អាកាសយានដ្ឋានអន្តរជាតិតេជោ ត្រូវបានសម្ពោធឱ្យប្រើប្រាស់ជាផ្លូវការក្នុងថ្ងៃនេះហើយ។ សមិទ្ធថ្មីដ៏ល្អឥតខ្ចោះមួយនេះបានត្រៀមជាស្រេចក្នុងការទទួលស្វាគមន៍ភ្ញៀវជាតិ-អន្តរជាតិមកពីជុំវិញពិភពលោក។

អាកាសយានដ្ឋានអន្តរជាតិតេជោ ត្រូវបានសម្ពោធដាក់ឲ្យប្រើប្រាស់ជាផ្លូវការ នាព្រឹកថ្ងៃទី ២០ ខែ តុលា ឆ្នាំ ២០២៥ ក្រោមអធិបតីភាព សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។
ពិធីសម្ពោធនាពេលនេះ មានការចូលរួមពីសមាជិក សមាជិកា ព្រឹទ្ធសភា រដ្ឋសភា សមាជិករាជរដ្ឋាភិបាល, ក្រសួង-ស្ថាប័ន តំណាងអង្គទូត និងអង្គការជាតិ-អន្តរជាតិ រដ្ឋបាលថ្នាក់ ក្រោមជាតិ ដៃគូអភិវឌ្ឍន៍ វិស័យឯកជន ភ្ញៀវកិត្តិយសជាតិ-អន្តរជាតិ ប្រមាណ ១ ៥០០ នាក់។





គួរបញ្ជាក់ថា អាកាសយានដ្ឋានអន្តរជាតិតេជោជាសមិទ្ធផលថ្មីមួយទៀត ក្នុងការរួមចំណែកអភិវឌ្ឍហេដ្ឋារចនាសម្ព័ន្ធអាកាសយានដ្ឋាន និងតភ្ជាប់ជើងហោះហើរទៅកាន់ពិភពលោកកាន់តែធំ និងទូលាយជាងមុន ជានិម្មិតរូបនៃការរីកចម្រើនរបស់ព្រះរាជាណាចក្រកម្ពុជា និងជាកម្លាំងចលករដ៏សំខាន់ សំដៅជំរុញកំណើនសេដ្ឋកិច្ចជាតិ លើកស្ទួយវិស័យអាកាសចរណ៍ ទេសចរណ៍ វិនិយោគ វិស័យដឹកជញ្ជូន និងឡូជីស្ទីក (Logistic) របស់កម្ពុជា ជាសកល និងទូទាំងប្រទេស៕
រូបភាព ៖ យុវជនគណបក្សប្រជាជនកម្ពុជា ខេត្តបាត់ដំបង និងអ៊ីនធឺណេត


























Account
Security
Favourite Content