បាប់តាមរយៈកម្មវិធីមេរោគ (Trojan) ទៅឱ្យក្រុមការងារក្នុងស្រុកដូចជា Tang ជាដើម។ បន្ទាប់មកក្រុមរបស់ Tang បានធ្វើសកម្មភាពតាមការបញ្ជាទិញរបស់ថ្នាក់លើ ដោយស្កេនកូដ QR ចូលក្នុងគ្រុប WeChat របស់ជនរងគ្រោះ ហើយបានផ្ញើវីដេអូ​អាក្រាតកាយ រូបថត ក៏ដូចជាអត្ថបទគំរាមកំហែង និងមើលងាយដល់ជនរងគ្រោះ ដើម្បីគំរាមកំហែងបន្ថែមទៀតតាមរយៈការបកអាក្រាតភាពឯកជន និងធ្វើសកម្មភាពគំរាមកំហែងទារប្រាក់។

តាំងពីចាប់ផ្ដើមរហូតដល់ពេលកើតហេតុ ក្រុមរបស់ Tang បានធ្វើសកម្មភាពបទល្មើសសរុប​រាប់សិបករណី ដោយទទួលបានប្រាក់ខុសច្បាប់យ៉ាងច្រើនសន្ធឹកសន្ធាប់ និងបណ្តាលឱ្យជនរងគ្រោះជាច្រើននាក់រងការគំរាមកំហែងទារប្រាក់សរុបជិត ១ លានយ័ន (ជាង ១៥ ម៉ឺនដុល្លារ)។ បច្ចុប្បន្នជនសង្ស័យ ៤នាក់ រួមទាំង Tang ត្រូវបានដាក់ឱ្យស្ថិតក្រោមវិធានការបង្ខំតាមច្បាប់ ហើយសំណុំរឿងនេះកំពុងស្ថិតក្រោមការស៊ើបអង្កេតបន្ថែមទៀត៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង

ទម្រាំប៉ាក់ចេញស្បៃខ្មែរមួយផ្ទាំងៗ ត្រូវចំណាយពេលជាង ១ ខែ រាប់តាំងពីថ្ងៃដំឡើង

នៅ​ក្នុង​សង្គម​ខ្មែរ កាលពី​អតីតកាល ដូនតា​បាន​ប្រើប្រាស់​ស្បៃ ​ក្នុង​គោលបំណង​ចម្បង២។ ទី១ ប្រើប្រាស់​ក្នុង​សកម្មភាព​ប្រចាំថ្ងៃ​សម្រាប់​គ្រប​ដណ្តប់​កាយ ឬ​បំបាត់​

ជីវិត Sad ស្រាប់ហើយ ហេតុអ្វីនៅតែចូលចិត្តមើលរឿង Sad ទៀត?

តើធ្លាប់ដែរទេ? ពេលខ្លះជីវិតកំពុងតែមានទុក្ខទារុណទោម្នេញដួងចិត្តណាស់ទៅហើយ ក៏ប៉ុន្តែយើងបែរជាសម្រេចចិត្តជ្រើសរើសមើលរឿងបង្ហូរទឹកភ្នែក ដើម្បីលួងលោមខ្លួនឯងទៅវិញ។