ត្រឹមជាអាហារសម្រន់ខ្មែរយ៉ាងសាមញ្ញ ២ មុខអាចកែប្រែវាសនាជីវិតមនុស្សមួយគ្រួសារ

សាកបិទភ្នែកហើយនឹកស្រមៃដល់ក្លិននំគូឆាយចៀនឈ្ងុយៗជា​មួយសំបកស្រួយៗប៉ះគ្នាជាមួយទឹកត្រីផ្អែមពិតជាបានផ្ដល់រសជាតិឆ្ងាញ់ជាប់មាត់មិនអាចបំភ្លេចបាន ជាពិសេសសម្រាប់អ្នកចូលចិត្តរសជាតិហិរក៏អាចបន្ថែមជាមួយម្ទេសឆាបន្តិចទៀតនឹងរឹតតែបង្កើនឱជារសថែមមួយកម្រិតទៀត។

យ៉ាងណាមិញក៏នៅមានលតឆាដែលជាអាហារសម្រន់របស់ខ្មែរមួយមុខដែលប្រជាជនកម្ពុជាស្គាល់ច្បាស់ និងមិនដែលរំលងហើយក៏ជាដៃគូដៃកង់ជាមួយនំគូឆាយដែរ។ លតឆាក្ដៅៗឈ្ងុយៗឆាភ្លាមៗជាមួយបន្លែស្រស់អមដោយសាច់គោ ប៉ាតេ ថែមពងទាចៀនមួយគ្រាប់ទៀត និងស្រោចទឹកត្រីផ្អែម ហើយលួចម្ទេសបន្តិចរឹតតែធ្វើឆ្ងាញ់ជក់មាត់ញ៉ាំហើយចង់ញ៉ាំទៀត។

បើនិយាយដល់លតឆា និងនំគូឆាយច្បាស់ណាស់ប្រជាជនកម្ពុជាសុទ្ធតែបានទទួលទានក៏ដូចជាស្គាល់យ៉ាងច្បាស់ថា ២​ មុខនេះគឺជាអាហារសម្រន់សាមញ្ញៗដែលទទួលបានការគាំទ្រពីមនុស្សជាច្រើន។ មិនត្រឹមប៉ុណ្ណេះ ក្លិនឈ្ងុយរបស់អាហារសម្រន់ ២ មុខនេះក៏បានអន្ទងចិត្តជនបរទេសជាច្រើនដែលបានមកលេងប្រទេសកម្ពុជាឱ្យចូលមកភ្លក់រសជាតិដ៏ឈ្ងុយឆ្ងាញ់ផងដែរ រហូតដល់មានអ្នកបង្កើតមាតិកាបរទេសជួយផ្សព្វផ្សាយទៅកាន់ពិភពលោកឱ្យបានដឹងទៀត។

អ្វីដែលគួរចាប់អារម្មណ៍ជាងនេះគឺអាហារសម្រន់យ៉ាងសាមញ្ញទាំង ២ មុខនេះបានក្លាយជាមុខរបរមួយដែលចិញ្ចឹមគ្រួសារមួយតំណរ រហូតត្រូវបានគេស្គាល់ថា គ្រួសារ គ្រួសារលតឆានំគូឆាយ។ នៅក្នុងសំណេររបស់ លោក ពិន ពណ្ណរាយ បច្ចុប្បន្នជាសហគ្រិនគ្រួសារលតឆានំគូឆាយបានថ្លែងថាកាលពីមុនជីវភាពរបស់លោកពិតជាលំបាក រស់នៅក្នុងភាពក្រខ្សត់ រកអង្ករច្រកឆ្នាំងសឹងមិនបាន ដូច្នេះទើបអ្នកមានគុណទាំងពីរខំប្រឹងធ្វើការទាំងថ្ងៃទាំងយប់រហូតត្រូវផ្ញើកូននៅបងប្អូនឱ្យជួយមើលថែទៀតផង។

ពីដើមឡើយគ្រួសាររបស់លោកមិនបានចាប់ផ្ដើមមុខរបរលក់លតឆា និងនំគូឆាយភ្លាមនោះទេ ពោលគឺពេលរៀបការថ្មីៗឪពុកម្ដាយរបស់លោកបានរកស៊ីលក់ពោតកំបោរ និងនំបញ្ចុកជាដើម។ ក្រោយមកទើបអ្នកទាំងពីរសម្រេចចិត្តប្ដូរមុខរបរមកលក់នំគូឆាយ និងលតឆាធ្វើដោយដៃចាប់តាំងពីកូនរទេះតូចមួយរហូតជោគជ័យក្លាយជាម្ហូបប្រចាំតំបន់នៅក្នុងខេត្តសៀមរាប។ ក្រោយតស៊ូរៀនសូត្រ ធ្វើការច្រើនកន្លែងដើម្បីប្រមូលបទពិសោធន៍ការងារ ពេលនេះលោក ពិន ពណ្ណរាយ បានក្លាយសហគ្រិនគ្រប់គ្រងមុខរបរនេះបន្ដពីអ្នកមានគុណ ហើយក៏ទទូលបានភាពជោគជ័យកាន់តែខ្លាំង។

