នៅរាត្រីថ្ងៃទី៥ ខែសីហា នេះ ROSÉ បានចែករំលែកពីអារម្មណ៍ភ្ញាក់ផ្អើល តាមរយៈ Story នៅលើគណនី Instagram ផ្ទាល់ខ្លួន ក្រោយទទួលដំណឹងថា ខ្លួនទទួលបានសិទ្ធិឈរឈ្មោះដណ្ដើមពានរង្វាន់ចំនួន ៨ ពី MTV Video Music Awards ឆ្នាំ ២០២៥។


ស្របពេលដែលការចូលរួមកម្មវិធីនេះ គឺជាលើកដំបូងរបស់ ROSÉ ក្នុងនាមជាសិល្បករទោល តារាស្រីវ័យ ២៨ឆ្នាំ បានរៀបរាប់ថា៖ “គឺ ខ្ញុំទើបតែបានដឹងទេថា ខ្ញុំបានចូលរួមដណ្ដើមពាន VMA ចំនួន ៨ ខ្ញុំគាំងតែម្ដង។ ខ្ញុំមិនដឹងថាត្រូវនិយាយយ៉ាងម៉េចទើបល្អទេ ខ្ញុំពិតជានិយាយអ្វីមិនចេញពិតមែន”។
ជាក់ស្ដែង ម្ចាស់អាល់ប៊ុម Rosie រូបនេះ បានក្លាយជាបេក្ខភាព ដណ្ដើមពានរង្វាន់ធំៗដូចជា ពានរង្វាន់វីដេអូចម្រៀងប្រចាំឆ្នាំ បទចម្រៀងប្រចាំឆ្នាំ ការសហការឆ្នើម បទប៉ុបឆ្នើម Best Direction Best Art Direction Best Visual Effects សម្រាប់បទ APT. ដែលជាស្នាដៃសហការជាមួយ Bruno Mars រួមទាំងពានរង្វាន់បទខេប៉ុបឆ្នើម សម្រាប់បទ Toxic Till the End។

ទន្ទឹមគ្នានេះ មិត្តរួមក្រុម BLACKPINK ៣នាក់ទៀត ក៏បានចួលរួមដណ្ដើមពានង្វាន់ បទខេប៉ុបឆ្នើម ពីកម្មវិធីតែមួយនេះដែរ ដោយ Jennie បានឈរឈ្មោះជាមួយនឹងបទ Like Jennie ខណៈ Jisoo ឈរឈ្មោះជាមួយនឹងបទ Earthquake ស្របពេលដែល Lisa នឹងបញ្ចូនបទ Born Again ទៅដណ្ដើមពានរង្វាន់នេះ។
សូមកត់សម្គាល់ថា កម្មវិធី MTV Video Music Awards ឆ្នាំ ២០២៥ នេះ នឹងប្រារព្ធធ្វើឡើងនៅថ្ងៃអាទិត្យ ទី៧ ខែកញ្ញា ឯ UBS Arena ទីក្រុងញូវយ៉ក ដោយមានការចាក់ផ្សាយឱ្យទស្សនាតាមរយៈ CBS, MTV និង Paramount+៕
























Account
Security
Favourite Content