ទទួលបានការបញ្ជាក់ជាផ្លូវការហើយសម្រាប់ព័ត៌មានដែលថា Jun Ji Hyun និង Ji Chang Wook នឹងសម្តែងក្នុងរឿងភាគមួយជាមួយគ្នា!

នៅថ្ងៃទី១២ ខែវិច្ឆិកា ទូរទស្សន៍ JTBC បានបញ្ជាក់ផ្លូវការពីការជ្រើសរើសតារាសម្ដែង Jun Ji Hyun និង Ji Chang Wook មកសម្ដែងក្នុងរឿងភាគថ្មីរបស់ខ្លួនមានចំណងជើងថា “Human X Gumiho”។
“Human X Gumiho” គឺជារឿងភាគបែបមនោសញ្ចេតនា កំប្លែង និងអភិនីហារ ដែលនិយាយអំពីការមកជួបគ្នារវាងតួស្រីជាកញ្ជ្រោងកន្ទុយប្រាំបួន និងតួប្រុសជាមនុស្សដែលមានថាមពលពិសេសអាចទប់ទល់វេទមន្តរបស់សភាវៈផ្សេងៗបាន។
រឿងភាគនេះគឺជាការសហការរវាងអ្នកដឹកនាំរឿង “No Gain No Love” និង “Strong Girl Namsoon” លោក Kim Jung Sik និងអ្នកនិពន្ធស្រី Im Meari ដែលត្រូវបានគេស្គាល់ដោយសាររឿងភាគបែបមនោសញ្ចេតនារួមមាន “Beauty Inside” និង “Doom at Your Service”។


ក្នុងរឿងនេះដែរ Jun Ji Hyun នឹងដើរតួជា Gu Ja Hong ជាតារាសម្តែងកំពូលម្នាក់ដែលទាក់ទាញទស្សនិកជនជាមួយនឹងជំនាញសម្តែងដ៏អស្ចារ្យ និងរូបរាងដ៏ស្រស់ស្អាត ខណៈធាតុពិតនាងគឺជា gumiho ឬកញ្ជ្រោងកន្ទុយប្រាំបួនដែលមានអាយុ ២០០០ ឆ្នាំ។ ដោយមានទេពកោសល្យក្នុងការទាក់ទាញមនុស្ស នាងត្រូវបានហ៊ុំព័ទ្ធដោយរឿងអាស្រូវជាច្រើន ប៉ុន្តែនាងក៏អាចប្រើវេទមន្តរបស់ខ្លួនដោះស្រាយបញ្ហាបានជានិច្ច រហូតដល់ថ្ងៃមួយនាងបានជួបតួប្រុសឈ្មោះ Choi Seok ជាមនុស្សដែលនាងមិនអាចប្រើវេទមន្តបញ្ជាបានឡើយ។
Ji Chang Wook នឹងដើរតួជា Choi Seok ជាគ្រូមន្តអាគមដ៏ពូកែ និងជានាយកសារមន្ទីរ Osung។ ទោះបីសម្បកក្រៅមើលទៅហាក់ដូចជារីករាយ និងលេងសើចក៏ដោយ ប៉ុន្តែ Choi Seok មានសមត្ថភាពដ៏កម្រមួយក្នុងការមើលឃើញពិភពលោកក្នុងផ្លូវងងឹត។ នៅពេលដែល gumiho បានជ្រៀតចូលក្នុងជីវិតរបស់ខ្លួនដោយមិននឹកស្មានដល់ Choi Seok ក៏ត្រូវបានទាក់ទាញដោយនាងយ៉ាងចម្លែក ជាហេតុនាំឱ្យអ្វីៗជាច្រើនត្រូវផ្លាស់ប្តូរ ៕























Account
Security
Favourite Content