ដល់សម័យ AI យុវជនចិននិយមប្រើ “គ្រូទាយ AI” ដើម្បីរំសាយសម្ពាធជីវិត

យុវជនចិនបានប្រើប្រាស់បញ្ញាសិប្បនិម្មិត ឬ AI ជាគ្រូទស្សន៍ទាយជោគវាសនា ដើម្បីរំសាយអារម្មណ៍ ស្របពេលដែលសម្ពាធពីការសិក្សា ការងារ និងទំនាក់ទំនងកើនឡើង។ នេះបើផ្អែកតាមការចុះផ្សាយរបស់សារព័ត៌មាន South China Morning Post នៅថ្ងៃទី១១ ខែឧសភា។

យុវជនចិនកំពុងងាកទៅរកបញ្ញាសិប្បនិម្មិត (AI) កាន់តែច្រើនឡើង ដើម្បីទស្សន៍ទាយ ដោយពួកគេយល់ថា AI មានតម្លៃថោកជាង លឿនជាង និងមានប្រសិទ្ធភាពស្មើនឹងគ្រូទាយដែលជាមនុស្ស។

នៅលើបណ្តាញសង្គមរបស់ចិន Hashtag #deepseeksuanming ឬមានន័យថា “ការទស្សន៍ទាយតាមរយៈ DeepSeek” មានអ្នកចូលមើលលើសពី ៥៥ លានដង ដោយ DeepSeek នេះគឺជាម៉ូដែល AI របស់ចិនដែលបានដាក់ឱ្យដំណើរការក្នុងឆ្នាំ ២០២៣។

អ្នកប្រើប្រាស់ជាច្រើនបានឱ្យដឹងថា ការទស្សន៍ទាយតាម AI បានក្លាយជាផ្នែកមួយនៃជីវភាពប្រចាំថ្ងៃរបស់ពួកគេ។ ជាទូទៅ ពួកគេសាកសួរអំពីឱកាសការងារ និងជីវិតស្នេហា ជាសំណួរទូទៅដែលពួកគេធ្លាប់សួរទៅកាន់គ្រូទាយជាមនុស្សនាពេលកន្លងមក។

ខណៈគ្រូទាយជាមនុស្សជាទូទៅមានក្បួនតម្រា ឬចេះទស្សន៍ទាយតែមួយវិធី AI អាចដើរតួជាហោរដែលចេះច្រើនវិធី មិនថាជាការទស្សន៍ទាយបែបតារាសាស្ត្រចិន (Purple Star System) ដែលទស្សន៍ទាយជីវិតមនុស្សផ្អែកលើម៉ោងកំណើត ការទស្សន៍ទាយតាមបៀរ Tarot របស់លោកខាងលិច និងការទស្សន៍ទាយដោយមើលលើបាតដៃ ឬទម្រង់មុខតាមរយៈរូបថតជាដើម។

អ្នកប្រើប្រាស់ខ្លះសុខចិត្តបង់ប្រាក់ឱ្យ AI ដើម្បីមើលរាសីរបស់ខ្លួនក្នុងតម្លៃផ្សេងៗគ្នា ដោយបុគ្គលម្នាក់បានបង់ប្រាក់ចំនួន ៦០ យន់ ឬប្រហែល ៩ ដុល្លារអាមេរិក និងបុគ្គលម្នាក់ទៀតបានបង់ប្រាក់ ៩០ យន់ ឬប្រមាណ ១៣ ដុល្លារអាមេរិក។

អ្នកប្រើប្រាស់មួយចំនួនបានប្រាប់ថា ពួកគេមិនបានផ្ដោតថា ការទស្សន៍ទាយនោះត្រូវបានបង្កើតឡើងដោយ AI ឬយ៉ាងណាទេ តែមូលហេតុចម្បងនៃការប្រើប្រាស់ AI នេះ គឺដោយសារវាមានតម្លៃសមរម្យ រហ័ស និងមានភាពត្រឹមត្រូវប្រហាក់ប្រហែលនឹងការទស្សន៍ទាយពីហោរដែលជាមនុស្ស។

យ៉ាងណាមិញ និន្នាការនេះមានមតិចម្រុះគ្នា។ អ្នកខ្លះលើកឡើងថា ការទស្សន៍ទាយរបស់ AI អាចមានលក្ខណៈទូទៅ និងស្រពេចស្រពិល ដោយប្រៀបធៀបវាទៅនឹងការបោកប្រាស់។ អ្នកខ្លះទៀតបានបង្ហាញការព្រួយបារម្ភថា លទ្ធផលទស្សន៍ទាយរបស់ AI អាចនឹងខុសគ្នាខ្លាំង នៅពេលសួរសំណួរដដែលម្ដងទៀត។

អ្នកប្រើប្រាស់ម្នាក់បានបញ្ចេញមតិថា៖ “ការទស្សន៍ទាយ មិនថាដោយមនុស្ស ឬ AI ទេ សុទ្ធតែដូចជាការបញ្ចុះបញ្ចូលលក់ផលិតផលអ៊ីចឹង។ កាលណាអ្នកកាន់តែចង់ជឿ សម្ដីនោះកាន់តែមើលទៅគួរឱ្យជឿជាក់”។

អ្នកប្រើប្រាស់ម្នាក់ទៀតបាននិយាយថា៖ “ខ្ញុំដឹងថាវាមិនត្រឹមត្រូវទាំងស្រុងទេ ប៉ុន្តែវាផ្តល់ឱ្យខ្ញុំនូវអារម្មណ៍នឹងធឹង និងសុវត្ថិភាព”។

ក្នុងរយៈពេលប៉ុន្មានឆ្នាំចុងក្រោយនេះ ការនាំយកជំនឿដូចជា ការទស្សន៍ទាយ ឬការបន់ស្រន់តាមវិហារ មកជាសកម្មភាពឌីជីថល កំពុងទទួលបានការពេញនិយមយ៉ាងខ្លាំងក្នុងចំណោមយុវជនចិន។ យោងតាមរបាយការណ៍ពី iiMedia Research គិតត្រឹមឆ្នាំ ២០២៤ ទីផ្សារនៃ “វិទ្យាសាស្ត្រអាថ៌កំបាំង AI” (AI Xuanxue) មានតម្លៃដល់ទៅ ១២ ប៊ីលានយន់ ប្រមាណ ១.៨ ប៊ីលានដុល្លារអាមេរិក ដោយមានកំណើនជាង ៤០ ភាគរយជារៀងរាល់ឆ្នាំ។ ក្នុងនោះ ៧០ ភាគរយនៃអ្នកប្រើប្រាស់មានអាយុចន្លោះពី ១៨ ដល់ ៣០ ឆ្នាំ។

សម្រាប់មនុស្សជាច្រើន ការពឹងផ្អែកលើជំនឿទាំងនេះគឺជាមធ្យោបាយគេចចេញពីសម្ពាធដែលកាន់តែកើនឡើង មិនថាពីការសិក្សា ការងារ និងជីវិតអាពាហ៍ពិពាហ៍ ក្នុងសង្គមសម័យថ្មី៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *