ថោង រ៉េត ជាស្រ្តីតែម្នាក់គត់ ធ្វើការដាក់ពង្រាយកាមេរ៉ាស្វ័យប្រវត្តិក្នុងព្រៃជ្រៅឧទ្យានជាតិជួរភ្នំក្រវាញកណ្តាល

កន្លង​មក​យើង​ធ្លាប់​បាន​ឃើញ​រូបភាព​សត្វព្រៃ ដែល​ថត​បាន​ដោយ​កាមេរ៉ា​បង្កប់​ក្នុង​ព្រៃ ហើយ​ថ្ងៃ​នេះ​​សូម​ណែនាំ​ឲ្យ​ស្គាល់​ស្រ្តី​ខ្មែរ​តែម្នាក់​គត់ ដែល​បាន​ធ្វើការ​យ៉ាង​ជិតស្និទ្ធ​ជាមួយ​សត្វព្រៃ ដោយ​គ្មាន​ភាព​រុញរា​ឡើយ។

USAID មរតក​បៃតង បាន​បង្ហាញ​វត្តមាន ថោង រ៉េត ប្រធាន​ផ្នែក​ជីវចម្រុះ និង​វិទ្យាសាស្ត្រ​តំបន់​អាស៊ី​ប៉ាស៊ីហ្វិក​នៃ​អង្គការ CI គឺ​ជា​ស្ត្រី​តែ​ម្នាក់​គត់ ដែល​ធ្វើការ​ជាមួយ​ក្រុម​ស្រាវជ្រាវ​ដែល​បាន​ដាក់​ពង្រាយ​កាមេរ៉ា​ស្វ័យប្រវត្តិ ៦១ គ្រាប់​នៅ​ក្នុង​ព្រៃ​ជ្រៅ​នៃ​ឧទ្យាន​ជាតិ​ជួរ​ភ្នំ​ក្រវាញ​កណ្ដាល។

ថោង រ៉េត បាន​បាន​ធ្វើ​ការ​យ៉ាង​ជិតស្និទ្ធ​ជាមួយ​ក្រុម​ការងារ ដើម្បី​បណ្ដុះបណ្ដាល ដាក់​ពង្រាយ និង​សា​យក​វីដេអូ​ពី​កាមេរ៉ា​ស្វ័យ​ប្រវត្តិ​សម្រាប់​គម្រោង​នេះ។ អ្នកនាង​បាន​ឲ្យ​ដឹង​ថា «ខ្ញុំ​មាន​ការ​ភ្ញាក់ផ្អើល​យ៉ាង​ខ្លាំង​ដែល​បាន​ឃើញ​សត្វ​ព្រៃ​ទាំងនេះ ហើយ​ខ្ញុំ​មាន​អារម្មណ៍​ពោរពេញ​ទៅ​ដោយ​ក្ដី​សង្ឃឹម។ វា​ពិត​ជា​អស្ចារ្យ​ណាស់​ដែល​បាន​ដឹង​ថា​នៅ​មាន​សត្វ​ព្រៃ​ជាច្រើន​នៅ​តំបន់​ទេសភាព​នេះ ហើយ​វា​ពិត​ជា​គួរ​ឲ្យ​រីករាយ​ណាស់​សម្រាប់​ខ្ញុំ ដែល​បាន​ឃើញ​ពួកវា​កំពុង​រស់នៅ​ក្នុង​ដែន​ជម្រក​ធម្មជាតិ តាមរយៈ​វីដេអូ​កាមេរ៉ា​ស្វ័យប្រវត្តិ​នេះ»។

អ្នកនាង​ក៏​បាន​បន្ថែម​ទៀត​ថា ក្នុង​នាម​ជា​អ្នក​អភិរក្ស​ម្នាក់ នាង​មាន​សង្ឃឹម​យ៉ាង​មុតមាំ​ថា កិច្ច​ខិតខំ​ប្រឹងប្រែង​អភិរក្ស​នឹង​ជួយ​ធានា​បាន​ការ​រស់រាន​បន្ត​របស់​សត្វព្រៃ​ដែល​កំពុង​រង​ការ​គំរាមកំហែង និង​ត្រូវ​បាន​ការពារ សម្រាប់​មនុស្ស​ជំនាន់​ក្រោយ។ ក្នុង​បទ​សម្ភាសន៍​ជាមួយUSAID មរតក​បៃតង រ៉េត បាន​បញ្ជាក់​ទៀត​ថា «ខ្ញុំ​ជឿ​ថា​មនុស្ស​គ្រប់​រូប​មាន​តួនាទី​ក្នុង​ការ​ការពារសត្វព្រៃ។ យើង​ទាំងអស់​គ្នា​អាច​រួម​ចំណែក ដើម្បី​ស្វែង​យល់​បន្ថែម​ពី​សត្វព្រៃ បញ្ឈប់​ការ​ដាក់​អន្ទាក់ និង​ការ​បរិភោគ​សាច់​សត្វព្រៃ ព្រម​ទាំង​ការពារ​ជម្រក​ធម្មជាតិ​របស់​ពួកវា។ រួមគ្នា យើង​ពិត​ជា​អាច​ការពារ​សត្វ​ព្រៃ​របស់​យើង​បាន»៕

កាលពី​អំឡុង​ខែ​មិថុនា ឆ្នាំ ២០២២ ទី​ភ្នាក់​ងារ​ជំនួយ​អាមេរិក USAID បាន​ប្រកាស​អនុវត្ត​គម្រោង “USAID មរតក​បៃតង” ក្រោម​ថវិកា​សរុប ២៤ លាន​ដុល្លារ​អាមេរិក និង​មាន​រយៈពេល ៥ ឆ្នាំ៕

រូបភាព៖ USAID មរតក​បៃតង



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។