ហេតុការណ៍ដ៏អស្ចារ្យ នាថ្ងៃទី២២ ខែមីនា ឆ្នាំ ២០២៤ នេះក៏មានទិដ្ឋភាពព្រះអាទិត្យរំចំកណ្ដាលក្លោងទ្វារ នៃប្រាសាទព្រះវិហារ ត្រូវបានថតជាប់ និងចែកចាយ ពេញបណ្ដាញសង្គមហ្វេសបុក។
យោងតាមគណនីហ្វេសបុក Oeur Sopheap Preah Vihear បានចែកចាយរូបភាពជាច្រើនសន្លឹក និងវីដេអូដែលផ្ដិតជាប់ទស្សនីយភាពដ៏អស្ចារ្យនៃពេលព្រឹកព្រលឹម ព្រះអាទិត្យរះចំកណ្ដាលខ្លោងទ្វារនៃប្រាសាទព្រះវិហារ ខេត្តព្រះវិហារ ។ នេះជាទិដ្ឋភាពដ៏កម្រ និងស្រស់ស្អាតបំផុតដែលភ្ញៀវទេសចរជាតិ និងអន្តរជាតិកម្របានឃើញពីមុនមកនៅក្នុងបរិវេណនៃប្រាសាទព្រះវិហារ។ ទិដ្ឋភាពដ៏អស្ចារ្យនេះ គួរចែករំលែកទៅកាន់ពិភពលោកឱ្យបានដឹង និងយកទៅសិក្សាស្រាវជ្រាវ ដើម្បីជាប្រយោជន៍ដល់ប្រទេសជាតិ។
ទិដ្ឋភាពបែបនេះកើតមានឡើងរៀងរាល់ឆ្នាំដែលពន្លឺព្រះអាទិត្យរះចំកណ្ដាលទ្វារប្រាង្គប្រាសាទស្រីសិខារីស្វរ: កម្រមានភ្ញៀវទេសចរជាតិ និងភ្ញៀវទេសចរអន្តរជាតិ បានឃើញផ្ទាល់ភ្នែក ឬតាមរយរូបភាពដូចថ្ងៃនេះ។ ដូចនេះកូនខ្មែរគួរផ្សពផ្សាយឲ្យបានល្បីដូចសមរាត្រីនៅប្រាសាទអង្គរវត្តដែរ។
ទិដ្ឋភាពដ៏កម្រនេះជាស្នាដៃដែលបន្សល់ទុកពីដូនតាខ្មែរដែលបានកសាងប្រាង្គប្រាសាទដោយមានគិតទៅលើប្លង់ប្រាសាទ និងតារាសាស្ត្រនៃការកសាងប្រាសាទនៅលើទឹកដីដ៏ពិសិដ្ឋមួយនេះ៕
វីដេអូផ្តិតជាប់ព្រះអាទិត្ររំចំកណ្ដាលខ្លោងទ្វារប្រាសាទព្រះវិហារ https://www.facebook.com/100007202796738/videos/pcb.3541363009447091/280966255092492