ថ្ងៃទី២៩ ខែសីហា ឆ្នាំ២០២៥
Tripadvisor បានប្រកាសជាផ្លូវការពីជ័យលាភី ពានរង្វាន់ជម្រើសរបស់អ្នកដំណើរលើ Tripadvisor៖ កន្លែងអស្ចារ្យបំផុតប្រចាំឆ្នាំ២០២៥ (Tripadvisor Travelers’ Choice Awards: Best of the Best 2025)។ ប្រទេសកម្ពុជាជាថ្មីម្តងទៀត ទទួលបានជ័យលាភី និងកិត្តិនាមដ៏ល្អ ក្នុងចំណោមគោលដៅទេសចរណ៍ ដែលល្បីល្បាញបំផុតនៅលើពិភពលោក។

នៅក្នុងប្រភេទពានរង្វាន់ កន្លែងទាក់ទាញជាងគេប្រចាំទ្វីបអាស៊ី (Asia Top Attractions) ដែលជាពានរង្វាន់អបអរសាទរគោលដៅទេសចរណ៍ ដែលមានភាពទាក់ទាញបំផុតប្រចាំទ្វីបអាស៊ី ទាំងជាគោលដៅអច្ឆរិយៈបែបធម្មជាតិ ក៏ដូចជាគោលដៅអច្ឆរិយៈបែបកែច្នៃ ដែលត្រូវបានជ្រើសរើសដោយភ្ញៀវទេសចរ ដែលធ្លាប់ទៅដល់ផ្ទាល់៖
- ប្រាសាទអង្គរវត្ត៖ ជាប់ចំណាត់ថ្នាក់លេខ 1 ជាកន្លែងទាក់ទាញជាងគេប្រចាំទ្វីបអាស៊ី ដោយទទួលបានពិន្ទុ 4.8/5 ពីអ្នកដំណើរប្រមាណជាង 49,300 នាក់ នៅលើ Tripadvisor.com។ នេះសបញ្ជាក់ជាថ្មីពីកេរ្តិ៍ឈ្មោះរបស់ប្រាសាទអង្គរវត្ត ដែលជាគោលដៅដ៏សំខាន់ និងចាំបាច់ត្រូវតែមកទស្សនា សម្រាប់ភ្ញៀវទេសចរទូទាំងពិភពលោក។

- ប្រាសាទបាយ័ន៖ ជាប់ចំណាត់ថ្នាក់លេខ 17 ដោយទទួលបានពិន្ទុ 4.8/5 ពីអ្នកដំណើរជាង 20,800 នាក់ នៅលើ Tripadvisor.com។

បន្ថែមពីជ័យលាភីលើកន្លែងទាក់ទាក់ជាងគេប្រចាំទ្វីបអាស៊ី ប្រទេសកម្ពុជាក៏ទទួលបានភាពលេចធ្លោ លើឆាកអន្តរជាតិក្នុងប្រភេទពានរង្វាន់ជាច្រើនផ្សេងទៀតរបស់ Tripadvisor ផងដែររួម៖
- ខេត្តសៀមរាប៖
- ជាប់ចំណាត់ថ្នាក់ទី 5 ក្នុងចំណោមកន្លែងល្អបំផុតនៅទ្វីបអាស៊ី សម្រាប់ភ្ញៀវទេសចរមកកម្សាន្ត។ នេះបញ្ជាក់សារជាថ្មី នូវកិត្តិនាមរបស់ខ្លួន ក្នុងចំណោមគោលដៅ ដែលភ្ញៀវទេសចរចង់មកកម្សាន្តច្រើនបំផុតក្នុងទ្វីបអាស៊ី។


- ជាប់ចំណាត់ថ្នាក់ទី 10 ក្នុងចំណោមតំបន់ទេសចរវប្បធម៌ ប្រចាំពិភពលោក។ នេះបានបញ្ជាក់ពីការទទួលស្គាល់សម្រាប់តំបន់បេតិកភណ្ឌពិភពលោក ក៏ដូចជាសារមន្ទីរ និងចម្លាក់បុរាណ ដែលផ្តល់ជូនភ្ញៀវទេសចរនូវបទពិសោធន៍វប្បធម៌សម្បូរបែប ដែលមិនអាចបំភ្លេចបាន។
- រាជធានីភ្នំពេញ៖ ទទួលបានចំណាត់ថ្នាក់ទី 17 ក្នុងចំណោមគោលដៅទេសចរណ៍ដែលកំពុងពេញនិយម និងចំណាត់ថ្នាក់ទី 18 ក្នុងចំណោមកន្លែងទេសចរណ៍ល្អបំផុតនៅអាស៊ី។ នេះបានបង្ហាញពីភាពទាក់ទាញ និងសកម្មភាពទេសចរណ៍សម្បូរបែប របស់រាជធានីភ្នំពេញសម្រាប់ភ្ញៀវទេសចរអន្តរជាតិ។

ពានរង្វាន់ជម្រើសរបស់អ្នកដំណើរលើ Tripadvisor៖ កន្លែងអស្ចារ្យបំផុតប្រចាំឆ្នាំ២០២៥ បញ្ជាក់ពីការវាយតម្លៃខ្ពស់បំផុតនៃភាពល្អឥតខ្ចោះសម្រាប់គោលដៅទេសចរណ៍ជុំវិញពិភពលោក។ ពានរង្វាន់នេះត្រូវបានផ្តល់ជូនសម្រាប់តែតំបន់ទេសចរណ៍ សណ្ឋាគារ ភោជនីយដ្ឋាន និងកន្លែងទាក់ទាញណាដែលទទួលបានការវាយតម្លៃខ្ពស់ពីសហគមន៍អ្នកប្រើប្រាស់ Tripadvisor ក្នុងរយៈពេល 12 ខែកន្លង
មក។ ក្នុងចំណោមបញ្ជីរាយនាមជាង 8លានកន្លែង នៅទូទាំងពិភពលោក មានកន្លែងតិចជាង 1% ប៉ុណ្ណោះ ដែលត្រូវបាន ជាប់នៅក្នុងពានរង្វាន់នេះ។
សម្រាប់ព័ត៌មានបន្ថែមពីប្រភេទពានរង្វាន់ សូមចូលទៅកាន់តំណរខាងក្រោម៖
- Best of the Best Tourist Attractions in Asia – Tripadvisor
- Best of the Best Places to Visit in Asia – Tripadvisor
- Best of the Best Places to Visit in the World – Tripadvisor
- Trending Travel Destinations in the World – Tripadvisor
- Tripadvisor’s 25th Anniversary – Tripadvisor
- Best of the Best Cultural Destinations in the World – Tripadvisor

























Account
Security
Favourite Content