ជីវិត ជាពាក្យខ្លីពិត តែជាក់ស្ដែង វាមិនងាយស្រួលនឹងប្រើប្រាស់នោះទេ។ ប្រាកដណាស់ថា ម្នាក់ៗនឹងជួបបញ្ហារៀងៗខ្លួន រឿងខ្លះក៏អាចចែករំលែកបាន រឿងខ្លះក៏បានត្រឹមបៀមទុក្ខតែម្នាក់ឯង។ ដូច្នេះ បើសិនជាអ្នកកំពុងតែជួបបញ្ហា និងមិនទាន់អាចរកផ្លូវដោះស្រាយឱ្យស្រេចបាច់ តស់! មកអានសម្រេង់សម្ដីខ្លះៗពេញដោយថាមពេល របស់តារាខេប៉ុបទាំង ១០រូបខាងក្រោមនេះ៖
១. ក្ដីស្រមៃរបស់ខ្ញុំ គឺមិនមែនចង់ក្លាយជាមនុស្សដែលល្អបំផុតនោះទេ តែគឺជាមនុស្សម្នាក់ដែលខ្ញុំនឹងមិនខ្មាស់អៀន ក្នុងការបង្ហាញទៅអ្នកដទៃ។ – Key ក្រុម SHINee

២. អ្វីដែលយើងត្រូវខ្លាចពិតប្រាកដ មិនមែនជាការបរាជ័យនោះទេ តែជាបេះដូងដែលលែងហ៊ានប្រថុយ និងលែងហ៊ានប្រឈមមុខជាមួយបញ្ហា។ – G-dragon ក្រុម BIGBANG

៣. យំចេញមកឱ្យខ្លាំងៗ មើលកញ្ចក់ ជូតទឹកភ្នែកចេញ ហើយប្រាប់ខ្លួនឯងថា ពីមុនមកខ្ញុំក៏ធ្លាប់យំបែបនេះ មនុស្សគ្រប់គ្នាក៏ធ្លាប់ជួបពេលវេលាបែបនេះដែរ។ កុំទៅខ្វល់អី អ្នកមិនមែនជា មនុស្សតែម្នាក់ដែលជួបរឿងបែបនេះទេ។ – Jonghyun ក្រុម SHINee

៤. បើសិនជាអ្នកមានក្ដីស្រមៃ សូមកុំបោះបង់វាចោល បើទោះបីជាមានរឿងអ្វីក៏ដោយ។ អ្នកនឹងមិនអាចជោគជ័យបានទេ បើសិនជាអ្នកមិនធ្លាប់បរាជ័យ។ – Jackson ក្រុម GOT7

៥. ជីវិតនឹងស្រស់ស្អាតជាងមុន នៅពេលដែលអ្នកដឹងថា សេចក្ដីស្លាប់កាន់តែខិតជិតមកដល់។ សូម្បីតែពន្លឺក៏មានតម្លៃជាងធម្មតា នៅពេលដែលនៅក្នុងកន្លែងងងឹតដែរ។ – RM ក្រុម BTS

៦. នៅពេលដែលអ្នកមើលពិភពលោក ដោយប្រើប្រាស់ភាពស្រស់ស្អាតក្នុងបេះដូង មិនថាអ្នកចោលភ្នែកទៅទីណា អ្នកក៏នឹងនៅតែអាចរកឃើញភាពស្រស់ស្អាត។ – Wendy ក្រុម Red Velvet

៧. សូមកុំរស់នៅ ដើម្បីធ្វើតាមក្ដីសុបិនរបស់អ្នកដទៃ – V ក្រុម BTS

៨. សូមកុំបោះបង់ដំណើររបស់អ្នក ព្រោះជំពូកជីវិតដ៏ពិបាកណាមួយ។ បន្តទៅមុខទៀត សាច់រឿងរបស់អ្នកមិនបញ្ចប់ត្រឹមនេះទេ។ – Jungkook ក្រុម BTS

៩. យើងម្នាក់ៗសុទ្ធតែធ្លាប់មានពេលដែលមិនស្អាត តែគ្រប់គ្នាសុទ្ធតែមានភាពពិសេសផ្ទាល់ខ្លួន ដែលអ្នកដទៃមិនអាចមានដូច។ – Sandara Park ក្រុម 2NE1

១០. រស់នៅក្នុងនាមជាតារាស្រីម្នាក់ មិនខុសគ្នាពីសំពៅលើសមុទ្រនោះទេ។ ប្រាកដណាស់ថា តាមផ្លូវទៅច្រាំង សំពៅនោះនឹងត្រូវជួបពាក្យរិះគន់ ពាក្យព្យាបាទមិនចេះចប់ មិនចេះហើយ តែអ្នកត្រូវប្រាកដចិត្តថា ត្រូវធ្វើយ៉ាងណានាំសំពៅនោះឱ្យទៅដល់គោលដៅ។ វាជាផ្នែកមួយ ដែលបង្វឹកឱ្យអ្នកកាន់តែចេះរឹងមាំ។ – Suzy ពីក្រុម Miss A
























Account
Security
Favourite Content