ជាមួយការខិតខំប្រឹងប្រែងរៀនសូត្រទាំងចំណេះ និងជំនាញមិនចេះតិចឆ្នាំ នៅក្នុងឆ្នាំ ២០២២ គ្រួសារលតឆានំគូឆាយបានក្ដោបពានរង្វាន់ដល់ទៅ ៣ ក្នុងនោះមានដូចជាទីមួយ 2022 Outstanding Entrepreneur Award ក្នុងកម្មវិធីពានរង្វាន់ សហគ្រិនវ័យក្មេងកម្ពុជា ទីពីរចំណាត់ថ្នាក់លេខ ១ ក្នុងកម្មវិធី Entrepreneur challenge 2022 program របស់សាលាទេសចរណ៍ប៉ូឌុយប្រូល និងទីបីពានរង្វាន់សហគ្រិនថ្នាក់ជាតិឆ្នាំ២០២២ គ្រួសារលតឆាបានទទួលចំណាត់ថ្នាក់លេខ១ ប្រចំាតំបន់សៀមរាបដែលមាន សហគ្រិនជាច្រើនចូលរួមដែលមកពីខេត្តសៀមរាប កំពង់ធំ ព្រះវិហារ និងឧត្តមានជ័យ។

លុះមកដល់ឆ្នាំ២០២៣ គ្រួសារលតឆានំគូឆាយ​ បានចូលរួម​ប្រកួតពានរង្វាន់​សហគ្រិនខ្មែរ សហគ្រាសធុនតូច និងមធ្យម ២០២៣ ដោយទទួលបានជ័យលាភី លេខ១ និង ចុងក្រោយ​គឺចំណាត់ថ្នាក់លេខ ២ ក្នុងកម្មវិធី I-Story ដែលរបៀបចំដោយ ASIP ។

ដូច្នេះនេះសបង្ហាញឱ្យឃើញពីសក្ដានុពលរបស់ម្ហូបខ្មែរយើងខ្លាំងមិនធម្មតាដោយចាប់ផ្ដើមពីកូនរទេះតូចមួយរហូតដល់ក្លាយជាអាហារប្រចាំតំបន់រួមជាមួយពានរង្វាន់ដល់ទៅ ៥ នៅក្នុងដៃ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មិនសូវលេចមុខក្នុងសិល្បៈ HANI សម្ងំរៀនសូត្រផ្នែកចិត្ដវិទ្យា ព្រោះចង់ជួយមិត្តរួមអាជីព  

ថ្មីៗ នេះ HANI សមាជិកក្រុមចម្រៀង EXID បានបង្ហាញខ្លួនក្នុងកម្មវិធីរបស់ស្ថានីយន៍ទូរទស្សន៍ SBS គឺ “Strong Heart VS”។ ក្នុងឱកាសនោះ តារាស្រីវ័យ ៣២ ឆ្នាំ រូបនេះ បានលើកនិយាយពីការផ្លាស់ប្ដូររូបរាងរបស់នាង និងការសិក្សា។

ខាត់ សុឃីម៖ ត្រូវនិយាយថា «ទេ» ចំពោះការងារដែលមិនទទួលបានប្រាក់កម្រៃ

ក្តៅៗហុយៗ មុននេះបន្តិចតារាពហុជំនាញ ខាត់ សុឃីម បានបង្ហោះរូបថត ១ សន្លឹក ភ្ជាប់ជាមួយ Caption ដ៏សែនចាក់ចោត ហើយសម្តីមុតស្រួចរបស់តារាចម្រៀងរូបនេះបានចាក់ទម្លុះចិត្ត

ផ្ទុះការភ្ញាក់ផ្អើល! ស្វាមីម្ចាស់ប្រេន ឡាកាម៉ូ បាត់បង់ជីវិត ដោយសារចោរចូលប្លន់ក្នុងផ្ទះ

មានការភ្ញាក់ផ្អើកមួយបានកំពុងកើតឡើងបណ្តាញសង្គមហ្វេសប៊ុក ដោយមុននេះបន្តិចទំព័រហ្វេសប៊ុកផ្លូវការ Ka k'ter ជា BA តំណាងផលិតផល ឡាកាម៉ូ និងជាមនុស្សជំនិតរបស់ អ្នកស្រី មាស

