មហាជនកំពុងផ្ទុះការចាប់អារម្មណ៍ វីដេអូសត្វស្វាញីមួយក្បាលដេកលង់លក់លើភ្លៅព្រះសង្ឃមួយអង្គ ខណៈព្រះអង្គកំពុងធម្មទេសនាជាមួយនេនតូចធំជាច្រើននៅក្នុងព្រះវិហារ ដែលវីដេអូនោះក៏ត្រូវបាន Bangkok Post របស់ថៃបង្ហោះផ្សព្វផ្សាយដែរ។
ស្វាញីមួយក្បាលដែលមានឈ្មោះថា «ចាក់ហយ» ត្រូវបានរស់នៅ និងចិញ្ចឹមដោយព្រះសង្ឃមួយអង្គគង់នៅក្នុងវត្តផ្លូវមានចាស់ ស្រុកសំឡូត ខេត្តបាត់ដំបង ។ តាមរយៈសកម្មភាពរស់នៅប្រចាំថ្ងៃដែលបង្ហោះដោយព្រះសង្គមួយអង្គគង់នៅវត្តខាងលើ បានធ្វើឱ្យមហាជនចាប់អារម្មណ៍ និងសង្កេតឃើញថា ស្វាញីមួយក្បាលនេះតែងនៅក្បែរៗព្រះសង្ឃអង្គនេះ មិនថាពេលសម្រាក ពេលឆាន់បាយ និងសូម្បីតែពេលព្រះអង្គទ្រង់អាពាធក៏ស្វាញីនេះមិនបានទៅណាឆ្ងាយនោះឡើយ។
ជាក់ស្ដែងថ្មីៗនេះ មានវីដេអូមួយដែលបង្ហោះនៅលើបណ្ដាញសង្គមនៅពេលស្វាញី ចាក់ហយ ដេកកើយលើភ្លៅព្រះសង្ឃស្ដាប់លោកទេសនាក្នុងព្រះវិហារ បានធ្វើឱ្យមហាជនមានការចាប់អារម្មណ៍យ៉ាងខ្លាំង រហូតដល់ផេកសារព័ត៌មានក្រៅស្រុក Bangkok Post បានយកទៅបង្ហោះនៅលើផេកផ្លូវការដែលធ្វើបណ្ដាមហាជនកោតសរសើរពីភាពគួរឱ្យស្រលាញ់របស់សត្វស្វាមួយក្បាលនេះ។
គួរបញ្ជាក់ថា ស្វាញីមួយក្បាលដែលមានឈ្មោះថា ចាក់ហយ នេះជាស្វាដែលព្រះសង្ឃមួយអង្គគង់នៅក្នុងវត្ត ផ្លូវមានចាស់ ចិញ្ចឹមជាមួយសុនខជាច្រើនក្បាល ប៉ុន្តែបើក្រឡេកមើលពីភាពស្និតស្នាលស្វាញី ចាក់ហយ នេះហាក់នៅក្បែរ និងកៀកជិតព្រះអង្គច្រើនជាងគេ៕
ស្វែងរកវីដេអូបន្ថែមរបស់ស្វាមីដ៏សែនចេះ ចាក់ហយ ៖