ផ្ទុះ​មតិរិះគន់​ក្ដៅ​គគុក ក្រោយគូស្នេហ៍ Push និង Jui មិន​ទៅ​ចូលរួម​បុណ្យ​សព Tangmo ហើយ​និយាយ​បែបនេះ​លើ​ប៉ុស្តិ៍​ទូរទស្សន៍​ទៀត

កាលពីប៉ុន្មានថ្ងៃមុននេះ មិត្តរួមការងារ អ្នកសារព័ត៌មាន និងអ្នកគាំទ្រជាច្រើនបានចូលរួមពិធី គោរពវិញ្ញាណក្ខន្ធក្នុងក្របខណ្ឌនៃពិធីបុណ្យសពរបស់តារាសម្ដែង Tangmo Nida។ មិត្តរួមអាជីពជាច្រើនទប់ទឹកភ្នែកមិនបានពេលត្រូវនិយាយលាតារាស្រីរូបនេះ រួមទាំងតួឯកស្រីរឿង “បេះដូងប្រែកាយ” Baifern Pimchanok ផងដែរ។

ជុំវិញរឿងនេះ ស្រាប់តែមហាជនផ្ទុះការរិះគន់យ៉ាងចាស់ដៃ និងចោទសួរពីអវត្តមានរបស់តារាសម្ដែង Push Puttichai ក្នុងពិធី​បុណ្យសព Tangmo ខណៈ Push ធ្លាប់​សម្ដែង​ជា​ស្វាមីរបស់ Tangmo ដែរ​ក្នុង​រឿងភាគ “បេះដូងប្រែកាយ” បានសម្ដែង​រួម​គ្នា​ច្រើនឈុត និង​មើលទៅស្និទ្ធស្នាល​ដែរ​ពេល​ថត ប៉ុន្តែ​បែរមិន​បាន​មក​ចូលរួម​ពិធីបុណ្យ​សព​ទៅ​វិញ ។ អ្វី​ដែល​ធ្វើ​ឲ្យ​អ្នក​លេង​បណ្ដាញ​សង្គម​ប្រតិកម្ម​កាន់​តែ​ខ្លាំង​នោះ​គឺ​នៅ​ពេល​ដែល​លោក​ងក់​ក្បាល​យល់​ស្រប​ពេល​ភរិយា​របស់​ខ្លួន​គឺ​តារា​សម្ដែង​ Jui Warattaya និយាយក្នុង​កម្មវិធី​ទូរទស្សន៍​ GMM25 ​ថា “ខ្ញុំ​មិន​បាន​ទៅបុណ្យ​សពទេ ព្រោះ​ខ្ញុំ​មិន​ដែល​ធ្វើ​ការ​ជាមួយ Tangmo ឬ​ស្និទ្ធស្នាល​ជាមួយ Tangmo ទេ ប៉ុន្តែ​ខ្ញុំ​សូម​ចូលរួម​រំលែក​ទុក្ខ គ្រួសារតាម​វិធីផ្សេងវិញ”។

សកម្មភាព​របស់ស្វាមីភរិយា​គូនេះ​បានបង្ក​ឱ្យ​មានមតិរិះគន់​​យ៉ាង​ខ្លាំង​ក្នុង​ចំណោម​មហាជន ។ មតិ​ជាច្រើន​បាន​រិះគន់​ថា Push អត់ចិត្ត​ពេក​ហើយ ព្រោះ Tangmo ធ្លាប់​ជា​មិត្ត​​រួម​អាជីព​របស់​គេជា​យូរ​មក​ហើយ ប៉ុន្តែ​បែរ​មិន​ទៅ​ជូនដំណើរ​នាង​លើក​ចុងក្រោយ ខ្លះ​ថា Jui និង​ Tangmo ធ្លាប់​ជា​តារា​ប៉ុស្តិ៍លេខ ៧ ជំនាន់​ជាមួយ​គ្នាមិន​សម​មិន​ស្គាល់​គ្នា​នោះ​ទេ។ កន្លងមក តារាសម្តែងរូបនេះ ក៏រងការរិះគន់ផងដែរ ចំពោះការបង្ហោះរូបថតអនុស្សាវរីយ៍ Tangmo ក្នុង Story ដែលនឹងបាត់ទៅវិញក្រោយរយៈពេល ២៤ ម៉ោង ជំនួសឱ្យការបង្ហោះជា Post សាធារណៈ​ខាង​ក្រៅដូចតារាដទៃ។

បន្ទាប់​ពី​មាន​មតិរិះគន់​ស្រោច​មក​យ៉ាងជោគជាំទាំងពី​អ្នក​គាំទ្រ​នៅ​ថៃ និង​ពីប្រទេស​ផ្សេងៗ​ដូចជាវៀតណាម គូស្នេហ៍​នេះ​ក៏​បាន​ធ្វើ​ការ​ Live បក​ស្រាយ​នៅ​ថ្ងៃទី១៥ ខែមីនា​នេះ ទាំង​ទឹក​ភ្នែក​ថា ខ្លួន​មិន​នឹក​ស្មាន​ថា​សម្ដី​នេះ​អាច​ធ្វើ​ឲ្យ​មាន​រឿង​ធំបែប​នេះឡើយ និង​បាន​ស្នើ​សុំ​ការ​យោគយល់។ អ្នក​ទាំង​ពីរ​បាន​បក​ស្រាយ​បន្ថែម​ថា​មូលហេតុ​ដែល​មិន​បាន​ទៅ​ចូលរួម​នោះ​គឺ​ដោយសារ​ខ្លួន​រវល់​ការងារ​ផ្ទាល់​ខ្លួន​ផ្សេង​ៗ​ច្រើន ជា​ពិសេសអ្នក​ទាំង​ពីរ​កំពុងព្យាយាមយក​កូន ដូច្នេះ​ហើយ​កម្មវិធី​ដែល​អ្នក​ចូលរួម​ច្រើន​បែប​នេះ នាងនិង​ស្វាមី​ចាំបាច់​ត្រូវ​ចៀសវាង​ដើម្បី​ការពារ​ខ្លួន ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក