ជោគជ័យខ្លាំង! សល់មិនដល់ ២ សប្ដាហ៍ ភាពយន្ដកំពុងល្បី Exhuma ត្រៀមឡើងទៅដណ្ដើមពានធំៗ ដល់ទៅ ៨

Exhuma ជាភាពយន្ដកុនបែបរន្ធត់ព្រឺព្រួច អាថ៍កំបាំង និយាយពី អបិយជំនឿ គ្រូអាគម ការបណ្ដេញខ្មោច ជាដើម។ ភាពយន្ដនេះទទួលបានជោគជ័យ និងមានភាពល្បីល្បាញខ្លាំង ព្រមទាំងត្រូវបានរាយការណ៍ថា គ្រោងនឹងចាក់ផ្សាយចំនួន ១៣៣ ប្រទេសជុំវិញពិភពលោក។

សម្រាប់អ្នកទស្សនាហើយ សុទ្ធតែបានលើកឡើងដូចៗ ថា ភាពយន្ដមួយនេះគឺមានគុណភាព ដែលមានការសម្ដែងដ៏ល្អឥតខ្ចោះ អមជាមួយសាច់រឿងដ៏ជក់ចិត្ដ ស្ទើរតែមិនហ៊ានដកដង្ហើមកំឡុងពេលទស្សនា ជាពិសេសអ្នកទស្សនាទាយមិនដឹងពីសាច់រឿងឡើយ រហូតទាល់តែដល់ទីបញ្ចប់ទើបភ្ញាក់ខ្លួនតែម្ដង។ សម្រាប់រឿងនេះ ត្រូវបានគេលើកឡើងថា ផលិតឡើងដោយការយកចិត្ដទុកដាក់ រាប់ចាប់តាំងពីសម្លៀកបំពាក់ ការតុបតែងខ្លួន កាយវិការ និងការនិយាយស្ដី។

Exhuma ជាភាពយន្ដមានការចូលរួមសម្ដែងដោយតារាស្រី Kim GoEun, តារាប្រុស Lee Dohyun, Choi MinShik, Yoo HaeJin, Jeon JinKi, Kim Jae Chul និងផ្សេងៗ ជាច្រើនទៀត។ រឿងនេះបានដឹកនាំសម្ដែងដោយលោក Jang JaeHyeon ដែលធ្លាប់បានដឹកនាំរឿងល្បីដូចជា The Sixth Finger, The Priest និង 12th Assistant Daecon។ គិតត្រឹមពាក់កណ្ដាលខែ ៤ ឆ្នាំ ២០២៤ ភាពយន្ដ Exhuma អាចរកប្រាក់ចំណូលច្រើនជាង ៩០ លានដុល្លារអាមេរិក ធ្វើឲ្យរឿងនេះក្លាយជារឿងរបស់ប្រទេសកូរ៉េខាងត្បូងមួយដែលទទួលបានជោគជ័យខ្លាំងនៅដើមឆ្នាំ​ ២០២៤។

ភាពជោគជ័យបានធ្វើឲ្យភាពយន្ដ Exhuma ត្រៀមខ្លួនឡើងទៅដណ្ដើមពានរង្វាន់ធំៗ ចំនួន ៨ នៅកម្មវិធី Baeksang Arts Awards លើកទី ៦០។ កម្មវិធីនឹងធ្វើឡើងនៅថ្ងៃទី ៧ ខែ ឧសភា ឆ្នាំ ២០២៤ ខាងមុខ។ ពានរង្វាន់នោះរួមមានដូចជា Best Film, Best Director លោក Jang JaeHyun, Best Actor តារាប្រុស Choi MinShik, Best Actress តារាស្រី Kim GoEun, Best Supportin Actor តារាប្រុស Yoo HaeJin, Best New Actor តារាប្រុស Lee DoHyun, Best Scenario លោក Jang JaeHyun និង Best Technical Direction ផ្នែកសំឡេង លោក Kim Byun In។ ទន្ទឹមនេះ Exhuma ក៏ក្លាយជាភាពយន្ដទទួលបានការឈរឈ្មោះដណ្ដើមពានរង្វាន់ច្រើនជាងគេបំផុត ក្នុងកម្មវិធីពានរង្វាន់ Baeksang Arts Awards ឆ្នាំ ២០២៤ ផងដែរ។

តោះរង់ចាំមើលទាំងអស់គ្នា តើ Exhuma នឹងយកពានត្រឡប់ទៅផ្ទះវិញបានចំនួនប៉ុន្មាន?



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​