អបអរសាទរ! ភូមិ «វត្ត​បូព៌»ក្រុង​សៀមរាប​ជាប់​ជា​តំបន់​ដ៏​ល្អ​បំផុត​ទាំង៥១​នៅ​លើ​ពិភព​លោក និង​លេខ​ ១​នៅ​អាស៊ី

ភូមិវត្ត​បូព៌​ត្រូវ​បាន​គេហទំព័រ​ទេសចរណ៍​ដ៏​ល្បី​របស់​អង់គ្លេស​ Time Out ផ្ដល់​ចំណាត់​លេខ​ ៣​ ជា​តំបន់​ល្អ​បំផុត​ក្នុង​លោក​ក្នុង​ចំណោម​តំបន់​ជា​ច្រើន​ផ្សេង​ទៀត​ជុំ​វិញ​ពិភពលោក ដោយជា​ភូមិ​តូច​មួយ​​មិន​សូវ​អ៊ូអរ​ខ្លាំង​ប៉ុន្មាន​ មាន​បរិយាកាស​ល្អ គួរ​ឲ្យ​ចង់​រស់នៅ មាន​សាលា​បឋម​សិក្សា​វត្ត​បូព៌​ជា​សាលា​គំរូ​ មាន​វត្ត​បូព៌​ដ៏​ចំណាស់​អាយុ​កាល​ដ៏​យូរ​អង្វែង ព្រម​ទាំង​មាន​ ព្រះ​មហា​វិមល​ធម្ម ពិន សែម ជា​ព្រះ​ចៅ​អធិការ ។

ទោះ​ស្ថិត​ក្នុង​ចំណាត់​ថ្នាក់​ទី ៣​ តែ​ភូមិ​វត្ត​បូព៌​គ្រង​តំណែង​ជា​តំបន់​ល្អ​បំផុត​នៅ​អាស៊ី តាម​ពី​ក្រោយ​ Colonia Americana ក្រុង Guadalajara ប្រទេស​ម៉ិកស៊ិក និង Cais do Sodre ក្រុង​លីសបូន ប្រទេស​ព័រទុយហ្គាល់។

គេហទំព័រ​ទេសចរណ៍​ដ៏​ល្បីល្បាញ​មួយ​នេះ​ក៏​បាន​រៀប​រាប់​បន្ថែម​ពី​ភូមិ​ដ៏​សែន​មនោរម្យ​មួយ​នេះ​ថា តំបន់​ជុំ​វិញ​វត្ត​បូព៌​ក្នុង​ខេត្ត​សៀមរាប មាន​ភាព​រីករាយ​យ៉ាង​ខ្លាំង​ក្នុង​រយៈ​ពេល​ប៉ុន្មាន​ឆ្នាំ​ចុង​ក្រោយ​នេះ ហើយ​ភូមិ​វត្ត​បូព៌​មាន​សណ្ឋាគារ​បែប​ប្រណីត កន្លែង​កម្សាន្ត​ពេល​រាត្រី អាហារដ្ឋាន និង​កន្លែង​លក់​របស់របរ​ធ្វើ​ដោយដៃ។

ការ​ញុំា​អាហារ​ពេល​ព្រឹក ​នៅ​តាម​មាត់​ស្ទឹង ទិញ​វត្ថុ​អនុស្សាវរីយ​ធ្វើ​ដោយ​ដៃ​ ចូល​ហាង​កាហ្វេ​ដែល​ប្រកប​ដោយ​ភាព​ច្នៃ​ប្រឌិត នៅ​ពេល​រសៀល បន្ទាប់​មក​អង្គុយ​ស្ដាប់​ភ្លេង ផឹក​ស្រា​ក្រឡុក​នៅ​តាម​បារ ឬ​អាហារដ្ឋាន​នៅ​ក្នុង​ភូមិ​មួយ​នេះ​នឹង​ធ្វើ​ឲ្យ​ថ្ងៃ​ដំណើរ​កម្សាន្ត​របស់​អ្នក​ក្លាយ​ជា​ថ្ងៃ​ដ៏​ល្អ​ឥត​ខ្ចោះ។

មិន​ខុស​ពី​ឆ្នាំ​មុន​ៗ Time Out បាន​បញ្ជាក់​ថា តារាង​ចំណាត់​ថ្នាក់​ដែល​ចេញ​ផ្សាយ​នា​ថ្ងៃ​ទី ១១ ខែ តុលា​ឆ្នាំ​ ២០២១ ជា​ការ​ស្ទង់​មតិ​ ធ្វើ​ទៅ​លើ​ទី​ក្រុង​ប្រមាណ​២ម៉ឺន​លើ​ពិភពលោក ដោយ​​ឲ្យ​អ្នក​ជំនាញ​ក្នុង​តំបន់ និង​ទេសចរណ៍ ផ្ដល់​ចំណាត់​ថ្នាក់​ ។ ចំណាត់​ថ្នាក់​នេះ​ក៏​មាន​ការ​ទទួល​ស្គាល់​ពី​កាសែត​ល្បី​ៗ និង​ថែម​ទាំង​យក​ទៅ​ផ្សាយ​បន្ត​ដូច​ជា​​ CNN និង​ Daily Mail ជា​ដើម។

ក្រៅ​ពី​ភូមិ​វត្ត​បូព៌​របស់​កម្ពុជា​ នៅ​ក្នុង​ចំណាត់​ថ្នាក់​កំពូល​ទាំង​ ១០​មាន​តែ​តំបន់​អាស៊ី​មួយ​ទៀត​គឺ​តំបន់ Shimokitazawa  របស់​ប្រទេស​ជប៉ុន​មួយ​ទៀត​ប៉ុណ្ណោះ ខណៈ​ក្នុង​ទាំង​ ៥១ មាន​ Little India (សិង្ហបុរី) ស្ថិតនៅ​ចំណាត់​ថ្នាក់​ទី​១៩, Ubud នៃ​កោះ​បាលី (ឥណ្ឌូណេស៊ី) នៅ​លេខ​រៀង​ទី​៤២ និង Thonglor ក្រុង​បាងកក (ថៃ) នៅ​លេខ​រៀង​ទី​៤៦៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​