មិនមែនមានតែខ្មែរទេ ប៉ុន្មានប្រទេសនេះក៏មានពិធីបុណ្យស្រដៀងបុណ្យភ្ជុំដែរ

បុណ្យភ្ជុំបិណ្ឌគឺជាពិធីបុណ្យមួយដែលបងប្អូនកូនចៅ សាច់ញាតិសន្ដានមិនថាទីជិត ឬឆ្ងាយជួបជុំគ្នារៀបចំម្ហូបអាហារ បាយសម្លជូនព្រះរស់ និងឧទ្ទិសកុសលដល់បុព្វការីជនបានចែកឋានទៅ។ ប៉ុន្តែប្រពៃណីធ្វើបុណ្យឧទ្ទិសកុសល ឬរំឭកទៅដល់វិញ្ញាណអ្នកស្លាប់មិនមែនមានតែក្នុងប្រទេសកម្ពុជាប៉ុណ្ណោះទេ វាក៏មាននៅប្រទេសផ្សេងទៀតដែរដូចជា៖

១. ប្រទេសជប៉ុន​

ពិធីបុណ្យប្រពៃណីព្រះពុទ្ធសាសនា Obon ត្រូវបានគេប្រារព្ធឡើងនៅក្នុងអំឡុងខែទី ៧ នៃខែចន្ទគតិដែលនៅចន្លោះពីថ្ងៃទី១៣ ខែសីហាដល់ថ្ងៃទី ១៦ ខែសីហា។ គេប្រារព្ធពិធីបុណ្យមួយនេះឡើងដើម្បីរំឮកទៅដល់វិញ្ញាណក្ខន្ធបុព្វការីជនដោយជឿជាក់ថាពួកគេនឹងត្រលប់មកវិញនៅក្នុងពិធីបុណ្យ Obon នេះ។

ពិធីបុណ្យនេះស្រដៀងទៅនឹងពិធីបុណ្យភ្ជុំបិណ្ឌដែរដោយមនុស្សជាច្រើននឹងធ្វើដំណើរទៅស្រុកកំណើតដើម្បីចំណាយពេលឈប់សម្រាកជាមួយក្រុមគ្រួសារ និងមិត្តភក្ដិ។ នៅទីក្រុងក្យូតូ អ្នកស្រុកបានដុតភ្លើងគប់យក្សជាអក្សរជប៉ុននៅលើភ្នំដើម្បីជូនដំណើរដូនតាទៅកាន់ទីកន្លែងរបស់លោកវិញ។

២. តំបន់អាមេរិកឡាទីន

Día de Muertos គឺជាពិធីបុណ្យសាសនាបុរាណលាយជាមួយសាសនាគ្រិស្ដដែលមានដើមកំណើតមកពីប្រទេសម៉ិកស៊ិកដើម្បីឧទ្ទិសដល់វិញ្ញាណក្ខន្ធអ្នកស្លាប់ជាមួយអាហារបរិបូរណ៍ ការដង្ហែក្បួន របាំ និងពិធីជប់លៀងផងដែរ។ ពិធីបុណ្យមួយនេះគឺប្រារព្ធទៅក្នុងរយៈពេល ២ ថ្ងៃដោយថ្ងៃទីមួយ All Saints Day ធ្វើនៅថ្ងៃទី ១ ខែវិច្ឆិកា និងថ្ងៃទីពីរ All Souls Day ធ្វើនៅថ្ងៃទី ២ ខែវិច្ឆិកា។ គេមានជំនឿថាការធ្វើបែបនេះវិញ្ញាណអ្នកស្លាប់អាចមកចូលរួមពិធីជាមួយមនុស្សរស់ដែរ។ ​នៅក្នុងពិធីប្រជាជនក៏បាននាំគ្នាគូសមុខបែបក្បាលខ្មោចដែរ។

ដើម្បីអបអរពិធីបុណ្យមួយនេះប្រជាជនក៏បាននាំគ្នាសម្អាត និងតុបតែងផ្នូរដោយដុតទៀនបំភ្លឺនៅជុំវិញផ្នូរ ប្រើក្រដាស ឬក្រណាត់មានពណ៌ស្រស់ព្រមទាំងមានតុបតែងជាមួយគ្រោងឆ្អឹង និងលលាដ៏ក្បាលដែលតំណាងឱ្យការស្លាប់ និងការកើតថ្មីព្រមទាំងមានរៀបចំរបស់ដែលអ្នកស្លាប់ចូលចិត្តកាលនៅរស់មានដូចជាម្ហូបអាហារ នំចំណី ភេសជ្ជៈ និងគ្រឿងតង្វាយផ្សេងៗទៀតផងដែរ។ នៅអំឡុងពេលប្រារព្ធពិធី Día de Muertos នំប៉័ងមនុស្សសម្រាប់អ្នកស្លាប់ ឬ Pan de muerto គឺជារបស់មួយដ៏សំខាន់មិនអាចរំលងបាននោះទេ។

