បន្ទាប់ពីទទួលបានជោគជ័យយ៉ាងក្រាស់ក្រែលនៅកម្ពុជា ម្ចាស់ពាន Cambodia Friendship 2023 លាវ វេងហួរ បានបោះជំហានបន្ទាប់យ៉ាងល្អក្រៃលែង ដោយទទួលបានពានបុរសឯក Mister Friendship International 2023 នៅក្នុងការប្រកួតវគ្គផ្តាច់ព្រ័ត្រនៅប្រទេសថៃ ។

ប្រុសស្អាត លាវ វេងហួរ បានបង្កើតប្រវត្តិសាស្ត្រសម្រាប់វិស័យប្រកួតសម្រស់នៅកម្ពុជា ដែលអាចដណ្តើមបានជាម្ចាស់ពាន ក្រោយពីលោកបានបង្ហាញសមត្ថភាពឆ្លើយសំណួរបានយ៉ាងល្អ ក្នុងកម្មវិធីជាបន្តបន្ទាប់នៅរាត្រីថ្ងៃទី ១៣ ខែធ្នូឆ្នាំ ២០២៣ ។ លាវ វេងហួរ បានចាកចេញពីកម្ពុជាទៅកាន់ប្រទេសថៃកាលពីព្រឹកថ្ងៃទី ៥ ខែធ្នូ ឆ្នាំ ២០២៣ ដើម្បីតំណាងប្រទេសកម្ពុជាចូលរួមប្រកួតក្នុងកម្មវិធី Mister Friendship International កាលពីថ្ងៃទី ១៤ ខែ ធ្នូ ឆ្នាំ ២០២៣ ជារាត្រីផ្ដាច់ព្រ័ត្រ។
លាវ វេងហួរ បានឆ្លងកាត់វិញ្ញាសារប្រកួតជាច្រើនដំណាក់កាលបានយ៉ាងល្អ ប្រកបដោយទំនុកចិត្ត និងភាពជឿជាក់ ដែលនាំរូបលោក ឈានទៅរកភាពជោគជ័យ។ មិនតែប៉ុណ្ណោះការបង្ហាញសមត្ថភាពនាត្រី Cultural Show បុរសឯករូបនោះធ្វើបានយ៉ាងល្អបំផុត។
ជាក់ស្តែង នៅក្នុងកម្មវិធី Mister Friendship International នៅប្រទេសថៃ បានលើកយកក្បាច់គុណល្បុកតោមកបង្ហាញ ដែលពោរពេញទៅដោយកម្លាំង ភាពអង់អាច គួបផ្សំជាមួយដងខ្លួនដ៏រឹងមាំ និងមានភាពទាក់ទាញ បានធ្វើឱ្យរូបលោកទទួលបានការចាប់អារម្មណ៌ និងទាញយកពិន្ទុយ៉ាងច្រើនពីអ្នកទស្សនា និង Judge។ មិនតែប៉ុណ្ណោះ វេងហួរ ធ្វើបានល្អស្ទើតែគ្រប់វិញ្ញាសារ ទាំងការឆ្លើយសំណួរ close door ពី Judge ថែមទាំងទទួលបានពានរង្វាន់ Best swimsuit ថែមទៀតផង។



គួរបញ្ជាក់ថា ការប្រកួត Mister Friendship International 2023 ធ្វើឡើងនៅស្រុកភូផាម៉ាន ខេត្តខនគែន ប្រទេសថៃ៕























Account
Security
Favourite Content