អ្វីដែលពិសេសអស្ចារ្យបំផុតមិនធ្លាប់មានពីមុនមក ដោយហាងពេជ្រ CSNJ របស់លោកឧកញ៉ា ចិន សំណាង មិនត្រឹមតែធ្វើការ sponsor មកុដថ្មីសន្លាងសម្រាប់ម្ចាស់ជយលាភី Miss Cambodia 2024 ប៉ុណ្ណោះទេ ថែមទាំងបន្ថែមខ្សែកពេជ្រតម្លៃរាប់ម៉ឺនដុល្លារ ភ្ជាប់មកជាមួយគ្នាទៀត ពោលឧបត្ថម្ភលក្ខណៈជាឈុតតែម្តង។
នេះជារឿងដ៏ប្លែកខ្លាំងបំផុតក្នុងវិស័យបវរកញ្ញានៅកម្ពុជា ព្រោះពុំធ្លាប់មាននរណាម្នាក់ហ៊ានចំណាយថវិកាច្រើនដល់នេះ ដើម្បីជ្រោមជ្រែងបវរកញ្ញាកម្ពុជាឱ្យរីកស្មើរមុខស្មើរមាត់ជាមួយបេក្ខភាពមកពីបណ្តាប្រទេសផ្សេងៗ។



លោក ម៉ែន និមលរតន៍ CEO ក្រុមហ៊ុន Cambodia International Models ក៏ភ្ញាក់ផ្អើលខ្លាំងចំពោះការ surprise របស់លោកឧកញ៉ា ចិន សំណាង ដែលបានបន្ថែមឱ្យម្ចាស់ជយលាភីនូវខ្សែកពេជ្រដ៏មានតម្លៃថ្លៃខ្ទង់ម៉ឺនដុល្លារបែបនេះ។ ដែលសំខាន់ខ្សែករពេជ្រ និងមកុដរចនាបថប្រាសាទព្រះវិហារនេះបានជ្រើសរើសយកត្បូងរតនគីរីមកច្នៃរំលេចឡើងឱ្យមើលប្រណីត ថ្លៃថ្នូរ និងកាន់តែមានសោភ័ណ្ឌភាព ព្រោះត្បួងរតនគីរី ជាប្រភេទត្បូងកម្រ និងជាត្រូវដ៏មានតម្លៃបំផុតរបស់កម្ពុជាយើង។


ក្នុងនោះផងដែរ CSNJ បានសម្រិតសម្រាំង ដើម្បីចម្រាញ់យកត្បូងដែលមានគុណភាពភ្លឺចែងចាំងសម្រាប់រាជិនីសម្រស់ ដែលនឹងក្លាយជាម្ចាស់មកុដ Miss Cambodia 2024។ ទៀតសោត ដើម្បីឱ្យមកុដនេះរឹតតែមានអត្ថន័យបង្កប់ពីអត្តសញ្ញាណខ្មែរ CSNJ បានច្បិចយកគំនិតបំផុសពីប្រាសាទព្រះវិហារ មកធ្វើរចនាបថតួមកុដថ្មី ដែលមើលទៅប្លែកភ្នែកខ្លាំងមិនធ្លាប់ឃើញពីមុនឡើយ។


តាមការបង្ហើបពី CEO ក្រុមហ៊ុន CIM ក្រៅពីមកុដ និងខ្សែកពេជ្រដ៏មានតម្លៃខាងលើ ហាងពេជ្រ CSNJ ក៏មានគម្រោងផ្តល់រថយន្តមួយគ្រឿងទៀតសម្រាប់ម្ចាស់ជយលាភី Miss Cambodia 2024 ជាមួយការថតគ្រឿងពេជ្ររយៈពេលពេញ ១ឆ្នាំ។
សូមជម្រាបផងដែរថា នៅថ្ងៃទី៦ ខែមិថុនា ឆ្នាំ២០២៤ ខាងមុខនេះ ក្រុមហ៊ុន Cambodia International Models នឹងរៀបចំកម្មវិធីសន្និសីទសារព័ត៌មានប្រកាសបើកបង្ហាញមកុដថ្មីសន្លាងរបស់ Miss Cambodia 2024 រួមជាមួយខ្សែកពេជ្រដ៏ប្រណីត ដែលពុំធ្លាប់ឃើញពីមុនមក។ កុំភ្លេចរង់ចាំតាមដានការ live ផ្ទាល់លើទំព័រហ្វេសប៊ុកផ្លូវការ Cambodia International Models និង Miss Cambodia ទាំងអស់គ្នា!




























Account
Security
Favourite Content