Lisa ចាប់ដៃជាមួយផលិតកម្មអាមេរិក RCA Records ត្រៀមពញ្ញាក់អារម្មណ៍អ្នកគាំទ្រ

ថ្មីៗនេះក្រុមហ៊ុន LLOUD បានប្រកាសដ៏គួរឱ្យរំភើបនៅលើបណ្ដាញសង្គម X អំពីការសហការគ្នាជាផ្លូវការរវាង Lisa សមាជិកក្រុម BLACKPINK

បទថ្មី មាស សុខសោភា ត្រូវមហាជនរិះគន់ដូចព្យុះ តែនាងឆ្លើយតបបែបត្រជាក់ៗ

«តប់» ជា​បទចម្រៀងថ្មីរបស់តារាចម្រៀង មាស សុខសោភា ដែលទើបទម្លាក់លើទីផ្សារ កាលពីថ្ងៃទី ៧ ខែមេសា ឆ្នាំ ២០២៤ ​សម្រាប់ហ្វេនៗរាំលេងកម្សាន្តអំឡុងពិធីបុណ្យចូលឆ្នាំថ្មីប្រពៃណីជាតិ

សមាជិកកូនពៅក្រុម NewJeans ត្រូវផ្អាកសកម្មភាពមួយរយៈក្រោយបញ្ហារបួសជើង

សមាជិកកូនពៅ Hyein របស់ក្រុមចម្រៀងនារីល្បី NewJeans ត្រូវបានរាយការណ៍ កំពុងមានបញ្ហារបួស និងតម្រូវឲ្យសម្រាកដើម្បីមើលថែសុខភាព។ របួសជើងរបស់ Hyein ត្រូវបានគេសង្ស័យថា កើតឡើងកំឡុង

បុគ្គលសំខាន់ ៣ ជ្រោមជ្រែង សុគន្ធ នីសា មានឱកាសថតតួអង្គទេវតាឆ្នាំថ្មីលើកដំបូង

ដូចប្រិយមិត្តបានជ្រាបស្រាប់ហើយថា ក្រៅពីអាជីពជាតារាចម្រៀង ម្ចាស់បទ «រាត្រីសេកុង» អ្នកនាង សុគន្ធ នីសា ថែមទាំងមានទីផ្សារខ្ពស់លើការថតបង្ហាញម៉ូដឈុតសម្លៀកបំពាក់ថ្មីៗ

ជំងឺបាក់ទឹកចិត្ដធ្ងន់ធ្ងរ ធ្វើឲ្យតួ សៀវ ឡុងនី ធ្លាប់មិនងូតទឹក ១ សប្ដាហ៍ និងដើរជុំវិញផ្នូរខ្មោច

ជារឿងកម្រមួយដែលតារាស្រី Carman Lee ឬមនុស្សជាច្រើនស្គាល់ថា​ជាតួ សៀវ ឡុងនី ​​ឆ្នាំ ១៩៩៥។ Carman រាល់ដង​តែងនិយាយលើកទឹកចិត្ដ និងនិយាយពីរឿង​នាងចូលចិត្តធ្វើលំហាត់

ស្រីស្អាតតារា​ខ្មែរកូនកាត់បារាំងទាំង ៣ រូប ធ្លាប់ថតជាមួយ វណ្ណដា

តារា​ខ្មែរ​ដែល​ជា​ស្រី​ស្អាត​កូន​កាត់​បារាំងទាំង​ប៉ុន្មាន​រូប​នេះ​​ កំពុង​មាន​ទីផ្សារ​សិល្បៈ​ខ្លាំង ​​មាន​ទាំង​សម្រស់ ចំណេះដឹង និង​ការ​ប្រើប្រាស់​ភាសា​អង់គ្លេស​ សម្រាប់​ទំនាក់ទំនង​បាន​យ៉ាង​ល្អ។ ជា​រឿង​

សម្រស់ ចន សុទីម៉ា តែងតួព្រះនាង មហោទរាទេវី ស្អាតប្លែកទាំងម៉ូដសម្លៀកបំពាក់ ទាំងពណ៌

ចន សុទីម៉ា ចប់​ការងារ​នៅ​សៀមរាប​ភ្លាម បាន​បញ្ចេញ​រូបភាព​តែងតួ​ជា​ទេវតា​ឆ្នាំ​ថ្មី ព្រះនាម​ព្រះនាង មហោទរាទេវី។ Miss Universe Cambodia 2023 ​ជះ​សម្រស់​ស្រស់​មិន​សំចៃ​ដៃ​ឡើយ