ដំណើរជីវិតតួស្រីរឿង Power Ranger កំពុងពេញល្បីបែរជួបហេតុការណ៍មួយបាត់បង់ជីវិត

ប្រិយមិត្តដែលធ្លាប់បានទស្សនារឿង “Mighty Morphin Power Ranger” កាលពីជំនាន់ឆ្នាំ ៩០ ជាង ប្រហែលជាបានស្គាល់តារាស្រីល្បី Thuy Trang ជាមិនខាន ដោយនាងបានដើរតួជាក្រុមអ្នកការពារមនុស្ស Power Ranger ពណ៌លឿង។ នាសម័យនោះ នាងពិតជាទទួលបានការគាំទ្រ និងការស្រឡាញ់ចូលចិត្តយ៉ាងខ្លាំងពីមហាជន ជាពិសេសក្មេងជំទង់តែម្ដង។

Thuy Trang កើតនៅថ្ងៃទី ១៤ ខែ ធ្នូ ឆ្នាំ ១៩៧៣ នៅទីក្រុង ហូជីមិញ ប្រទេស វៀតណាម។ រូបនាងជានិស្សិតនៅសកលវិទ្យាល័យ California, Irvine ប្រទេសអាមេរិក ផ្នែកវិស្វកម្មសំណង់ស៊ីវិល ដោយសារមានចំណាប់អារម្មណ៍លើការសម្ដែងនាងក៏ផ្លាស់ប្ដូរអាជីពមកធ្វើជាតួសម្ដែងវិញ។ ក្នុងគ្រួសាររបស់ Thuy Trang មានតែនាងម្នាក់គត់ដែលជ្រើសចាប់យកអាជីពជាតារាសម្ដែង។

Thuy Trang បានបង្ហាញខ្លួនដំបូងបំផុតក្នុងវិថីសិល្បៈគឺនៅឆ្នាំ ១៩៩៣ ដោយសម្ដែងជាតួ Trini Kwan ក្នុងរឿង “Mighty Morphin Power Ranger”។ មែនទែនទៅ ទេពកោសល្យពីកំណើត និងភាពលេចធ្លោធ្វើឱ្យនាងដណ្ដើមបានតួអង្គមួយនេះ ខណៈមានអ្នកដាក់ពាក្យចូលសម្ដែងជាតួ Trini Kwan ដល់ទៅជាង ៥០០ នាក់ឯណោះ។

ចំណុចពិសេសមួយរបស់ Thuy Trang ដោយសារតែធ្លាប់ហាត់ក្បាច់គុណចិន ស៊ាវ លីង រាងកាយរបស់នាងគឺមានភាពរឹងមាំជាងតួសម្ដែងស្រីទូទៅ ដូច្នេះនាងកម្រប្រើតួជំនួសណាស់នៅពេលសម្ដែងឈុតឆាកវាយគ្នាម្ដងៗ។ តែវាក៏ជាមូលហេតុមួយដែលតែងតែធ្វើឱ្យនាងរងរបួសមួយចំនួនលើរាងកាយ។ ភាពតស៊ូ និងការខិតខំប្រឹងប្រែងរបស់នាងធ្វើឱ្យគ្រប់គ្នានៅជុំវិញសរសើរមិនដាច់ពីមាត់។

បន្ទាប់ពីបង្ហាញខ្លួនបានប្រមាណជា ៨០ ភាគក្នុងរដូវកាលទី ១ និងច្រើនជាង ២០ ភាគក្នុងរដូវកាលទី ២ នៃរឿង Power Ranger តារាស្រី Thuy Trang ក៏សម្រេចមិនបន្ដកុងត្រាសម្ដែងក្នុងរឿងនេះទៀតឡើយ។ ចំពោះមូលហេតុត្រូវបានគេលើកឡើងថាគឺចចារលើប្រាក់ឈ្នួល និងលក្ខខ័ណ្ឌកុងត្រាមិនត្រូវរូវគ្នា។ ថ្វីបើឈប់សម្ដែងជាតួ Trini Kwan ប៉ុន្ដែមហាជនជាច្រើននៅតែចាត់ទុករូបនាងជាតារាស្រីឆ្នើមម្នាក់ដែលសម្ដែងតួអង្គមួយនេះសក្ដិសមបំផុត មិនតែប៉ុណ្ណោះនាងក៏ជានិមិត្តរូបរបស់ជនជាតិអាស៊ីជាច្រើននាពេលនោះផងដែរ។ លើសពីនេះ នាងក៏ត្រូវជាប់ក្នុងបញ្ជីជាមួយតារាផ្សេងៗទៀតមានឥទ្ធិពលខ្លាំងដែលកើតក្នុងឆ្នាំ ១៩៧៣។

