មេរៀនជីវិតគូ Jack Ma ៖ ក្រុមហ៊ុន Alibaba រាប់រយពាន់លានដុល្លារ ក៏មានតម្លៃមិនស្មើប្រពន្ធ

មហាសេដ្ឋីលំដាប់ទី ៨ របស់ប្រទេសចិន Jack Ma ធ្លាប់បាននិយាយថាក្រុមហ៊ុន Alibaba គឺជាផ្នែកសំខាន់ក្នុងជីវិតរបស់លោកក៏ពិតមែន ប៉ុន្តែវាមិនមានតម្លៃអាចប្រៀបផ្ទឹមនឹងភរិយារបស់លោក គឺអ្នកស្រី Zhang Ying បានឡើយ។

សហស្ថាបនិក Alibaba លោក Jack Ma បាននិយាយថា ការសម្រេចចិត្តដ៏សំខាន់បំផុតក្នុងជីវិតរបស់លោកមិនមែនជាការបង្កើត Alibaba ទេ ប៉ុន្តែជាការជ្រើសរើសអ្នកស្រី Zhang Ying ជាភរិយា។

លោកនិយាយថា៖ “គាត់តែងតែជឿជាក់លើខ្ញុំ ខណៈពេលដែលគ្មានអ្នកណាជឿលើខ្ញុំ”។

អ្នកស្រី Zhang ដែលបច្ចុប្បន្នមានវ័យ ៥៩ ឆ្នាំ និងលោក Jack Ma បច្ចុប្បន្នអាយុ ៦១ ឆ្នាំ បានជួបគ្នាដំបូងនៅដើមទសវត្សរ៍ឆ្នាំ ១៩៨០ នៅសាកលវិទ្យាល័យ Hangzhou Normal ដោយកាលនោះអ្នកទាំងពីរគឺជានិស្សិត។ តាមការរៀបរាប់របស់ Jack Ma ពេលនោះអ្នកស្រី Zhang មានភាពលេចធ្លោទាំងរូបសម្រស់ ភាពវៃឆ្លាត និងប្រវត្តិសិក្សាដ៏ឆ្នើម ធ្វើឱ្យអ្នកស្រីក្លាយជាទីចាប់អារម្មណ៍និងស្ងើចសរសើរពីមនុស្សជាច្រើន។

ចំណែកលោកគឺត្រឹមជានិស្សិតកម្រិតមធ្យមទាំងរូបរាងនិងការសិក្សា ប៉ុន្តែក៏ត្រូវបានទាក់ទាញដោយចរិតលក្ខណៈរបស់អ្នកស្រី Zhang ដែរ។ តាមរយៈការប្រាស្រ័យទាក់ទង លោកបានសម្គាល់ឃើញថាអ្នកស្រីជាមនុស្សស្រីដែលមានគំនិត ចេះសន្សំសំចៃ និងឆ្លាតវៃ ហើយមានរបៀបនិយាយដែលទាក់ទាញការអារម្មណ៍យ៉ាងខ្លាំង។ បន្តិចម្ដងៗលោកបានលង់ស្នេហ៍អ្នកស្រី Zhang ទោះបីជាដំបូងឡើយអ្នកស្រីបានបដិសេធលោកក៏ដោយ។

Jack Ma ធ្លាប់បានប្រាប់អ្នកស្រី Zhang ថា៖ “មនុស្សប្រុសមានភាពសង្ហាកាន់តែតិច នឹងមានភាពឆ្លាតវៃកាន់តែច្រើន”។

ទំនុកចិត្តរបស់លោកបានធ្វើឱ្យអ្នកស្រីចាប់អារម្មណ៍ ហើយអ្នកស្រីក៏បានកត់សម្គាល់ឃើញជំនាញភាសាអង់គ្លេសដ៏ល្អឥតខ្ចោះរបស់លោកផងដែរ ខណៈពេលខ្លះលោកធ្វើការជាមគ្គុទ្ទេសក៍ទេសចរណ៍សម្រាប់អ្នកទស្សនាបរទេសនៅពេលនោះ។

ក្រោយមកអ្នកស្រីបាននិយាយថា៖ “Jack Ma អាចធ្វើរឿងជាច្រើនដែលបុរសសង្ហាមិនអាចធ្វើបាន”។

គូស្នេហ៍មួយគូនេះបានរៀបអាពាហ៍ពិពាហ៍នៅឆ្នាំ ១៩៨៨ នៅពេលដែលពួកគេធ្វើការជាគ្រូបង្រៀនភាសាអង់គ្លេសទាំងពីរនាក់។