៣. ប្រទេសកូរ៉េខាងត្បូង

Chuseok ជាពិធីបុណ្យជាតិដ៏ធំបំផុតរបស់ប្រទេសកូរ៉េទាំងខាងជើង និងខាងត្បូងដោយមានការរាំ លេងហ្គេម និងអាហារផងដែរ។ លើសពីនេះ ពិធីបុណ្យ Chuseok ក៏ជាពេលប្រជាជនកូរ៉េគោរពឧទ្ទិសទៅដល់បុព្វបុរស ជាទូទៅធ្វើនៅថ្ងៃទី ១៥ នៃខែ ៨ ចន្ទគតិរបស់ប្រទេសកូរ៉េដែលមានន័យថាពេលខ្លះក្នុងខែកញ្ញា ឬពេលខ្លះក្នុងខែតុលា។

ក្នុងអំឡុងពេលបីថ្ងៃ ក្រុមគ្រួសារភាគច្រើនបានប្រារព្ធបុណ្យ Chuseok ដោយចែករំលែកផលដំណាំជាមួយអ្នកផ្សេងទៀត ដូច្នេះវាគឺផ្ដោតនៅលើអាហារដែលបានមកការច្រូតកាត់ និងនំអង្ករបែបប្រពៃណីកូរ៉េផងដែរ។ នៅពេលថ្ងៃប្រជាជនទាំងអស់នឹងទៅលេងហើយសម្អាតផ្នូរបុព្វបុរសរបស់គេ ហើយនៅពេលយប់គេនាំគ្នាលេងល្បែងប្រជាប្រិយ និងរបាំប្រពៃណីក្រោមព្រះច័ន្ទពេញវង់ទៀតផង។

៤. ប្រទេសចិន

ប្រជាជនចិនមានជំនឿថាបុណ្យសែនក្បាលទឹកគឺជាពេលដែលទ្វារនរកបើ ហើយព្រលឹងវិញ្ញាណអ្នកស្លាប់នឹងឡើងមករកកូនចៅ។ ដូច្នេះក្នុងអំឡុងថ្ងៃបុណ្យសែនក្បាលទឹកនេះគេច្រើនរៀបចំបង្អែមចម្អាប ក្រដាសមាសប្រាក់ និងតង្វាយផ្សេងៗទៀតសែនជូនដល់វិញ្ញាណដូនតាបានចែកឋានទៅ។ ក្រោយសែនរួចរាល់ហើយ គេនឹងយកគ្រឿងតង្វាយដែលអាចដុតបានទៅដុតដោយមានជំនឿថាតង្វាយទាំងអស់នឹងបានទៅដល់ដូនតា។

នៅតំបន់មួយចំនួនប្រជាជនចិនមានទម្លាប់ចាប់ផ្ដើមកម្មវិធីជាមួយក្បួនដង្ហែ ហើយបញ្ចប់ទៅវិញដោយការបណ្ដែតគោម។ គេជឿថាគោមណាដែលអណ្ដែត ឬហោះបានកាន់តែឆ្ងាយមុនពេលគោមឆេះ នោះសំណាងនឹងហូរចូលក្នុងផ្ទះកាន់តែច្រើន។

៥. ប្រទេសនេប៉ាល់

Gai Jatra ឬពិធីបុណ្យសត្វគោ គឺជាថ្ងៃឈប់សម្រាកដ៏ពេញនិយមបំផុតមួយនៅក្នុងប្រទេសនេប៉ាល់ ហើយត្រូវបានប្រារព្ធឡើងជារៀងរាល់ឆ្នាំក្នុងខែសីហា ឬខែកញ្ញា។ ក្រុមគ្រូសារដែលបានបាត់បងសមាជិកកាលពីឆ្នាំមុនត្រូវដឹកគោ ឬសម្រាប់អ្នកមិនមានលទ្ធភាពទិញគោត្រូវឱ្យក្មេងៗតុបតែងខ្លួនជាសត្វគោហើយដង្ហែនៅក្នុងភូមិ។ គោគឺសត្វមួយក្នុងចំណោមសត្វដ៏គួរឱ្យគោរពក្នុងសាសនាហិណ្ឌូ ហើយគេមានជំនឿថាសត្វនេះនឹងជួយនាំព្រលឹងសមាជិកគ្រួសារដែលបានស្លាប់ទៅដល់ជាតិក្រោយផងដែរ។

ពិធីបុណ្យនេះត្រូវបានគេជឿថាត្រូវបានចាប់ផ្ដើមតាំងនៅក្នុង សតវត្សរ៍ទី ១៧ នៅពេលស្ដេចនេប៉ាល់ Pratap Malla បានអញ្ជើញមនុស្សឱ្យស្លៀកសម្លៀកបំពាក់ និងសម្តែងនៅមុខវាំងដោយសង្ឃឹមថានឹងធ្វើឱ្យភរិយារបស់ទ្រង់សប្បាយចិត្តម្តងទៀតបន្ទាប់ពីបាត់បង់កូនប្រុស។ ទីបំផុតព្រះមហាក្សត្រិយានី​ពិតជា​ញញឹម​នៅ​ពេល​ឃើញ​ការ​ប្រារព្ធ​ពិធី​នេះ ហើយ​ក្បួន​ដង្ហែ​បាន​បន្ត​រហូត​មក​ដល់​បច្ចុប្បន្ននេះ ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។