កម្មវិធី Clean Energy Fellowship៖ កសាងអ្នកដឹកនាំផ្នែកថាមពលស្អាតប្រចាំកម្ពុជា

អង្គការអេននឺជីឡេប (EnergyLab) ក្រោមកិច្ចសហការជាដៃគូជាមួយមូលនិធិ ខុនរ៉ាដអាឌិនណៅអ៊ែរ (Konrad Adenauer Stiftung) និងការគាំទ្រពីក្រសួងការបរទេស និងពាណិជ្ជកម្មនូវែលសេឡង់ បានរៀបចំពិធីបើកសម្ភោធជាផ្លូវការនៃកម្មវិធី Clean Energy Fellowship សម្រាប់ឆ្នាំ២០២៤ កាលពីថ្ងៃសៅរ៍ ទី៣០​ ខែមីនា ឆ្នាំ២០២៤ កន្លងទៅ។

ផ្ដួចផ្ដើមឡើងតាំងពីឆ្នាំ២០២១​ កម្មវិធីនេះត្រូវបានបង្កើតក្នុងគោលបំណង ពង្រឹងចំណេះដឹងផ្នែកថាមពលស្អាតទៅកាន់យុវជនកម្ពុជាដែលទើបចាប់ផ្ដើមចូលប្រលូកក្នុងវិស័យការងារ និងលើកទឹកចិត្ត​ឱ្យពួកគេចូលរួមកាន់តែសកម្មក្នុងអន្តរកាលថាមពលស្អាតរបស់ប្រទេសកម្ពុជា។

លោកណត្តារុណ ង៉ោ សឺន នាយក​ប្រចាំ​ប្រទេស​របស់អង្គការអេននឺជីឡេប (EnergyLab) បាន​មាន​ប្រសាសន៍​ថា «ចាប់តាំងពីឆ្នាំ២០២១មក កម្មវិធី Clean Energy Fellowship នេះ​ ជាការបង្ហាញពីឆន្ទៈរបស់អង្គការអេននឺជីឡេប (EnergyLab) ក្នុងការគាំទ្រការអភិវឌ្ឍន៍ជំនាញ​របស់យុវជនកម្ពុជា ដើម្បីឱ្យពួកគេអាចឈោងចាប់​ឱកាសនៅក្នុងវិស័យថាមពលស្អាតរបស់កម្ពុជាបានកាន់តែប្រសើរ។ យើងនឹងបន្តធ្វើកិច្ចការទាំងនេះបន្ថែមទៀតដើម្បីឆ្លើយតបទៅកាន់តម្រូវការបន្ទាន់ដើម្បីសម្រេចបាននូវអន្តរកាលថាមពលស្អាត។»

ចាប់ពីពេលកម្មវិធីដំណើរការដំបូងនៅឆ្នាំ២០២១ យុវទូតចំនួន៣៦​នាក់បានបញ្ចប់កម្មវិធីដោយជោគជ័យ ដោយក្នុងនោះមានអ្នកចូលរួមជាស្រ្តីប្រមាណជាង៥០%។ លោកសេក ចាន់បូរ៉ា យុវទូតថាមពលស្អាតជំនាន់កម្មវិធីឆ្នាំ២០២៣ បានឆ្លុះបញ្ចាំងលើបទពិសោធន៍​ផ្ទាល់ខ្លួនរបស់លោកថា «តាមរយៈការចូលរួមកម្មវិធី ខ្ញុំបានក្រេបយកចំណេះដឹងផ្នែកបរិបទថាមពល​  រៀនសូត្រពីឧបសគ្គជុំវិញអន្តរកាលថាមពល​ និងយល់ដឹងពីគោលនយោបាយក៏ដូចជាខ្សែសង្វាក់ថាមពល។»

ឆ្នាំ២០២៤នេះជាឆ្នាំដែលកម្មវិធីបានជ្រើសរើសអ្នកចូលរួមច្រើនជាងឆ្នាំមុនៗ ដោយមានរហូតទៅដល់៣០យុវទូតថាមពលស្អាត ហើយពួកគេកំពុងតែចាប់ផ្ដើមក្នុងដំណើរគាំទ្រដល់អន្តរកាលថាមពលស្អាតរបស់កម្ពុជា។​ យុវទូតទាំងនោះមកពីស្ថាបន័ខុសៗគ្នា រួមមានស្ថាប័នស្រាវជ្រាវ អង្គការសង្គមស៊ីវិល វិស័យឯកជន និងក្រសួងនានា។

កម្មវិធី Clean Energy Fellowship នឹងបំពាក់ចំណេះដឹង ព្រមទាំងជំនាញគ្រឹះផ្នែកថាមពលស្អាត​ដល់យុវទូតដែលចូលរួមក្នុងកម្មវិធី។ បន្ថែមពីលើនេះ កម្មវិធីក៏មានសកម្មភាពផ្សេងៗទៀតដូចជា ដំណើរទស្សនកិច្ចទៅកាន់ទីតាំងថាមពលស្អាត ឱកាសកសាងបណ្ដាញនិងទំនាក់ទំនង និងការសរសេរបទវិចារណកថាក្រោមប្រធានបទគោលថាមពលស្អាតផងដែរ។ សកម្មភាពចម្រុះទាំងនេះនឹងជម្រុញឱ្យអ្នកចូលរួម អាចបញ្ចេញគំនិតដោះស្រាយបញ្ហាក្នុងលំហថាមពលស្អាត និងរួមចំណែកដល់ការអភិវឌ្ឍន៍ប្រកបដោយចីរភាព ក្នុងសហគមន៍របស់ពួកគេ ក៏ដូចជាពង្រឹងវិជ្ជាជីវៈផ្ទាល់ខ្លួនផងដែរ។

ដោយមើលឃើញពីអត្ថប្រយោជន៍របស់កម្មវិធី លោក Jason Chumtong នាយកប្រចាំប្រទេសកម្ពុជានៃ​ មូលនិធិ ខុនរ៉ាដអាឌិនណៅអ៊ែរ (Konrad Adenauer Stiftung) បានលើកឡើងថា​ «ជាមួយនឹងការច្របាច់បញ្ចូលនៃសមត្ថភាព និងភាពចម្រុះរបស់យុវទូត យើងកំពុងតែបំភ្លឺវិថីទៅកាន់ចីរភាព តាមរយៈកម្មវិធី Clean Energy Fellowship​​។ ឆ្នាំនេះ យើងមិនមែនគ្រាន់តែបង្កើនចំនួនអ្នកចូលរួមនោះទេ ប៉ុន្តែយើងកំពុងតែសាទររឿងរ៉ាវ ក្ដីស្រមៃ និងសម្លេងមកពីគ្រប់មជ្ឈដ្ឋាន។ ដើម្បីពង្រីកនូវវិសាលភាពរបស់កម្មវិធី​ យើងនឹងមានការបោះពុម្ពផ្សាយនូវបទវិចារណកថារបស់យុវទូតកម្មវិធី និងផ្ដល់ការគាំទ្រផ្នែកសរសេរ​ដើម្បីធានាថា​ទស្សនៈ និងការស្រាវជ្រាវរបស់ពួកគេគាំទ្រដល់កិច្ចសន្ទនាទាក់ទិននឹងថាមពលស្អាត។»  

ដោយសង្កត់ធ្ងន់ពីសារៈសំខាន់នៃគំនិតផ្តួចផ្តើមកម្មវិធី លោក Tristan Bellingham ប្រធានគ្រប់គ្រងផ្នែកថាមពលកកើតឡើងវិញប្រចាំនូវែលសេឡង់ និងតំបន់អាស៊ាន​​ និងតំណាងឱ្យ​ក្រសួងការបរទេស និងពាណិជ្ជកម្មនូវែលសេឡង់ បានលើកឡើងថា «កម្មវិធី Clean Energy Fellowship ជាគំនិតផ្តួចផ្ដើមដ៏អស្ចារ្យ។​ អន្តរកាលថាមពលកំពុងដំណើរការនៅក្នុងប្រទេសកម្ពុជា ហើយនូវែលសេឡង់ពិតជាសាទរយ៉ាងខ្លាំង​ដល់កម្មវិធីដែលគាំទ្រការចូលរួម និងការជជែកដេញដោល ពីឧបសគ្គចម្បងក្នុងសកលលោកនៅពេលបច្ចុប្បន្ននេះ។ យើងសូមលើកទឹកចិត្តឱ្យ​យុវទូតថាមពលស្អាតកម្ពុជាជំនាន់ថ្មីនេះ សិក្សារៀនសូត្រ ស្វែងយល់ និងយកចំណេះដឹងរបស់ពួកគេ​ទៅអនុវត្ត ដើម្បីធានាបាននូវអន្តរកាលថាមពលប្រកបដោយយុត្តិធម៌។»

លោក Dr. Michael Renfrew នាយកផ្នែកប្រតិបត្តិការ និងកម្មវិធីនៃអង្គការអេននឺជីឡេប (EnergyLab) បានបន្ថែមថា «ស្របពេលដែលយើងដំណើរការកម្មវិធី Clean Energy Fellowship ជាលើកទីបួន យើងសូមអញ្ជើញភាគីពាក់ព័ន្ធ ចូលរួមតាមដាន និងរំពឹងទុកការបោះពុម្ពផ្សាយបទវិចារណកថារបស់យុវទូតយើង។ ការបោះពុម្ពផ្សាយនឹងផ្ដល់នូវទស្សនៈផ្សេងៗ ទៅលើបញ្ហាចម្បងនៃថាមពលស្អាត ក៏ដូចជាដំណោះស្រាយដែលនឹងដើរតួជាកាតាលីករយ៉ាងសំខាន់ក្នុងការផ្លាស់ប្តូរជាវិជ្ជមាន និងជម្រុញឱ្យកម្ពុជាឆ្ពោះទៅកាន់អនាគតប្រកបដោយចីរភាព។»

