ពិតជាមិនធម្មតាមែន ក្រុមហ៊ុន ខ្មែរ ប៊ែវើរីជីស ដែលជាក្រុមហ៊ុន កូនខ្មែរ ដឹកនាំដោយសហគ្រិនខ្មែរ បានផ្តល់ឱកាសដល់បុគ្គលិកឆ្នើមៗ ១៨ នាក់ ព្រមទាំងថ្នាក់ដឹកនាំជាន់ ខ្ពស់ ចេញដំណើរទស្សនកិច្ចនៅកាន់ទ្វីបអឺរ៉ុប កាលពីថ្ងៃទី២១ ខែឧសភា ឆ្នាំ២០២៥ នេះ។

អ្នកស្រី អៀម ចរិយា ប្រធានផ្នែកធនធានមនុស្ស បានឲ្យ AMS ដឹងថានេះមិនមែនជាលើកទី១ នោះទេ ដែល ក្រុមហ៊ុន ខ្មែរ ប៊ែវើរីជីស បានបញ្ជូនបុគ្គលិក និងថ្នាក់ដឹកនាំទៅក្រៅប្រទេសបែបនេះ។ ចំពោះដំណើរទស្សនកិច្ចលើកនេះ គឺក្នុងគោលបំណងដើម្បីសិក្សាស្វែងយល់ពីបច្ចេកវិទ្យាទំនើបៗ ក៏ដូចជាធ្វើ ទំនាក់ទំនងដៃគូអាជីវកម្ម ក្នុងគោលដៅនាំយកបទពិសោធល្អៗ បច្ចេកវិទ្យាទំនើបចុងក្រោយ ដើម្បីមកពង្រឹង ចង្វាក់ផលិតកម្មរបស់ក្រុមហ៊ុន ខ្មែរ ប៊ែវើរីជីស កាន់តែរីកចម្រើនបន្ថែមទៀត។
តាមព័ត៌មានដែល AMS ទទួលបានដំណើរទស្សនកិច្ចរបស់ថ្នាក់ដឹកនាំជាន់ខ្ពស់របស់ ខ្មែរ ប៊ែវើរីជីស នឹងធ្វើ ដំណើរទៅដល់ក្រុមហ៊ុនដែលជាដៃគូ និងជាអ្នកផ្គត់ផ្គង់ធំៗរួមមាន៖ ក្រុមហ៊ុន Kersia ដែលជាក្រុមហ៊ុនឈានមុខគេក្នុងការផ្គត់ផ្គង់សុវត្ថិភាពផ្នែកជីវសាស្ត្រ ធ្វើឱ្យម្ហូបអាហារ និងភេសជ្ជៈ ស្អាតមានអនាម័យល្អ។ ក្រុមហ៊ុន Archer Daniels Midland ឬហៅកាត់ថា (ADM) ជាក្រុមហ៊ុនសាជីវកម្មកែច្នៃម្ហូបអាហារ និងពាណិជ្ជកម្មពហុជាតិរបស់អាមេរិក ដែលមានបទពិសោធន៍ច្រើនជាង 120ឆ្នាំ រួមទាំងក្រុមហ៊ុន Barthaas ដែលជាក្រុមហ៊ុនដៃគូផ្គត់ផ្គង់ផ្កាហប់លំដាប់ពិភពលោក មានរោងចក្រនៅសហរដ្ឋអាមេរិក អូស្ត្រាលី និង អឺរ៉ុប។


នេះជាឱកាសដ៏ពិសេសមួយដែលក្រុមហ៊ុនខ្មែរ ប៊ែវើរីជីស អាចរៀនសូត្រពីបទពិសោធ និងការអភិវឌ្ឍបន្ថែម ពីប្រទេសជឿនលឿនដើម្បីយកមកអនុវត្តក្រុមហ៊ុនឲ្យកាន់តែរីកចម្រើនទ្វេដង។
ទន្ទឹមគ្នានឹងដំណើរទៅកាន់ទ្វីបអឺរ៉ុបលើកនេះ ក្រុមហ៊ុន ខ្មែរ ប៊ែវើរីជីស នឹងទៅទទួលមេដាយមាសពី MONDE SELECTION ដែលជាស្ថាប័នវាយតម្លៃស្តង់ដាគុណភាពផលិតផលលំដាប់ពិភពលោក។ សមិទ្ធផលដ៏អ ស្ចារ្យនេះ បានធ្វើឱ្យរោងចក្រលំដាប់ពិភពលោក ខ្មែរ ប៊ែវើរីជីស ទទួលបានមេដាយពិសេស និងច្រើនជាងគេនៅកម្ពុជា ព្រមទាំងត្រូវបានទទួលស្គាល់ជាក្រុមហ៊ុនឈ្នះមេដាយមាសរយៈពេល១០ ឆ្នាំ ជាប់ៗគ្នា។
ទាំងនេះគឺដោយសារតែ ក្រុមហ៊ុន ខ្មែរ ប៊ែវើរីជីស តែងតែគិតគូរបណ្តាក់ទុនជាមួយបុគ្គលិកព្រោះវាជាគន្លឹះដ៏ សំខាន់ដែលធ្វើឲ្យក្រុមហ៊ុនកាន់តែរីកចម្រើនទៅមុខ។ ពិតជាមោទនភាព ដែលក្រុមហ៊ុនខ្មែរ បង្កើតឡើង ដោយកូនខ្មែរសុទ្ធសាធអាចឈានជើងទៅកាន់អន្តជាតិ ជាពិសេសនោះគឺការទទួលបានមេដាយមាសពី MONDE SELECTION ៕
គាំទ្រ ខ្មែរ ប៊ែវើរីជីស ដើម្បីលើកស្ទួយសេដ្ឋកិច្ចក្នុងស្រុក!






















Account
Security
Favourite Content