មិនធម្មតា រឿងភាគដំបូងដែល IU និង Park Bo Gum សម្ដែងរួមគ្នាចំណាយដើមទុនច្រើនដល់ថ្នាក់នេះ!

‘When Life Gives You Tangerines’ រឿងភាគថ្មីរបស់ IU និង Park Bo Gum ដែលត្រៀមចាក់បញ្ចាំងលើ Netflix កំពុងក្លាយជាទីចាប់អារម្មណ៍ខ្លាំងក្នុងចំណោមអ្នកគាំទ្ររឿងភាគកូរ៉េ ខណៈមានការបង្ហើបពីការចំណាយដើមទុនផលិតខ្ពស់រហូតដល់ ៦០ ពាន់លានវ៉ុន ឬជាង ៤១ លានដុល្លារអាមេរិក។ នេះបើផ្អែកតាមការផ្សាយរបស់ allkpop នៅថ្ងៃទី៥ ខែកុម្ភៈនេះ។

រឿងភាគថ្មីនេះមានសាច់រឿងអំពី Oh Ae Soon (សម្តែងដោយ IU) ជាក្មេងស្រីដែលតស៊ូ និងពោរពេញដោយសមត្ថភាព ជាមួយ Yang Gwan Sik (សម្តែងដោយ Park Bo Gum) ជាក្មេងប្រុសឧស្សាហ៍ព្យាយាម និងឆ្លាតវៃ ប៉ុន្តែឆោតល្ងង់ក្នុងរឿងស្នេហា ដោយអ្នកទាំងពីរធំឡើងនៅក្នុងភូមិមាត់សមុទ្រតូចមួយនៅលើកោះ Jeju។ សាច់រឿងនឹងបង្ហាញ​ពី​ជីវិត និង​ការ​រីកចម្រើន​របស់​តួអង្គឆ្លងកាត់​រយៈ​ពេល​បួន​រដូវកាល។

ជារឿងភាគដំបូងដែលសម្ដែងដោយកំពូលតារាពីររូបប្រចាំប្រទេសកូរ៉េ និងចំណាយដើមទុនខ្ពស់ទៀតនោះធ្វើឱ្យរឿងនេះត្រូវបានគេរង់ចាំទស្សនាច្រើនខ្លាំងសម្រាប់ដើមឆ្នាំ២០២៥នេះ។ និយាយពីប្រវត្តិខ្លះៗរបស់តួឯកទាំងពីរ IU បានចូលប្រឡូកក្នុងវិស័យតន្ត្រីក្នុងឆ្នាំ ២០០៨ ហើយបានក្លាយជាតារាចម្រៀងស្រីទោលឈានមុខគេជាមួយនឹងបទចម្រៀងល្បីៗដូចជា “Good Day” “You and I” “Autumn Morning” និងបទជាច្រើនទៀត។ មិនត្រឹមតែល្បីល្បាញផ្នែកចម្រៀង ប៉ុន្តែនាងក៏បានបន្តកសាងកេរ្តិ៍ឈ្មោះយ៉ាងរឹងមាំផងដែរក្នុងអាជីពសម្ដែង ដោយបានដើរតួឯកក្នុងរឿងភាគល្បីៗដូចជា “You Are the Best”, “Moon Lovers: Scarlet Heart Ryeo”, ‘My Mister’ និង ‘Hotel Del Luna’។

ចំណែក Park Bo Gum បានបង្ហាញមុខជាលើកដំបូងក្នុងឆ្នាំ ២០១១ ហើយក៏បានក្លាយ Superstar មួយរូបរបស់កូរ៉េយ៉ាងឆាប់រហ័ស ដោយបានសម្ដែងក្នុងរឿងភាគល្បីៗដូចជា ‘Reply 1988’ និង ‘Love in the Moonlight’ រួមទាំងខ្សែភាពយន្តខ្នាតធំដូចជា ‘The Admiral: Roaring Currents’ និង ‘ Coin Locker Girl ។’

ក្រៅពីមាន IU និង Park Bo Gum ជាតួឯក ភាពយន្តភាគ ‘When Life Gives You Tangerines’ ក៏មានការចូលរួមសម្ដែងពី​តារា​កូរ៉េ​ល្បីៗជាច្រើនទៀត​ដូច​ជា Na Moon Hee, Oh Jung Se, Yeo Hye Ran, និង Jo Jae Yun ។

មិន​ត្រឹម​តែ​​តារា​សម្ដែង​ប៉ុណ្ណោះ​ទេ ប៉ុន្តែ​អ្នក​និពន្ធ​និង​អ្នក​ដឹក​នាំ​រឿងនេះក៏សុទ្ធតែមានឈ្មោះ​ល្បីដែរ។ ជាក់ស្ដែង រឿងនេះនិពន្ធដោយអ្នកនិពន្ធស្រី Im Sang Chun ដែលធ្លាប់និពន្ធរឿងភាគល្បីៗដូចជា ‘When the Camellia Blooms’ និង ‘Fight for My Way’ និងដឹកនាំដោយលោក Kim Won Seok ដែលធ្លាប់ដឹកនាំរឿង ‘Misaeng’ ‘Signal’ និង ‘My Mister’។

មានសរុប ១៦ ភាគ ‘When Life Gives You Tangerines’ នឹងត្រូវបានចាក់ផ្សាយចំនួន ៤ ភាគក្នុងមួយសប្តាហ៍ ចាប់ពីថ្ងៃទី ៧ ខែមីនាខាងមុខនេះ។ ចង់ដឹងថាសាច់រឿងទាំងមូលល្អមើល និងមានគុណភាពខ្ពស់ស័ក្ដិសមនឹងការរំពឹងទុកដែរឬយ៉ាងណា កុំភ្លេចរង់ចាំតាមដានទស្សនាទាំងអស់គ្នា!



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *