ឆ្នាំនេះ នឹងក្លាយជាឆ្នាំទី១០ ហើយដែល «បុណ្យភូមិ» ត្រូវបានធ្វើឡើង។ ចាប់ផ្តើមដំបូង ឆ្នាំ ២០១៤ វត្តព្រែកថ្លឹងដោយមានក្រុមការងារស្ម័គ្រចិត្តតិចតូច និងមិនទាន់ទទួលបានការចាប់អារម្មណ៍ខ្លាំងនៅឡើយ ប៉ុន្តែពីមួយឆ្នាំទៅមួយឆ្នាំមហោស្រពមួយនេះទទួលបានការគាំទ្រផុសផុសឡើងៗពីមហាជនគ្រប់ស្រទាប់វណ្ណៈ ធ្វើឲ្យមហោស្រពពង្រីកខ្លួនបានកាន់តែធំ និងផ្ទាំងទស្សនីយភាពកាន់តែអស្ចារ្យ។

ដោយឡែកសម្រាប់ឆ្នាំ ២០២៣នេះ មហោស្រពសិល្បៈបុណ្យភូមិ កាន់តែអស្ចារ្យដោយនៅក្នុងឆ្នាំទី ១០នេះ មហោស្រពសិល្បៈបុណ្យភូមិ នឹងធ្វើឡើង រយៈពេល ១០ ថ្ងៃ និងទៅលើទីតាំងចំនួនបី។ ហើយរយៈពេលទាំង១០ថ្ងៃនេះ នឹងត្រូវបានបែងចែកជា ៣ សប្ដាហ៍ដែលចាប់ផ្តើមពីសប្ដាហ៍សិល្បៈសម័យ បន្តទៅសប្ដាហ៍ពិសេស និងចុងក្រោយគឺសប្ដាហ៍បុរាណ។
- ទីតាំងទី១:សប្ដាហ៍សិល្បៈសម័យ៖ ធ្វើឡើងនៅ ហ្វេកតូរី ភ្នំពេញ (Factory Phnom Penh) នៅថ្ងៃទី ១ និង២ ខែមេសា។
- ទីតាំងទី២:សប្ដាហ៍ពិសេស ៖ សប្ដាហ៍ពិសេស នឹងធ្វើនៅ ផ្សារ ជីប ម៉ុង មេហ្គាម៉ល ២៧១ នៅថ្ងៃទី ៣,៤,៥ និង៦ ខែមេសា។
- ទីតាំងទី៣: សប្ដាហ៍បុរាណ៖ បើតាមទំព័រហ្វេសប៊ុកផ្លូវការរបស់ បុណ្យភូមិបានឲ្យដឹងថា នឹងធ្វើនៅ វត្តភ្នៀតសិម្ពលិ ស្ថិតក្នុងសង្កាត់ស្នោរ ខណ្ឌកំបូល រាជធានីភ្នំពេញ ជាវត្តដែលមានផ្ទៃដីធំជាងគេបំផុតនៅរាជធានីភ្នំពេញ នៅថ្ងៃទី ៧ ៨ និង៩ ខែមេសា។
គួរបញ្ជាក់ថា កម្មវិធីបុណ្យភូមិនឹងបើកឱ្យមហាជនចូលរួមដោយសេរី លើកលែងតែសប្តាហ៍ទី២ដែលរៀបចំឡើងនៅហ្វេកតូរី ភ្នំពេញ ប៉ុណ្ណោះ ដែលមានការលក់សំបុត្រតម្លៃ ១ម៉ឺនរៀល ដោយសារមហោស្រពមួយនេះប្រមូលថវិកាទាំងនេះទៅត្រៀមសម្រាប់ការរៀបចំកម្មវិធី «បុណ្យភូមិមានជើង» ឬកម្មវិធីបុណ្យភូមិនៅតាមបណ្តាលខេត្ត៕
https://www.facebook.com/bonnphum/videos/612731210287108/




























Account
Security
Favourite Content