នៅពេលដែល Jack Ma សម្រេចចិត្តចាកចេញពីការងារបង្រៀនជាការងារមានស្ថេរភាពនៅឆ្នាំ ១៩៩៥ ហើយចាប់ផ្តើមអាជីវកម្មផ្ទាល់ខ្លួន ភរិយាលោកបានគាំទ្រលោកយ៉ាងពេញទំហឹង។ អ្នកស្រីបានយកប្រាក់សន្សំផ្ទាល់ខ្លួនមកឱ្យលោកធ្វើដើមទុនបន្ថែម និងតែងតែគាំទ្រស្វាមីជានិច្ចសូម្បីក្នុងពេលក្រុមហ៊ុន China Pages ដែលជាវេទិកាពាណិជ្ជកម្មអនឡាញដំបូងរបស់ Jack Ma ត្រូវបានចោទប្រកាន់ថាជាការបោកប្រាស់ក៏ដោយ។

នៅពេលដែលក្រុមហ៊ុន Alibaba ត្រូវបានបង្កើតឡើងក្នុងឆ្នាំ ១៩៩៩ អ្នកស្រីបានចូលរួមចំណែកជាអ្នកដឹកនាំដំបូងៗមួយរូប ដោយបានគ្រប់គ្រងប្រតិបត្តិការរដ្ឋបាល និងភស្តុភារ។ ទោះបីជាមិនមែនជាម្ចាស់ភាគហ៊ុន ប៉ុន្តែអ្នកស្រីអាចគ្រប់គ្រងបានយ៉ាងល្អទាំងការងារនៅផ្ទះ និងការងារក្រុមហ៊ុនដោយទទួលខុសត្រូវលើការងារប្រាក់បៀវត្សរ៍ ការចម្អិនអាហារ និងជាអ្នកលើកទឹកចិត្តទាំងស្វាមី និងក្រុមការងារក្នុងអំឡុងពេលវេលាដ៏លំបាក។

Jack Ma បានពិពណ៌នាពីភរិយារបស់ខ្លួនថាជា “ឧត្តមស្នងការ” របស់ក្រុមការងារ ដោយជាអ្នកផ្តល់ទាំងស្ថិរភាព និងទំនុកចិត្តឡើងវិញសម្រាប់គ្រប់គ្នានៅពេលប្រឈមមុខនឹងបញ្ហា។

នៅឆ្នាំ ២០០២ អ្នកស្រី Zhang បានលាលែងពីតំណែងជាអ្នកគ្រប់គ្រងទូទៅនៃទីស្នាក់ការកណ្តាលរបស់ក្រុមហ៊ុន Alibaba នៅប្រទេសចិន ដើម្បីមកជួយកូនប្រុសអាយុ ១០ ឆ្នាំរបស់អ្នកទាំងពីរផ្ដាច់ការញៀនហ្គេមអនឡាញ។ អ្នកស្រីបានព្យាយាមពន្យល់ណែនាំកូនឱ្យឈប់ចំណាយពេលច្រើនពេកនៅក្នុងហាងអ៊ីនធឺណិត និងបានជួយកែលម្អការសិក្សា និងអត្តចរិតរបស់គេផងដែរ។

ទោះបីជាកម្រនឹងបង្ហាញខ្លួននៅចំពោះមុខសាធារណជនក៏ដោយ តែអ្នកស្រី Zhang នៅតែជានិមិត្តរូបនៃការតស៊ូ ការដាក់ខ្លួន និងការលះបង់ដោយស្ងប់ស្ងាត់។

យោងតាមទស្សនាវដ្តី Forbes គិតត្រឹមខែវិច្ឆិកា ឆ្នាំ ២០២៥ លោក Jack Ma មានទ្រព្យសម្បត្តិសុទ្ធចំនួន ៣១ ពាន់លានដុល្លារអាមេរិក ធ្វើឱ្យលោកក្លាយជាអ្នកមានបំផុតលំដាប់ទីប្រាំបីនៅក្នុងប្រទេសចិន ស្របពេលក្រុមហ៊ុន Alibaba មានតម្លៃប្រមាណ ៣៨៥ ទៅ ៣៩៦ ពាន់លានដុល្លារក្នុងទីផ្សារភាគហ៊ុន ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *