សណ្ឋាគារ Raffles Hotel Le Royal បានអញ្ជើញមេចុងភៅដ៏ល្បីល្បាញ Michelin-Starred Jerome Brochot ដើម្បីមកចម្អិនម្ហូបផ្ដាច់មុខនូវ Manu ពិសេសៗ ត្រៀមស្វាគមន៍ភ្ញៀវជាតិ-អន្តរជាតិ ពីថ្ងៃទី ១២ ដល់ថ្ងៃ ១៤ កុម្ភៈ នេះ ស្របពេលឱកាសថ្ងៃបុណ្យនៃក្ដីស្រឡាញ់។

នេះជាឱកាសដ៏ពិសេសមួយ សម្រាប់អ្នកទាំងអស់គ្នា អាចនាំក្រុមគ្រួសារ មនុស្សជាទីស្រឡាញ់ទៅសាករសជាតិម្ហូបអាហារ ដែលចម្អិនដោយចុងភៅជនជាតិបារាំងលំដាប់ Michelin គឺលោក Jerome Brochot។ ក្នុងនោះដែរ នឹងរៀបចំអាហារពេលល្ងាច និងអាហារថ្ងៃត្រង់ដ៏ពិសេសជាច្រើនមុខ នៅសណ្ឋាគារ Raffles Hotel Le Royal ចាប់ពីថ្ងៃទី ១២ ដល់ ១៤ ខែកុម្ភៈ ជាពិសេសនោះអាហារពេលល្ងាចដ៏រ៉ូមែនទិកក្នុងថ្ងៃបុណ្យនៃក្តីស្រលាញ់។


សណ្ឋាគារប្រណិតដែលមានអាយុកាល ជិត ១០០ឆ្នាំ សូមអញ្ជើញភ្ញៀវជាតិ និងអន្តរជាតិមកទទួលទានអាហារក្នុងទីក្រុងភ្នំពេញ ដើម្បីទទួលយកបទពិសោធន៍នៃរសជាតិពីអ្នកជំនាញធ្វើម្ហូបមេចុងភៅ Jerome ដែលមានផ្ដល់ជូនផ្ដាច់មុខនៅភោជនីយដ្ឋាន Le Royal។ ក្នុងនោះមេចុងភៅដ៏ល្បីរូបនេះ នឹងលើកយកនូវមុខម្ហូបដ៏អស្ចារ្យបំផុតរបស់គាត់ដែលមាននៅទីក្រុង Montceau-les-Mines, Burgundy មកចម្អិនជូនជាពិសេសតែម្ដង។

ប្រសិនបើបងប្អូនចង់សាកស្នាដៃចម្អិនម្ហូបពីមេចុងភៅជនជាតិបារាំងខាងលើនេះ គឺអាចទៅទទួលទានអាហារពេលល្ងាច ដោយមានបម្រើជូនពីម៉ោង 6:30 ល្ងាច ដល់ 9:30 យប់ ដោយមានតម្លៃ $88++ មានផ្ដល់ជូនម្ហូបពិសេសៗរហូតដល់ ៥មុខ។ ខណៈអាហារថ្ងៃត្រង់មានផ្ដល់ជូនមុខម្ហូបពិសេសៗចំនួន ៣ មុខ ចាប់ពីម៉ោង 12 ថ្ងៃត្រង់ ដល់ម៉ោង 3 រសៀល មានតម្លៃ $38++។ ក្រៅពីនេះនៅមានជម្រើសផ្សេងទៀត ដែលបងប្អូនអាចទៅសាកល្បងដោយផ្ទាល់។



សម្រាប់ព័ត៌មានបន្ថែម ឬធ្វើការកក់ទុក សូមទូរស័ព្ទមក +855 23 981 888 ឬអ៊ីមែល dining.leroyal@raffles.com ៕
























Account
Security
Favourite Content