ខណៈដែលស្ថានការណ៍ប៉ះទង្គិចដោយអាវុធនៅព្រំដែនកម្ពុជាថៃមានភាពស្ងប់ស្ងាត់ក្រោយការអនុវត្តកិច្ចព្រមព្រៀងឈប់បាញ់ ប៉ុន្តែសង្គ្រាមព័ត៌មានរវាងប្រទេសទាំងពីរហាក់នៅតែឡើងកម្ដៅ។ ជាក់ស្ដែងចាប់ពីម្សិលមិញមក ការបង្ហោះសារជាមួយ hashtag #TruthFromThailand បានលេចឡើងកាន់តែខ្លាំងតាមបណ្ដាញសង្គមថៃ ក្នុងគោលបំណងចែករំលែកពីទស្សនៈរបស់ប្រជាជនថៃទៅកាន់សហគមន៍អន្តរជាតិដោយចោទប្រកាន់ថាភាគីកម្ពុជាគឺជាអ្នកចាប់ផ្ដើមជម្លោះ និងបានបំពានបទឈប់បាញ់។

ក្នុងចំណោមនោះ តារាល្បីៗជាពិសេសអ្នកមានគាំទ្រអន្តរជាតិច្រើនដូចជាតួសម្ដែងរឿង BL, GL និងបវរកញ្ញានានាបានចូលរួមយុទ្ធនាការនេះយ៉ាងសកម្ម ដូចជា Engfa Waraha, Zee, Nunew, Kwan Usamanee, Santa, Jes, Jeff Satur, Mixxiw, Daou, Tay Tawan, Nanon, War Wanarat, Toptap, Mook Worranit និងតារាផ្សេងៗជាច្រើនទៀត។
ក្រៅពីបង្ហោះសារចោទប្រកាន់កម្ពុជា សិល្បករថៃមួយចំនួនក៏បានបង្កើតមាតិកាឡកឡឺយកម្ពុជា ដូចជាតារាជើងចាស់ Ann Thongprasom បានបង្ហោះវីដេអូធ្វើដូចជាពុលផ្សែងពេលកំពុងទៅញ៉ាំអាហារ ក្រោយមានព័ត៌មានចុះផ្សាយអំពីការប្រើផ្សែងពុលរបស់កងទ័ពថៃលើកងទ័ពកម្ពុជា។
ឆ្លើយតបការចោទប្រកាន់ពីប្រទេសថៃ លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិបានបញ្ជាក់ថា៖ “កម្ពុជា ច្រានចោលការលើកឡើងរបស់អ្នកនាំពាក្យទ័ពជើងគោកថៃថា មានការប្រយុទ្ធគ្នាកើតឡើងទៀត ព្រោះកម្ពុជាបានប្តេជ្ញាចិត្តយ៉ាងច្បាស់ចំពោះការគោរពច្បាប់អន្តរជាតិ ការរួមរស់នៅជាមួយគ្នាដោយសន្តិភាព និងកិច្ចសហប្រតិបត្តិការពហុភាគី”។
សេចក្ដីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិនៃកម្ពុជាក៏បានបញ្ជាក់ដែរថា៖ “កម្ពុជាបានបញ្ជាក់យ៉ាងច្បាស់ពីការប្ដេជ្ញាចិត្តដ៏មុតមាំរបស់ខ្លួនចំពោះការអនុវត្តយ៉ាងពេញលេញ និងឥតងាករេនូវកិច្ចព្រមព្រៀងឈប់បាញ់ដែលសម្រេចបានរវាងកម្ពុជា និងថៃ នៅថ្ងៃទី២៨ ខែកក្កដា ឆ្នាំ២០២៥ នៅទីក្រុងពូត្រាយៃយ៉ា ប្រទេសម៉ាឡេស៊ី … រាជរដ្ឋាភិបាលកម្ពុជាសូមច្រានចោលយ៉ាងដាច់អហង្ការចំពោះការចោទប្រកាន់ដែលមានលក្ខណៈ បំភាន់ និងប្រឌិត បំភ្លៃការពិតជាក់ស្ដែង និងគំរាមកំហែងប្រកបដោយគ្រោះថ្នាក់ដល់ជំនឿទុកចិត្ត និងការសន្ទានា ដែលចាំបាច់សម្រាប់នាំមកនូវសន្តិភាពយូរអង្វែង” ៕
សេចក្ដីថ្លែងការណ៍ទាំងស្រុងរបស់ក្រសួងការបរទេសកម្ពុជា៖



ចំណែកខាងក្រោមនេះគឺជាសារមួយចំនួនដែលតារាថៃបានបង្ហោះកាលពីម្សិលមិញ៖
































































Account
Security
Favourite Content