អំពីកម្មវិធីClean Energy Fellowship Program

បង្កើតឡើងតាំងពីឆ្នាំ២០២១ កម្មវិធី Clean Energy Fellowship Program ត្រូវបានបង្កើតឡើងដើម្បីបណ្ដុះបណ្ដាល អ្នកប្រកបការងារ មកពីស្ថាប័នផ្សេងៗឲ្យយល់ដឹងស៊ីជម្រៅបន្ថែមទាក់ទងទៅនឹងថាមពលស្អាត ដើម្បីក្លាយជាយុវទូតសុឆ្ឆន្ទ:ដ៏សកម្មក្នុងប្រទេសកម្ពុជា។កម្មវិធីនេះមានរយៈពេលប្រាំមួយខែ។

កម្មវិធីClean Energy Fellowship Program មានគោលបំណងជំរុញការយល់ដឹងអំពីថាមពលស្អាតតាមរយៈការរៀនសុត្រ និងការពង្រីកចំណេះដឹងអំពីថាមពលស្អាត។ យុវជនដែលចូលរួមកម្មវិធីនឹងមានឱកាសបង្កើតបណ្តាញជាមួយអ្នកជំនាញ និងបុគ្គលដែលកំពុងធ្វើការជំរុញការផ្លាស់ប្តូរជាវិជ្ជមាននៅក្នុងវិស័យថាមពលស្អាត។

អំពីអង្គការEnergyLab

បង្កើតឡើងក្នុងឆ្នាំ២០១៨ អង្គការអេននឺជីឡេប (EnergyLab) គឺជាអង្គការមិនស្វែងរកប្រាក់ចំណេញ ដែលធ្វើការប្រកបដោយភាពច្នៃប្រឌិត និងប្រសិទ្ធភាពដើម្បីគាំទ្រដល់វឌ្ឍភាពនៃថាមពលស្អាត។ ចាប់តាំងពីការបង្កើតមក យើងត្រូវបានទទួលស្គាល់ដោយដៃគូរបស់យើងថាមានភាពឯករាជ្យ ចំណេះដឹង និងធនធាន ជាមួយនឹងរបៀបវារៈប្រកបដោយតម្លាភាពដើម្បីគាំទ្រថាមពលស្អាត។

អាសយដ្ឋាន:  G1101, GIA Tower, Sopheak Mongkul Street, Koh Pict City, Sangkat Tonle Bassac, Khan Chamkamorn, Phnom Penh, Cambodia

គេហទំព័រ: https://energylab.asia/

សម្រាប់ការសាកសួរព័ត៌មាន សូមទាក់ទង


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មិនសូវលេចមុខក្នុងសិល្បៈ HANI សម្ងំរៀនសូត្រផ្នែកចិត្ដវិទ្យា ព្រោះចង់ជួយមិត្តរួមអាជីព  

ថ្មីៗ នេះ HANI សមាជិកក្រុមចម្រៀង EXID បានបង្ហាញខ្លួនក្នុងកម្មវិធីរបស់ស្ថានីយន៍ទូរទស្សន៍ SBS គឺ “Strong Heart VS”។ ក្នុងឱកាសនោះ តារាស្រីវ័យ ៣២ ឆ្នាំ រូបនេះ បានលើកនិយាយពីការផ្លាស់ប្ដូររូបរាងរបស់នាង និងការសិក្សា។

ខាត់ សុឃីម៖ ត្រូវនិយាយថា «ទេ» ចំពោះការងារដែលមិនទទួលបានប្រាក់កម្រៃ

ក្តៅៗហុយៗ មុននេះបន្តិចតារាពហុជំនាញ ខាត់ សុឃីម បានបង្ហោះរូបថត ១ សន្លឹក ភ្ជាប់ជាមួយ Caption ដ៏សែនចាក់ចោត ហើយសម្តីមុតស្រួចរបស់តារាចម្រៀងរូបនេះបានចាក់ទម្លុះចិត្ត

ផ្ទុះការភ្ញាក់ផ្អើល! ស្វាមីម្ចាស់ប្រេន ឡាកាម៉ូ បាត់បង់ជីវិត ដោយសារចោរចូលប្លន់ក្នុងផ្ទះ

