រឿង «ភូមិគ្រឹះអាគម» របស់ផលិតកម្ម Film Corner តារាកំប្លែង ប៉ីប៉ី ឌី ទទួលបានការគាំទ្រភ្លូកទឹកភ្លូកដីតាំងពីថ្ងៃចាក់បញ្ចាំងដំបូង នៅចុងខែសីហា ឆ្នាំ ២០២៥ មកម្ល៉េះ។ អ្នកទស្សនាជាច្រើន ក្រោយបានមើលភាពយន្តនោះចប់ភ្លាម ពួកគេបានសំណូមពរឲ្យម្ចាស់ផលិតកម្មចេញ«ភូមិគ្រឹះអាគម» វគ្គ២ ពេលនេះអាចមានសង្ឃឹមហើយ។

ថ្មីៗនេះ ប៉ីប៉ី ឌី បានបញ្ចេញស្គ្រីបខ្លីបញ្ជាក់ពីឈ្មោះតួអង្គ និងចំណងជើងរឿងបែបច្បាស់ៗ «ភូមិគ្រឹះអាគម» វគ្គ២។ តារាសម្ដែង និងជាម្ចាស់ Franchise ខ្មែរដ៏ល្បីល្បាញ បែលហ្សិក ប៉ីប៉ី ឌី ធ្វើឲ្យគាំទ្រភ្ញាក់ផ្អើលទាំងយប់ ជាមួយការបង្ហោះលើបណ្ដាញសង្គមក្នុងការឲ្យតម្រុយច្បាស់ៗបែបនេះ។
កាល «ភូមិគ្រឹះអាគម» វគ្គបានជាប់ចំណាត់ថ្នាក់ក្នុងចំណោមខ្សែភាពយន្តទាំង ៥ ដែលរកចំណូលបានខ្ពស់បំផុតនៅថ្ងៃចាក់បញ្ចាំងរបស់រោងកុនខ្មែរលេជេន។ មិនតែប៉ុណ្ណោះ «ភូមិគ្រឹះអាគម» កាលវគ្គ១ បញ្ចាំងចូលដល់សប្ដាហ៍ទី៦ ហើយ ដែលអាចនិយាយបានថាជាខ្សែភាពយន្តខ្មែរដែលបញ្ចាំងបានយូរបំផុត។

ទស្សនិកជនដែលបានទស្សនាភាគច្រើនលើសលប់បានកោតសរសើរពីរឿង «ភូមិគ្រឹះអាគម» នេះ។ ដូច្នេះហើយផលិតករ គឺ ប៉ីប៉ី ឌី ធ្លាប់បាននិយាយក្នុងបទសម្ភាសន៍ថ្ងៃសម្ពោធថា ប្រសិនបើកុនទី១ ទទួលបានជោគជ័យ លោកនិងក្រុមការងារ និងបន្តផលិតភាពយន្តទៀត៕


រូបភាព៖ PaKong studio និង Ah Da Sakada


























Account
Security
Favourite Content