ក្រុមចម្រៀងនារីជំនាន់ថ្មី MEOVV បានផ្លាស់ប្ដូរស្ទីលជាមួយបទចម្រៀងបែប Pop-rock មានចំណងជើងថា “Drop Top” ដែលជាបទចម្រៀងនាំមុខសម្រាប់អាល់ប៊ុម EP ដំបូងរបស់ពួកគេ។

ចូលរួមកម្មវិធីសម្ពោធនិងផ្សព្វផ្សាយអាល់ប៊ុមថ្មីនេះនៅទីក្រុងសេអ៊ូលកាលពីថ្ងៃចន្ទ ក្រុមចម្រៀងសិស្សប្អូនរបស់ BLACKPINK និង 2NE1 បានបង្ហាញការរំពឹងកាន់តែខ្ពស់ជាមួយអាល់ប៊ុមពេញដំបូងរបស់ពួកគេមានចំណងជើងថា “My Eyes Open VVide”។ សមាជិក Sooin បាននិយាយថា តាមរយៈអាល់ប៊ុមនេះ ពួកគេនឹងនាំអ្នកគាំទ្រទៅកាន់ពិភពតន្ត្រីកាន់តែស៊ីជម្រៅ និងសម្បូរបែប ហើយសមាជិកក្រុមម្នាក់ៗបានត្រៀមខ្លួនរួចរាល់ហើយក្នុងការបង្ហាញឱ្យអ្នកគាំទ្របានឃើញចក្រវាលដ៏ពិសេសរបស់ Meovv។
អាល់ប៊ុម “My Eyes Open VVide” ដែលមានបទចម្រៀងសរុប ៦បទ ត្រូវបានចេញផ្សាយរយៈពេល ៨ ខែបន្ទាប់ពីក្រុមចម្រៀងមួយនេះបានបង្ហាញមុខជាមួយបទចម្រៀងដំបូងគឺបទ “Meow” កាលពីខែកញ្ញា ឆ្នាំមុន។

មានសមាជិកសរុប ៥ នាក់ Meovv គឺជាក្រុមចម្រៀងស្រីដំបូងបំផុតក្នុងក្រុមហ៊ុនបុត្រសម្ព័ន្ធ YG គឺ The Black Label ដែលស្ថិតក្រោមការដឹកនាំរបស់ផលិតករ Teddy Park។ ផលិតកររូបនេះត្រូវបានគេស្គាល់ថាជាផលិតករនិងអ្នកនិពន្ធចម្រៀងសម្រាប់ក្រុមល្បីៗរបស់ YG ដូចជា BIGBANG, 2NE1 និង BLACKPINK។
បើទោះបីជាការបង្ហាញមុខដំបូងរបស់ពួកគេមិនសូវមានសកម្មភាពអធិកអធមបើធៀបនឹងក្រុមចម្រៀងថ្មីដទៃ ប៉ុន្តែសមាជិកទាំង ៥ រូបរួមមាន Sooin, Gawon, Anna, Narin និង Ella បានបង្ហាញមុខយ៉ាងញឹកញាប់ក្នុងកម្មវិធី Talk Show ផ្សេងៗ និងទាក់ទាញការគាំទ្របានយ៉ាងច្រើន។


បន្ទាប់ពីចេញផ្សាយអាល់ប៊ុមដំបូង សមាជិកទាំង ៥ មានគម្រោងរៀបចំកម្មវិធីជួបជុំផ្ទាល់ជាមួយអ្នកគាំទ្រទាំងនៅប្រទេសកូរ៉េ និងក្រៅប្រទេសដោយចាប់ផ្ដើមពីខែឧសភានេះ។ ទស្សនាវីដេអូចម្រៀងបទ “Drop Top” របស់ពួកគេខាងក្រោមនេះ៖























Account
Security
Favourite Content