Thuy Trang បានបង្ហាញខ្លួនក្នុងភាពយន្ដកុនដំបូងក្នុងឆ្នាំ ១៩៩៦ រឿងនោះមានចំណងជើងថា “Spy Hard”។ ឆ្នាំដដែលរូបនាងក៏បានបង្ហាញខ្លួនក្នុងរឿងផ្សេងមួយទៀតមានចំណងជើងថា “The Crow: City of Angels”។ អ្វីដែលគួរឱ្យសោកស្ដាយរូបនាងត្រូវលាចាកលោកទាំងវ័យក្មេងនៅអាយុ ២៧ ឆ្នាំដោយសារគ្រោះថ្នាក់ចរាចរណ៍ក្នុងឆ្នាំ ២០០១។ ខណៈពេលនោះ ទ្រព្យសម្បត្តិរបស់នាងត្រូវបានគេប៉ាន់ស្មានថាមានប្រមាណ ១០ លានដុល្លារអាមេរិក។

នៅថ្ងៃទី ៣ ខែ កញ្ញា ឆ្នាំ ២០០១ មហាជន និងក្រុមអ្នកគាំទ្ររឿង Power Ranger ហាក់មានការតក់ស្លុតខ្លាំងដោយសារតែសារព៏ត៌មានតូចធំបានចុះផ្សាយពីដំណឹងតារាស្រី Thuy Trang ជួបគ្រោះថ្នាក់ចរាចរណ៍ និងស្លាប់បាត់បង់ជីវិតក្នុងហេតុការណ៍ដ៏រន្ធត់នោះ។

Thuy Trang បានជួបគ្រោះថ្នាក់ចរាចរណ៍កំឡុងពេលរូបនាង និងមិត្តភក្ដិរួមមានតារាស្រី Angela RockWood ធ្វើដំណើរពីទីក្រុង San Francisco ទៅទីក្រុង Los Angeles។ មែនទែនទៅរឿងហេតុនេះ កើតឡើងបន្ទាប់ពីរូបនាង និងក្រុមមិត្តភក្ដិជួបជុំគ្នានិយាយពីរឿងធ្វើអ្នកកំដរសម្រាប់ពិធីមង្គលការរបស់តារាស្រី Angela RockWood។ រថយន្ត ដែល Thuy Trang ជិះត្រូវបានបើកបរដោយ Steffiana ដែលជាមិត្តម្នាក់របស់នាង។ ដោយសារតែយប់ងងឹត ព្រមទាំងបើកបរក្នុងល្បឿនលឿនក៏ជ្រុលទៅបុក របាំង ថ្ម ចិញ្ចើមផ្លូវពេញទំហឹងបណ្ដាលឱ្យក្រឡាប់ជាច្រើនដង។

