ជប៉ុនប្រគល់ហូលពិតាន ៤០ ផ្ទាំង ដើម្បីរក្សាទុកជាសម្បត្តិរដ្ឋនៅសារមន្ទីរជាតិកម្ពុជា

ក្រុម​អង្គការ​គាំពារ​កុមារ​ខ្មែរ ហៅ​កាត់ CYK ដឹកនាំ​ដោយ​លោកស្រី Harumi Sekiguchi លោកស្រី ចាន់ ស្រី និង លោក ព្រំ ប៊ុនធឿន ទទួល​ការ​អនុញ្ញាត​ចូលរួម​សម្ដែង​ការ​គួរសម​ជាមួយ លោក​ជំទាវ​បណ្ឌិត​សភាចារ្យ ភឿង សកុណា រដ្ឋមន្ត្រី​ក្រសួង​វប្បធម៌ និង​វិចិត្រ​សិល្បៈ នៅ​សារមន្ទីរ​ជាតិ​កម្ពុជា កាលពី​ព្រឹក​ថ្ងៃ ៤ ខែ​កុម្ភៈ ឆ្នាំ២០២៥ វេលា​ម៉ោង ១១នាទីព្រឹក។

នា​ឱកាស​ជំនួប​នោះ ក្រុម​ការងារ​ជប៉ុន​បាន​ប្រគល់​ហូល​ពិតាន​សរុប ៤០ផ្ទាំង ជូន​ក្រសួង ដើម្បី​រក្សា​ទុក​ជា​សម្បត្តិ​រដ្ឋ នៅ​សារមន្ទីរ​ជាតិ​កម្ពុជា ក្រោម​វត្តមាន​របស់​លោក​ជំទាវ​បណ្ឌិត​សភា​ចារ្យ​រដ្ឋមន្ត្រី និង​ឯកឧត្តម UENO Atstushi ឯកអគ្គរដ្ឋទូត​ជប៉ុន​ប្រចាំ​នៅ​កម្ពុជា។

សមុច្ច័យ​ទាំង ៤០ ផ្ទាំង​នេះ ជា​បណ្ដុំ​ការ​ប្រមូល​ផ្ដុំ​ដ៏​សំខាន់ ដែល​បាន​ឆ្លុះ​បញ្ចាំង​ពី​ភាព​សម្បូរ​បែប​នៃ​ការ​បន្ត​មរតក​បេតិកភណ្ឌ​អរូបី នៃ​វិស័យ​តម្បាញ​ខ្មែរ​នា​រយៈពេល​ជាង​មួយ​សតវត្សរ៍ ​កន្លង​មក​នេះ។ ហូល​ពិតាន​ទាំង​នោះ​មាន​ក្បាច់​លម្អ​​រំលេច​ពី​ទិដ្ឋភាព​ទូទៅ​នៃ​ជីវភាព​ប្រចាំ​ថ្ងៃ និង​ជំនឿ​នានា​ដែល​ខ្មែរ​គោរព​ប្រតិបត្តិ ជាពិសេស​គឺ​ផ្ទាំង​រឿង​ទាក់ទង​នឹង​ពុទ្ធប្រវត្តិ។

គោលបំណង​ចម្បង​នៃ​ការ​ប្រគល់​នេះ គឺ​ដើម្បី​ធានា​បាន​និរន្តរភាព​នៃ​ការ​អភិរក្ស ថែ​រក្សា និង​ផ្សព្វផ្សាយ​ពី​ភាព​ប្រណិត និង​ល្អឯក​នៃ​មរតក​តម្បាញ​សូត្រ​ខ្មែរ។ លើស​ពី​នោះ ក្រុម ការងារ​ចង់​ផ្ដល់​លទ្ធភាព និង​ភាព​ងាយស្រួល​ដល់​ក្រុម​អ្នក​តម្បាញ​សូត្រ​ខ្មែរ ដែល​មាន​បំណង​ចង់​សិក្សា​ឈ្វេងយល់​ពី​ទម្រង់ និង​ក្បាច់​រចនា​នានា​នៅ​លើ​ផ្ទាំង​សូត្រ អាច​ចូល​មក​ពិនិត្យ​ផ្ទាល់​បាន​នៅ​សារមន្ទីរ​ជាតិ ដោយ​ទាក់ទង​ផ្ទាល់​មក​សារមន្ទីរ​ជា​មុន ដើម្បី​ក្រុម​ការងារ​អាច​រៀបចំ​សមុច្ច័យ​ទាំងនោះ​ទាន់​ពេល​វេលា ដោយ​ពុំ​ចាំ​បាច់​ចំណាយ​ពេល​វេលា​រង់ចាំ។

សារមន្ទីរ សង្ឃឹម​យ៉ាង​មុត​មាំ​ថា សាធារណជន នឹង​ពិនិត្យ​លទ្ធភាព​នៃ​ការ​ប្រគល់​សមុច្ច័យ​ផ្សេង​ៗ​ទៀត​មក​សារមន្ទីរ​ទុក​ជា​សម្បត្តិ​ជាតិ ដូច​ដែល​ក្រុម​ការងារ​ជប៉ុន​នេះ​បាន​ធ្វើ​នា​ថ្ងៃ​នេះ ដ្បិត​សមុច្ច័យ​ទាំង​នោះ នឹង​ក្លាយ​ទៅ​ជា​ឯកសារ​រស់ សម្រាប់​ការផ្សព្វផ្សាយ និងសិក្សាឈ្វេងយល់មរតកអរូបី ដែលដូនតាខ្មែរបានបន្សល់ទុក។

គួរ​រំឭក​ផង​ដែរ​ថា កាលពីកំឡុងឆ្នាំ២០១៤ លោកស្រី Harumi Sekiguchi បាន​ប្រគល់​ហូល​ពិតាន​មក​កាន់​សារមន្ទីរជាតិ​កម្ពុជា ២ លើក​ម្ដង​មក​ហើយ លើក​ទី​១​សរុប ២៣ ផ្ទាំង និង លើក​ទី​២​សរុប ២ផ្ទាំង៕

រូបភាព៖ ក្រសួងវប្បធម៌ និងវិចិត្រសិល្បៈ



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *