ចៀសវាងស្ដាយក្រោយ មុនរើសនរណាម្នាក់ជាដៃគូជីវិត គួរស្គាល់ពីគ្រួសារគេឱ្យបានច្បាស់ដូចគ្នា

ខាងក្រោមនេះនេះគឺហេតុផលសំខាន់ៗបង្ហាញថាមុនរើសនរណាម្នាក់ជាដៃគូជីវិត យើងមិនមែនសម្លឹងមើលតែមនុស្សដែលយើងកំពុងស្រលាញ់នោះទេ តែក៏ត្រូវស្គាល់ពីគ្រួសារគេឱ្យច្បាស់ដែរ៖

១. ផ្ទះ គឺជាកន្លែងដែលយើងរៀនសូត្រអំពីសេចក្តីស្រឡាញ់ ដូច្នេះហើយរបៀបដែលគេទទួលបានសេចក្តីស្រឡាញ់ អាចមានចំណែកយ៉ាងសំខាន់ក្នុងការកសាងរបៀបដែលគេស្រឡាញ់អ្នកដទៃ។ ឧទាហរណ៍ ប្រសិនបើគ្រួសារគេបង្ហាញក្តីស្រឡាញ់តាមរយៈការទិញរបស់ឱ្យ ឬការធ្វើម្ហូបឱ្យញ៉ាំដោយមិនសូវនិយាយផ្អែមល្ហែម គេក៏អាចនឹងសម្តែងក្តីស្រឡាញ់តាមរយៈ «ការធ្វើសកម្មភាព» ច្រើនជាងការនិយាយពាក្យ «ស្រឡាញ់»។

២. មើលពីរបៀបដែលគេប្រព្រឹត្តចំពោះមនុស្សនៅក្នុងផ្ទះ ព្រោះទម្លាប់ដែលយើងឃើញក្នុងជីវិតប្រចាំថ្ងៃ ភាគច្រើនអាចប្រាប់អ្វីៗបានច្រើនជាងពាក្យពេចន៍ផ្អែមល្ហែមពីរោះៗ។ ឧទាហរណ៍៖ ប្រសិនបើគេនិយាយសម្តីផ្អែមល្ហែម ដាក់ខ្លួន និងយោគយល់អ្នកខ្លាំងណាស់ ប៉ុន្តែពេលនៅផ្ទះ គេប្រើសម្តីគំរោះគំរើយ បញ្ជា និងមើលងាយម្តាយ ឬបងស្រីរបស់គេ នោះគឺជាសញ្ញាព្រមាន (Red Flag) ថាថ្ងៃណាមួយនៅពេលទំនាក់ទំនងរបស់អ្នកនិងគេអស់ភាពផ្អែមល្ហែម គេក៏អាចនឹងប្រព្រឹត្តដាក់អ្នកបែបនោះដែរ។

៣. ផ្ទះ មិនចាំបាច់តែល្អឥតខ្ចោះនោះទេ គ្រប់គ្រួសារសុទ្ធតែមានបញ្ហា អ្វីដែលសំខាន់គឺ តើគេស្គាល់ការទទួលខុសត្រូវ និងចេះដោះស្រាយវាដោយរបៀបណា។ គ្រួសាររបស់គេអាចនឹងមានបញ្ហាហិរញ្ញវត្ថុ ឬឪពុកម្តាយលែងលះគ្នា។ ប៉ុន្តែបើគេមិនរវល់តែតូចចិត្ត ឬយំសោក ប៉ុន្តែមានតែខិតខំធ្វើការ រៀនសូត្រ និងជួយសម្រាលបន្ទុកគ្រួសារដោយស្មារតីទទួលខុសត្រូវ នោះបង្ហាញថាគេជាមនុស្សមានភាពរឹងមាំ និងមានការទទួលខុសត្រូវខ្ពស់។

៤. មើលពីរបៀបដែលមនុស្សនៅក្នុងផ្ទះនិយាយឆ្លើយឆ្លងគ្នា ការស្តាប់ ការគោរពគ្នា និងការដោះស្រាយបញ្ហាសុទ្ធតែឆ្លុះបញ្ចាំងពីទម្រង់ទំនាក់ទំនងដែលគេទម្លាប់។ ប្រសិនបើគ្រួសាររបស់គេ ពេលមានរឿងខឹងគ្នាតែងតែស្រែកគំហក ប្រៀបធៀប ឬប្រើហិង្សា គេអាចនឹងធ្លាប់ស៊ាំនឹងវប្បធម៌បែបនោះ ហើយនៅពេលឈ្លោះជាមួយអ្នក គេអាចនឹងចេះតែស្រែក និងប្រើសម្តីហិង្សាដោយមិនដឹងខ្លួន។ ប៉ុន្តែបើគ្រួសារគេជជែកគ្នាដោយហេតុផល អង្គុយនិយាយគ្នាម្តងម្នាក់ គេនឹងយកទម្លាប់សម្របសម្រួលបែបនោះមកប្រើក្នុងជីវិតគូជាមួយអ្នកដែរ។

៥. មើលថាតើគេមានព្រំដែនជាមួយគ្រួសារដែរឬទេ ការស្រឡាញ់គ្រួសារជារឿងល្អ ប៉ុន្តែការមានជំហរផ្ទាល់ខ្លួន និងការសម្រេចចិត្តលើជីវិតខ្លួនឯង ក៏មានសារៈសំខាន់មិនចាញ់គ្នានោះដែរ។ ឧទាហរណ៍ នៅពេលរៀបចំផែនការរៀបការ ឬទិញផ្ទះ ប្រសិនបើគេត្រូវរង់ចាំឱ្យម្តាយ ឬបងប្អូនជាអ្នកសម្រេចចិត្តលើគ្រប់យ៉ាង ទាំងដែលអ្នកទាំងពីរជាអ្នករស់នៅ នោះបង្ហាញថាគេគ្មានជំហរផ្ទាល់ខ្លួនឡើយ។ មនុស្សដែលចេះកំណត់ព្រំដែន នឹងស្តាប់បង្គាប់ឪពុកម្តាយ ប៉ុន្តែក៏ដឹងថាពេលណាត្រូវឈរជើងការពារដៃគូ និងជីវិតគ្រួសារផ្ទាល់ខ្លួនដែរ។

៦. គ្រួសាររបស់គេ អាចបង្រៀនអ្វីមួយដែលយើងមិនធ្លាប់ជួប មនុស្សខ្លះធំដឹងក្តីឡើងជាមួយភាពកក់ក្តៅ មនុស្សខ្លះធំដឹងក្តីឡើងជាមួយភាពស្ងប់ស្ងាត់ ដូច្នេះយើងមិនគួរប្រញាប់កាត់សេចក្តី​ពីអ្វីដែលឃើញនឹងភ្នែកនោះឡើយ។

៧. នៅពេលទាក់ទងគ្នាមែនទែន រឿងគ្រួសារអាចនឹងចូលមកពាក់ព័ន្ធ ​ដូច្នេះនៅពេលទំនាក់ទំនងមានភាពប្រាកដប្រជាឬជ្រាលជ្រៅកាន់តែខ្លាំង យើងក៏រឹតតែត្រូវរៀនសូត្រពីគ្រួសារទាំងសង្ខាង តែក៏ត្រូវចេះគោរពសិទ្ធិឯកជនរបស់គ្នាទៅវិញទៅមកដែរ។

អាយុកាន់តែច្រើនយើងនឹងដឹងថា ក្តីស្រឡាញ់តែមួយមុខ អាចនឹងមិនគ្រប់គ្រាន់ឡើយ។ ទាំងអាកប្បកិរិយា ទស្សនវិស័យ ការទទួលខុសត្រូវ របៀបប្រាស័យទាក់ទង និងការគ្រប់គ្រងដោះស្រាយបញ្ហាសុទ្ធតែសំខាន់សម្រាប់ជីវិតគូ។

យ៉ាងណាក៏ដោយចុងក្រោយ យើងនៅតែត្រូវមើលថាតើមនុស្សដែលយើងជ្រើសរើសនោះ គេជ្រើសរើសធ្វើជាមនុស្សបែបណា ព្រោះផ្ទះឬគ្រួសារ អាចជាចំណុចចាប់ផ្តើមរបស់គេ ប៉ុន្តែមិនប្រាកដថាជាចម្លើយចុងក្រោយនៃជីវិតរបស់គេនោះឡើយ។ បរិស្ថានជុំវិញមានឥទ្ធិពល ប៉ុន្តែមនុស្សយើងក៏អាចរៀនសូត្រ និងជ្រើសរើសបង្កើតខ្លួនឯងឡើងវិញបានដែរ ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​