ខ្មែរ ប៊ែវើរីជីស កាន់តែឧបត្ថម្ភលើកស្ទួយវិស័យប្រដាល់គុនខ្មែរ ហ៊ានប្រកាសផ្តល់ប្រាក់រង្វាន់រហូតដល់១ម៉ឺនដុល្លារ សម្រាប់ម្ចាស់ខ្សែក្រវាត់ក្នុង «ព្រឹត្តិការណ៍ប្រកួតដណ្តើមខ្សែក្រវាត់ ដាហ្ស អ្នកចម្បាំងគុនខ្មែរ» ប្រភេទទម្ងន់ ៥៤ គីឡូក្រាម ដែលប្រើរយៈពេល៨សប្តាហ៍ ក្នុងការប្រកួតជម្រុះវិលជុំ រហូតរកឃើញជើងខ្លាំង ៨ រូប មកដល់វគ្គពាក់កណ្តាលផ្តាច់ព្រ័ត្រដណ្តើមខ្សែក្រវាត់ ដែលនឹងប្រព្រឹត្តិឡើងនាថ្ងៃទី២០ ខែកក្កដា ឆ្នាំ២០២៥ ខាងមុខនេះ។


ការបង្ហាញខ្លួនបេក្ខភាព៨រូប ត្រៀមប្រកួតដណ្ដើមខ្សែក្រវាត់ ដាហ្ស អ្នកចម្បាំងគុនខ្មែរ រួមជាមួយបេក្ខជន៤រូបផ្សេងទៀត ត្រៀមដណ្ដើមខ្សែក្រវាត់ Cambodia ថ្នាលប្រដាល់គុនខ្មែរ ប្រចាំសង្វៀនស្ថានីយទូរទស្សន៍កងយោធពលខេមរភូមិន្ទប៉ុស្តិ៍លេខ៥ TV5 បានធ្វើឡើងនៅ ជីប ម៉ុង ថោវ័រ ជាន់ទី១៦ ក្រោមអធិបតីភាពដ៏ខ្ពង់ខ្ពស់ពី អ្នកឧកញ៉ា លាង ម៉េង សហស្ថាបនិកក្រុមហ៊ុន ខ្មែរ ប៊ែវើរិជីស, ឧត្ដម ម៉ិល កាដូ ប្រធានស្ដីទីសហព័ន្ធកីឡាប្រដាល់គុនខ្មែរ រួមជាមួយ ឯកឧត្ដម ហេង សុខឃន ប្រធានសហព័ន្ធកីឡាឃីកបុកស៊ីង នៅរសៀល ថ្ងៃទី១៦ កក្កដា ឆ្នាំ២០២៥។


នៅក្នុងឱកាសសន្និសីទសារព័ត៌មាននេះផងដែរ អ្នកឧកញ៉ា លាង ម៉េង សហស្ថាបនិកក្រុមហ៊ុន ខ្មែរ ប៊ែវើរីជីស បានសង្កត់ធ្ងន់ថា យើងទាំងអស់គ្នា មើលឃើញច្បាស់ថា យើងបានរួបរួមគ្នាយ៉ាងណាខ្លះដើម្បីឱ្យកេរ្តិ៍ឈ្មោះគុនខ្មែរយើងកាន់តែខ្លាំង កាន់តែល្បីនៅឆាកអន្តរជាតិ ហើយមាន ខ្មែរ ប៊ែវើរីជីស ជាក្រុមហ៊ុនមួយមានប្រភពច្បាស់លាស់ ឧបត្ថម្ភគាំទ្រចាំជួយជំរុញ ឈរចំពោះមុខទាំងអស់គ្នាហើយ តែបើយើងចង់ខ្លាំងលើឆាកអន្តរជាតិបាន ទាល់តែកីឡាករ គ្រូបង្វឹក និងស្ថាប័នពាក់ព័ន្ធប្រឹងប្រែងទាំងអស់គ្នា។

អ្នកឧកញ៉ាបានបន្តទៀតថា សម្រាប់ការរៀបចំកម្មវិធីទាំងនេះ គឺធ្វើយ៉ាងណាដើម្បីប្អូនៗដែលជាថ្នាលជំនាន់ក្រោយ អាចមានលទ្ធភាពបញ្ចេញនូវក្បាច់គុណ បញ្ចេញនូវសមត្ថភាព ហើយក៏ទាក់ទាញអ្នកទស្សនាទាំងអស់ឱ្យឃើញថាកម្មវិធីប្រដាល់ថ្នាលគឺកាន់តែជក់ចិត្ត ដក់ចិត្ត និងបន្តគាំទ្រព្រឹត្តិការណ៍ប្រដាល់ឱ្យកាន់តែខ្លាំងបន្ថែមទៀត។

សូមបញ្ចាក់ផងដែរថា បេក្ខភាពទាំង៨រូបដែលត្រូវប្រកួត ដណ្ដើមខ្សែក្រវាត់ ដាហ្ស ទម្ងន់៥៣គីឡូក្រោម រួមមាន ម៉ាលី អូប៉ , ម៉ុន មើយ , ម៉ន វណ្ណី ,ម៉ុន ប៊ុនឈៀង ,ឬទ្ធី ទេវតា, រិទ្ធី ដួងឆាយ, រុទ្ធី វណ្ណដា និង នី នរះមហាអាគម។ ខ្មែរ ប៊ែវើរីជីស ជាអ្នកជួយឧបត្ថម្ភលើកស្ទួយវិស័យកីឡាពិតៗ បន្តបង្កើតសង្វៀនប្រកួតមិនជិនណាយ សូម្បីតែកីឡាករគុនខ្មែរពន្លកថ្មី ក៏អាចចូលរួមប្រកួត លុតដំខ្លួនក្នុងព្រឹត្តិការណ៍ប្រដាល់ថ្នាលគុនខ្មែរ របស់ទឹកពិសារកម្ពុជា ដែលមានសមាភាពដណ្ដើមខ្សែរក្រវាត់ ឈានមកដល់វគ្គពាក់កណ្តាលផ្តាច់ព្រ័ត្រទម្ងន់៥៧គីឡូក្រាម ក្នុងនោះរួមមានកីឡាករ ឈួន បួន និង ជួបតទល់ នៅ វណ្ណថន ចំណែកមួយគូទៀតគឺ ម៉ន ភារម្យ ជួបតទល់ ឌុន សារ៉ាវ៉ាន់ នៅថ្ងៃទី 19 កក្កដា ខាងមុខនេះ៕
ខ្មែរគាំទ្រខ្មែរ! គាំទ្រខ្មែរ ប៊ែវើរីជីស លើកស្ទួយវិស័យកីឡាប្រដាល់គុនខ្មែរ!























Account
Security
Favourite Content