ភួង សាវាតា បង្ហាញជំនឿចិត្តលើរឿង «ភ្នាក់ងារ CICADA» ដែលកំពុងត្រៀមចាក់បញ្ចាំងឆាប់ៗនេះ!

តារាចម្រៀង និងជាតារាសម្តែងរូបសង្ហា លោក ភួង សាវាតា កំពុងត្រៀមបង្ហាញខ្លួនក្នុងរឿងថ្មីសន្លាងមួយរបស់ AMS ជាភាពយន្តកំប្លែងបែបយុវវ័យនិយាយពីការបើកអាជីវកម្មខ្នាតតូចមួយ មានចំណងជើងថា «ភ្នាក់ងារ CICADA»។ 

ក្រោយបានសម្តែងក្នុងរឿងនេះហើយ សាវាតា ដែលសម្តែងជាតួអង្គឈ្មោះថា ភីភូ បានប្រាប់ឱ្យដឹងថា រឿងនេះជារសជាតិថ្មីប្លែកមិនធ្លាប់មានពីមុន សូម្បីលោកក៏ពុំធ្លាប់តួអង្គចរិតដូច ភីភូ ពីមុនមកដែរ ប៉ុន្តែលោកស្រលាញ់ហើយពេញចិត្តសម្តែងតួអង្គនេះ ទោះពេលថតលោកជួបផលលំបាកច្រើនយ៉ាងណាក្តី។

តារាវ័យ​ក្មេង​និងជាអ្នកបម្រើការលើយន្តហោះរូបនេះថា ត្បិតនៅក្រៅលោកជាមនុស្សមិនសូវមាត់ក៏ពិតមែន តែក៏មិនដូចតួអង្គ ភីភូ ដែលលោកសម្តែងក្នុងរឿងនេះទេ ព្រោះតួអង្គ ភីភូ ជាបុគ្គលិកច្បាស់លាស់ខ្លាំង កាន់ខាងផ្នែកប្រតិបត្តិការ ជាមនុស្សឈាមត្រជាក់មិនសូវយល់មុខអ្នកណា ធ្វើឱ្យគ្រប់គ្នាមិនសូវចូលចិត្តជាពិសេស គឺស្រីគុជ បុគ្គលិកផ្នែកជំនួយការទូទៅ។ តែលោក ជាមនុស្សប្រុសស្អាតសង្ហា រៀបចំខ្លួនមានរបៀបរៀបរយ ជាមនុស្សច្បាស់លាស់និងការងារ ចូលចិត្តស្រាវជ្រាវ ហើយធ្វើការតែងមានអំណះអំណាងច្បាស់ ចរិតមិនសូវខ្វល់អ្នកដទៃ និយាយត្រង់ៗមិនសូវចេះខ្លាចចិត្តមនុស្សជុំវិញខ្លួន តែមិនចេះប្រកាន់ច្រើន ជាមនុស្សម៉ឺងម៉ាត់ក្នុងការងារ។

សាវាតា ថា៖ «ចំពោះខ្ញុំតួអង្គនេះពិបាកសម្តែងព្រោះថា ទី១ វាខុសពីចរិតរបស់ខ្ញុំ ទោះបីខ្ញុំជាមនុស្សមិនសូវចូលចិត្តនិយាយច្រើន អត់់សូវចូលចិត្តនិយាយច្រើន តែខ្ញុំក៏អត់ដល់ថ្នាក់ភ្លឹកៗពេកបែបហ្នឹងដែរ។ ទី២ ចំពោះខ្ញុំផ្ទាល់ ខ្ញុំតែងតែរំពឹងចង់ឱ្យការសម្តែងរបស់ខ្ញុំពេលដែលចេញទៅគឺមានការទទួលស្គាល់ និងអ្នកមើលគាត់មានអារម្មណ៍ជាមួយតួ គាត់ទទួលបានអ្វីដែលយើងចង់ប្រាប់ទៅគាត់។ នេះហើយគឺផលលំបាក ព្រោះយើងមិនមែនគ្រាន់តែសម្តែងឱ្យតែហើយៗ តែយើងយកគុណភាព និងត្រូវការឱ្យអ្នកមើលទទួលស្គាល់នូវអ្វីដែលជាតួអង្គ និងអត្តចរិតតួអង្គដែលយើងសម្តែង»។