មានការភ្ញាក់ផ្អើកមួយបានកំពុងកើតឡើងបណ្តាញសង្គមហ្វេសប៊ុក ដោយមុននេះបន្តិចទំព័រហ្វេសប៊ុកផ្លូវការ Ka k'ter ជា BA តំណាងផលិតផល ឡាកាម៉ូ និងជាមនុស្សជំនិតរបស់ អ្នកស្រី មាស

Lisa ចាប់ដៃជាមួយផលិតកម្មអាមេរិក RCA Records ត្រៀមពញ្ញាក់អារម្មណ៍អ្នកគាំទ្រ

ថ្មីៗនេះក្រុមហ៊ុន LLOUD បានប្រកាសដ៏គួរឱ្យរំភើបនៅលើបណ្ដាញសង្គម X អំពីការសហការគ្នាជាផ្លូវការរវាង Lisa សមាជិកក្រុម BLACKPINK

បទថ្មី មាស សុខសោភា ត្រូវមហាជនរិះគន់ដូចព្យុះ តែនាងឆ្លើយតបបែបត្រជាក់ៗ

«តប់» ជា​បទចម្រៀងថ្មីរបស់តារាចម្រៀង មាស សុខសោភា ដែលទើបទម្លាក់លើទីផ្សារ កាលពីថ្ងៃទី ៧ ខែមេសា ឆ្នាំ ២០២៤ ​សម្រាប់ហ្វេនៗរាំលេងកម្សាន្តអំឡុងពិធីបុណ្យចូលឆ្នាំថ្មីប្រពៃណីជាតិ

សមាជិកកូនពៅក្រុម NewJeans ត្រូវផ្អាកសកម្មភាពមួយរយៈក្រោយបញ្ហារបួសជើង

សមាជិកកូនពៅ Hyein របស់ក្រុមចម្រៀងនារីល្បី NewJeans ត្រូវបានរាយការណ៍ កំពុងមានបញ្ហារបួស និងតម្រូវឲ្យសម្រាកដើម្បីមើលថែសុខភាព។ របួសជើងរបស់ Hyein ត្រូវបានគេសង្ស័យថា កើតឡើងកំឡុង

បុគ្គលសំខាន់ ៣ ជ្រោមជ្រែង សុគន្ធ នីសា មានឱកាសថតតួអង្គទេវតាឆ្នាំថ្មីលើកដំបូង

ដូចប្រិយមិត្តបានជ្រាបស្រាប់ហើយថា ក្រៅពីអាជីពជាតារាចម្រៀង ម្ចាស់បទ «រាត្រីសេកុង» អ្នកនាង សុគន្ធ នីសា ថែមទាំងមានទីផ្សារខ្ពស់លើការថតបង្ហាញម៉ូដឈុតសម្លៀកបំពាក់ថ្មីៗ

ជំងឺបាក់ទឹកចិត្ដធ្ងន់ធ្ងរ ធ្វើឲ្យតួ សៀវ ឡុងនី ធ្លាប់មិនងូតទឹក ១ សប្ដាហ៍ និងដើរជុំវិញផ្នូរខ្មោច

ជារឿងកម្រមួយដែលតារាស្រី Carman Lee ឬមនុស្សជាច្រើនស្គាល់ថា​ជាតួ សៀវ ឡុងនី ​​ឆ្នាំ ១៩៩៥។ Carman រាល់ដង​តែងនិយាយលើកទឹកចិត្ដ និងនិយាយពីរឿង​នាងចូលចិត្តធ្វើលំហាត់

ស្រីស្អាតតារា​ខ្មែរកូនកាត់បារាំងទាំង ៣ រូប ធ្លាប់ថតជាមួយ វណ្ណដា

តារា​ខ្មែរ​ដែល​ជា​ស្រី​ស្អាត​កូន​កាត់​បារាំងទាំង​ប៉ុន្មាន​រូប​នេះ​​ កំពុង​មាន​ទីផ្សារ​សិល្បៈ​ខ្លាំង ​​មាន​ទាំង​សម្រស់ ចំណេះដឹង និង​ការ​ប្រើប្រាស់​ភាសា​អង់គ្លេស​ សម្រាប់​ទំនាក់ទំនង​បាន​យ៉ាង​ល្អ។ ជា​រឿង​

សម្រស់ ចន សុទីម៉ា តែងតួព្រះនាង មហោទរាទេវី ស្អាតប្លែកទាំងម៉ូដសម្លៀកបំពាក់ ទាំងពណ៌

ចន សុទីម៉ា ចប់​ការងារ​នៅ​សៀមរាប​ភ្លាម បាន​បញ្ចេញ​រូបភាព​តែងតួ​ជា​ទេវតា​ឆ្នាំ​ថ្មី ព្រះនាម​ព្រះនាង មហោទរាទេវី។ Miss Universe Cambodia 2023 ​ជះ​សម្រស់​ស្រស់​មិន​សំចៃ​ដៃ​ឡើយ

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *