នៅថ្ងៃទី១១ ខែសីហា ប្រភពផ្ទៃក្នុងនៃវិស័យតន្ត្រីកូរ៉េបានបង្ហើបថា BLACKPINK នឹងចេញអាល់ប៊ុមខ្នាតតូចមួយនៅខែវិច្ឆិកាខាងមុខ ថែមទាំងបានចែករំលែកដែរថា ពួកគេបានបញ្ចប់ការថតរូបភាពផ្សព្វផ្សាយអាល់ប៊ុមរួចរាល់ហើយ ហើយនឹងបញ្ចប់ការថតបទចម្រៀងថ្មី រួមនឹងការងារថតផ្សេងៗទៀតក្នុងរយៈពេលពីរខែខាងមុខ។


ប្រភពព័ត៌មានបានបន្ថែមថា “BLACKPINK ត្រូវតែចេញអាល់ប៊ុមក្នុងឆ្នាំនេះ ខណៈគោលដៅដើមរបស់ពួកគេគឺចេញនៅខែតុលា ប៉ុន្តែក្រោយមកកាលវិភាគត្រូវបានផ្លាស់ប្តូរទៅខែវិច្ឆិកា ហើយប្រសិនបើអាចធ្វើទៅបាន នឹងសម្តែងនៅលើឆាកតន្ត្រីផ្សេងៗ”។
ឆ្លើយតបទៅនឹងសេចក្ដីរាយការណ៍ខាងលើនេះ ក្នុងថ្ងៃដដែល ភ្នាក់ងាររបស់ BLACKPINK គឺ YG Entertainment បាននិយាយយ៉ាងខ្លីថា “ពួកយើងនឹងប្រកាសវានៅពេលក្រោយតាមរយៈការផ្សព្វផ្សាយជាផ្លូវការ” ។
ប្រសិនបើការ Comeback នៅខែវិច្ឆិការបស់ BLACKPINK ត្រូវបានបញ្ជាក់ជាផ្លូវការ នោះនឹងក្លាយការចេញអាល់ប៊ុមថ្មីដំបូងរបស់ពួកគេចាប់តាំងពីអាល់ប៊ុម “BORN PINK” បានចេញក្នុងខែកញ្ញា ឆ្នាំ ២០២២។ យ៉ាងណាក៏ដោយ កាលពីថ្ងៃទី១១ ខែកក្កដា BLACKPINK បានចេញបទចម្រៀងថ្មី “JUMP” និងដណ្តើមបានចំណាត់ថ្នាក់កំពូលនៅលើតារាងតន្ត្រីក្នុងស្រុក និងអន្តរជាតិធំៗជាច្រើន។
ទន្ទឹមនឹងនេះបច្ចុប្បន្នសមាជិក BLACKPINK ទាំង៤នាក់កំពុងមមាញឹកក្នុងការប្រគំតន្ត្រីទេសចរណ៍ពិភពលោក “DEADLINE” ដែលមានកាលវិភាគសម្ដែងចំនួន ៣១ ឆាកក្នុងទីក្រុងចំនួន ១៦ ។ បន្ទាប់ពីការសម្ដែងបើកឆាកមុនគេក្នុងប្រទេសកូរ៉េខាងត្បូង ឥឡូវនេះពួកគេបានបញ្ចប់ដោយជោគជ័យនូវការសម្ដែងនៅអាមេរិកខាងជើង រួមមានទីក្រុង Los Angeles, Chicago, Toronto និង New York ហើយនឹងបន្តសម្តែងនៅទីក្រុងឡុងដ៍ក្នុងសប្តាហ៍នេះ ៕
























Account
Security
Favourite Content