សាវាតា ជឿជាក់ថា ភាពយន្តកំប្លែងបែបយុវវ័យរឿង «ភ្នាក់ងារ CICADA» នឹងទាក់ទាញចំណាប់អារម្មណ៍មហាជន ពិសេសយុវវ័យ ព្រោះតែការសម្រិតសម្រាំងសាច់រឿង និងបច្ចេកទេសថត។ ម៉្យាង ភាពដដែលៗជាសត្រូវនៃកែវភ្នែក ដូចនេះហើយរឿង «ភ្នាក់ងារ CICADA» ជារសជាតិថ្មីប្លែកមិនធ្លាប់មាន មិនសូវស៊ាំញ៉ាំ មិនសូវរ៉ូមែនទិចខ្លាំងពេករហូតធុញទ្រាន់នោះទេ ពោលគឺរឿងនេះ ត្រូវផ្នត់គំនិតយុវវ័យនាពេលបច្ចុប្បន្នតែម្តង។

ព្រោះរសជាតិថ្មីប្លែកមិនធ្លាប់មានពីមុនដូច្នេះ ធ្វើឱ្យកម្លោះសង្ហា ភួង សាវាតា មានជំនឿចិត្តខ្ពស់ថា មហាជននឹងស្គាល់លោកកាន់តែច្រើនឡើង តាមរយៈការសម្តែងក្នុងរឿង «ភ្នាក់ងារ CICADA» នេះ លោកពិតជាមានមោទនភាព និងសប្បាយចិត្តដែលបានរួមការងារជាមួយក្រុមការងារដែលមានស្តង់ដា វិជ្ជាជីវៈ និងពេញដោយទំនូលខុសត្រូវ ខុសពីបទពិសោធន៍ចាស់ដែលធ្លាប់ជួបកន្លងមក។

សូមជម្រាបថា «ភ្នាក់ងារ​ស៊ីកាដា» ជាស្នាដៃនិពន្ធ​របស់ កញ្ញា សេង រស្មី ​ដឹកនាំ​សម្ដែងដោយ Mr. Rango និង​កញ្ញា ធាង តូច។ រឿងនេះ ត្រូវ​និពន្ធ​ឡើង​ដោយ​ផ្អែក​លើ​បទ​ពិសោធន៍​ពិត​នៃ​ការ​បរាជ័យ​ក្នុង​ការ​ធ្វើ​អាជីវកម្ម របស់​បុគ្គល​ខ្វះខាត​បទពិសោធន៍​រកស៊ី ហើយ​ហ៊ាន​ចេញ​រក​ស៊ី​ទាំង​ប្រថុយ ហើយ​សាច់រឿង​សុទ្ធតែ​ជា​រឿង​ពិត ធ្លាប់​បាន​កើត​ឡើង​ក្នុង​សង្គម ដែល​រឿង​ខ្លះ​ស្ទើរតែ​មិន​គួរ​ឲ្យ​ជឿ តែ​វា​បាន​កើត​ឡើង​មែន។

រឿង​នេះ​ចូលរួម​សម្ដែង​ដោយ​តារា​ល្បីៗ​ជាច្រើន​រូបដែលកំពុងមានឈ្មោះបោះសំឡេងក្នុងដួងចិត្តយុវវ័យ ដូចជា កញ្ញា ដាដាវ ដើរតួ កញ្ញា ប៊ុន កែវវាចា, កញ្ញា សាន ដេបូរ៉ា ដើរតួរជា ស្រីគជ់, លោកដេវិត ដើរតួរជា ដេវិត, លោក ដារ៉ុង ដើរតួរជាង Tim Por, លោក ពិរាជ្យ ដើរតួរជា វណ្ណរ៉ុង និងលោក ភួង សាវតា ដើរតួរជា ភីភូ។ កុំ​ភ្លេច​រង់ចាំ​ទស្សនា​រឿង «ភ្នាក់ងារ CICADA» លើ​ទំព័រ​ហ្វេសប៊ុក​ផ្លូវការ AMS Infotainment និង Website AMS Infotainment នៅពេលឆាប់ៗខាងមុខនេះ រៀងរាល់​ថ្ងៃ​អាទិត្យ វេលា​ម៉ោង ០៨ និង ៣០ នាទី៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​