ក្នុងចំណោមបេក្ខភាព ១ ២០០ អង្គ/នាក់ មានបេក្ខភាពវ័យក្មេងបំផុតត្រឹមអាយុ៦ ឆ្នាំបានដាក់ពាក្យចូលរួមប្រកួតសរសេរតាមអាន«សំណេរអង្គរ» និងមានបេក្ខភាពជាជនបរទេសផងដែរ។ នេះបើតាមការបង្ហោះលើផេកផ្លូវឯកឧត្ដមរដ្ឋមន្ត្រីក្រសួងអប់រំ យុវជន និងកីឡា។

ការប្រកួត «សំណេរអង្គរ» លើកទី២ បានបញ្ចប់ទៅដោយរលូនកាលពីថ្ងៃ ១៩ មករា ២០២៥ នៅខាងមុខប្រាសាទអង្គរវត្ត។ ក្រោយបញ្ចប់ការប្រកួតរកបានបេក្ខជនជយលាភីសំណេរអង្គរដែលមានអាយុចាប់ពី ១៩ ឆ្នាំចំនួន ៣ នាក់ និងក្រោម១៨ ឆ្នាំចំនួន៣នាក់ ព្រមទាំងម្ចាស់ជយលាភីអក្សរស្អាតជាងគេដែលមានអាយុលើស ១៩ ឆ្នាំ១នាក់ និងក្រោម ១៨ ឆ្នាំ១នាក់។ ការប្រកួតសរសេរតាមអាននេះមានបេក្ខភាពចូលរួមយ៉ាងច្រើនកុះករដោយក្នុងនោះរួមមាន ព្រះសង្ឃ យុវជនប្រុសស្រី ចាស់ក្មេង និងមានបេក្ខភាពជាជនបរទេសផងដែរ។ ដោយឡែក ការប្រកួតសំណេរអង្គរនាលើកនេះបេក្ខភាពដែលមានវ័យច្រើនជាងគេអាយុ៨១ឆ្នាំ ខណៈបេក្ខភាពក្មេងជាងគេអាយុ៦ឆ្នាំ។










គួរឱ្យដឹងដែរថា ការចូលរួមយ៉ាងផុលផុសនេះបានបង្ហាញពីការយល់ដឹងរបស់ប្រជាពលរដ្ឋខ្មែរ ក៏ដូចជាចូលរួមលើកស្ទួយអក្សរសាស្ត្រខ្មែរឱ្យបានទូលំទូលាយ និងរីកចម្រើនជាងមុន៕


























Account
Security
Favourite Content