តារាសម្ដែងពីហូលីវូដ Tom Cruise បានចូលរួមជាភ្ញៀវកិត្តិយសនៅក្នុងកម្មវិធីផ្ទាល់ខ្លួនរបស់ Jin ដើម្បីផ្សព្វផ្សាយវគ្គថ្មីនៃរឿង Mission: Impossible – The Final Reckoning។


នៅថ្ងៃទី១២ ខែឧសភានេះ HYBE បានបញ្ជាក់ប្រាប់ Dispatch ថា តារាប្រុសវ័យ ៦២ឆ្នាំរូបនេះ បានចូលរួមថតក្នុងកម្មវិធីរបស់ Jin រួចស្រេចទៅហើយ ក៏ប៉ុន្តែថ្ងៃខែនៃការចាក់បញ្ចាំង នៅមិនទាន់បានកំណត់នៅឡើយទេ។
ជំនួបជាលើកដំបូងរបស់តារាលំដាប់ពិភពលោកទាំងពីរនេះ គឺធ្វើឡើងជាផ្នែកមួយនៃការផ្សព្វផ្សាយរឿង Mission: Impossible – The Final Reckoning ជាភាពយន្តដឹកនាំដោយលោក Christopher McQuarrie និងត្រៀមចាក់បញ្ចាំងនៅក្នុងប្រទេសកូរ៉េខាងត្បូង នៅថ្ងៃទី១៧ ខែមិថុនា ខាងមុន។
សូមរំឭកថា នេះគឺជាលើកទី ១៣ ដែល Tom Cruise បានធ្វើដំណើរទៅកាន់ទឹកដីកូរ៉េខាងត្បូង រាប់ជាតារាហូលីវូដដែលបានមកប្រទេសអាស៊ីមួយនេះច្រើនជាងគេ ដោយចុងក្រោយបង្អស់នោះ គឺលោកបានមកប្រទេសកូរ៉េខាងត្បូងកាលពីឆ្នាំ ២០១៣ ដើម្បីផ្សព្វផ្សាយរឿងតែមួយនេះ ក្នុងវគ្គ Dead Reckoning។

គួរឱ្យដឹងផងដែរថា Mission: Impossible គឺជាភាពយន្តបែបវាយប្រហារសញ្ជាតិអាមេរិកកាំង ដែលនិយាយពីបេសកម្មរបស់ទីភ្នាក់ងារចារកម្ម The Impossible Mission Force ឬ IMF។ ក្នុងទម្រង់ជាភាពយន្ត បច្ចុប្បន្ននេះរឿង Mission: Impossible មានសែស្រឡាយសរុប ៨រឿង រួមមានវគ្គ ១ដល់ វគ្គ ៣, Ghost Protocol, Rogue Nation, Fallout, Dead Reckoning និង វគ្គថ្មីនេះ គឺ The Final Reckoning៕























Account
Security
Favourite Content