«នេះគឺវេលាយើង» បង្ហាញខ្លួនដំបូងនៅថ្ងៃ BeyondTheGames’ Day ប៉ុន្តែនាវេលាម៉ោង ១០:៤០ នាទីយប់ ថ្ងៃទី ០៤ ឧសភា ឆ្នាំ២០២៣ ពោលគឺមួយថ្ងៃមុនពិធីបើកព្រឹត្តការណ៍ជាប្រវត្តិសាស្ត្ររបស់កម្ពុជាមកដល់ ទំព័រហ្វេសប៊ុកផ្លូវការរបស់យុទ្ធនាការ Beyond the Games បានបញ្ចេញវីដែអូ ចម្រៀងបទថ្មីមួយជាផ្លូវការ ។
ដូច្នេះបទ «នេះគឺវេលាយើង» នឹងក្លាយជាបទថ្មីមួយទៀតដើម្បីបង្ហាញពីមោទកភាព នៃភាពជាម្ចាស់ផ្ទះនៃកីឡាស៊ីហ្គេម និងអាស៊ានប៉ារ៉ាហ្គេម ២០២៣ របស់កម្ពុជា និងជាការចែករំលែក ភាសាបេះដូងសម្រាប់ប្រជាពលរដ្ឋខ្មែរទាំងអស់គ្នាជូនអត្តពលិកគ្រប់ៗរូប។
ទាំងអត្ថន័យ «នៅចាំដល់ណា ឱខេមរាអើយ វេលានេះហើយ ជាវេលាយើង សាមគ្គីសាងឈ្មោះ សាងយសថ្កុំថ្កើង រួមរស់រុងរឿង យើងខ្មែរតែមួយ…» និងវីដេអូចម្រៀងនៃបទមួយនេះពិតជាពីរោះ និងអស្ចារ្យដែលអាចជំរុញចិត្តប្រជាជនខ្មែរ ឲ្យពួតដៃគ្នា សាមគ្គីគ្នា និងបង្ហាញទៅកាន់ពិភពលោកតាមរយៈព្រឹត្តិការណ៍ស៊ីហ្គេមអំពីខ្មែរពិតប្រាកដ។
គួរបញ្ជាក់ថា បទ «នេះគឺវេលាយើង ឬ THIS IS OUR TIME» ផលិតដោយ សហភាពសហព័ន្ធយុវជនកម្ពុជា (សសយក) ក្នុងយុទ្ធនាការ #BeyondTheGames ដើម្បីចូលរួមពោរពេញទៅដោយមោទកភាព នៃភាពជាម្ចាស់ផ្ទះនៃកីឡាស៊ីហ្គេម និងអាស៊ានប៉ារ៉ាហ្គេម ២០២៣។
គួរជម្រាបដែរថា បទដ៏មានអត្តន័យមួយនេះជាការបង្កើតស្នាដៃជាមួយគ្នារវាង ម៉ម ពេជ្ជរិទ្ធ, រៀម សុខភិរម្យ និង រ៉ុង សុភីដេវីដ៕






















Account
Security
Favourite Content