ពេលនោះ Angela បានខ្ទាតចេញពីរថយន្ដ និងរួចផុតជីវិតពីគ្រោះថ្នាក់ តែនាងមានរបួសធ្ងន់ធ្ងរត្រូវពិការជើង និងមិនអាចដើរអស់មួយជីវិត។ រីឯ Steffiana ក៏ត្រូវបានរាយការណ៍ថាឆ្លតផុតគ្រោះថ្នាក់ដូចគ្នាបន្ទាប់ពីសង្គ្រោះបន្ទាន់អស់ជាច្រើនម៉ោង។ ក្រឡេកមកមើល Thuy Trang វិញរូបនាងគ្មានសំណាងដូចមិត្តភក្ដិរបស់នាងឡើយ នាងមានរបួសធ្ងន់ធ្ងរខ្លាំង គ្រាំគ្រឿងក្នុង និងមានឈាមហូរចេញពីក្នុងខ្លួនឥតឈប់។ នាងត្រូវបានក្រុមអ្នកសង្គ្រោះដឹកយកទៅមន្ទីរពេទ្យ តែជាអកុសលនាងបានស្លាប់បាត់បង់ជីវិតនៅតាមផ្លូវ។

បើតាមប្រភពមួយចំនួនបានលើកឡើងថា Thuy Trang មិនបានពាក់ខ្សែក្រវ៉ាត់ការពារពេលជិះរថយន្ដទើបធ្វើឱ្យនាងរងរបួសធ្ងន់ធ្ងរជាងគេរហូតដល់ស្លាប់បាត់បង់ជីវិត។ តែបើតាមសម្ដីរបស់ Angela ពេលផ្ដល់បទសម្ភាសន៍មុនដំបូងនាងបានបដិសេធ និងលើកឡើងថា Thuy Trang បានពាក់ខ្សែក្រវ៉ាត់ការពារ។ ប៉ុន្ដែដោយស្ថានភាពរបស់នាងមិនជាល្អប៉ុន្មានចម្លើយរបស់នាងបែរជាស្រពិចស្រពិល នៅពេលផ្ដល់បទសម្ភាសន៍ម្ដងទៀត នាងលើកឡើងថាចាំមិនច្បាស់ទេថា Thuy Trang មានពាក់ខ្សែក្រវ៉ាត់ការពារ ឬក៏អត់? មកទល់ពេលបច្ចុប្បន្ន នៅតែគ្មានចម្លើយ និងភស្ដុតាងណាមួយច្បាស់លាស់បញ្ជាក់ថា Thuy Trang មានពាក់ខ្សែក្រវ៉ាត់ការពារ ឬក៏អត់កំឡុងពេលជួបគ្រោះថ្នាក់។

សាកសពរបស់ Thuy Trang ត្រូវបានបូជាមួយសប្តាហ៍ក្រោយជួបគ្រោះថ្នាក់នៅថ្ងៃទី ១០ ខែកញ្ញា ឆ្នាំ ២០០១។ ធាតុរបស់នាងត្រូវបានបញ្ចុះនៅឧទ្យាន Rose Hills Memorial Park នៅ Whittier រដ្ឋ California។

ជាក់ស្ដែង ការចាកចេញរបស់នាងបានធ្វើឱ្យមិត្តរួមការងារមានការសោកស្ដាយខ្លាំង ដោយសារតែនាងជាមនុស្សល្អម្នាក់ថែមទាំងតស៊ូខ្លាំងក្នុងជីវិត នាងក៏ជាតារាសម្ដែងស្រីដ៏ឆ្នើម និងពូកែម្នាក់ផងដែរ។ តាមសម្ដីរបស់តារាប្រុស Jason David Frank សម្ដែងជាតួ Power Ranger ពណ៌បៃតងបានឱ្យដឹងថា៖ Thuy Trang ជាមនុស្សឧស្សាហ៍ព្យាយាមម្នាក់ នាងតែងតែសម្ដែងអស់ពីកម្លាំងកាយចិត្ត។ នាងជាមនុស្សដែលតែងគិតវិជ្ជមាន និងធ្វើឱ្យអ្នកជុំវិញមានអារម្មណ៍កក់ក្ដៅ ។

អ្នកគាំទ្រជាច្រើនក៏បានលើកឡើងថា បើសិនជារូបនាងនៅមានជីវិត បច្ចុប្បន្ននាងប្រហែលជាតារាស្រីដែលលេចធ្លោ និងមានភាពល្បីល្បាញខ្លាំងម្នាក់ក្នុងវិស័យភាពយន្ដហូលីវូដជាមិនខាន៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​