រូបថត Pre-Wedding ច្រើនសន្លឹកភ្ជាប់ជាមួយខេបស៊ិនខ្លី បែបកំប្លែង ធ្វើឱ្យមហាជន និងហ្វេនដាក់ការសង្ស័យថាជាការកំណត់ពេលវេលារៀបការរបស់តារាចម្រៀងសម្បុរស្រអែមស្រស់ សុភ័ក្រ កុសុម៉ា និងគូស្នេហ៍រូបសង្ហា ដូចកាលឲ្យដឹងពីថ្ងៃ proposal មកម្ល៉េះ។


«ដើមខែក្រោយគេហៅអូនអ្នកនាងហើយ» Caption ខ្លី ខ្លឹម របស់ម្ចាស់ Kosoma Entertainment រូបនេះបានធ្វើឱ្យបណ្ដាអ្នកគាំទ្រចូលខមិនអបអរសាទរព្រោងព្រាត ថែមទាំងដាក់ការសង្ស័យថាកញ្ញា និងគូស្នេហ៍ត្រៀមចូលរោងការខែក្រោយនេះហើយ។ ជាមួយគ្នានេះដែររូបថត Pre-Wedding របស់កញ្ញា និងលោក ផល្លា ជាគូស្នេហ៍ក៏ត្រូវបានមហាជនកោតសរសើរពីសម្រស់ដ៏ស្រស់ស្អាត ព្រមទាំងភាពសក្ដិសមគ្នារបស់អ្នកទាំងពីរទៀតផង។ គួរឱ្យដឹងដែរថា រឿងរ៉ាវស្នេហារវាងតារាស្រីសម្ដីចាក់ទឹកមិនលិច សុភ័ក្រ កុសុម៉ា និងគូស្នេហ៍បានធ្វើឱ្យកក្រើកពិភពសិល្បៈកាលពីចុងខែសីហាកន្លងទៅ ក្រោយបែកធ្លាយវីដេអូបុរសម្នាក់សុំកញ្ញារៀបការនៅចំពោះមុខសាច់ញាតិ និងមិត្តភក្តិ ខណៈតារាស្រីរូបនេះពុំដែលបង្ហាញ ឬ បង្ហើបថាខ្លួនមានគូស្នេហ៍នោះឡើយ។







យ៉ាងណាមិញ បន្ទាប់ពីការបង្ហាញស្នេហាឱ្យសាធារណៈជនបានដឹង តារាស្រីវ័យ ៣១ឆ្នាំរូបនេះក៏បានបញ្ចេញរូបភាពជាច្រើន ក៏ដូចជាសកម្មភាពផ្អែមល្ហែមជាហូរហែធ្វើឱ្យអ្នកគាំទ្រជាច្រើនលួចច្រណែនស្នេហា Private ៧ ឆ្នាំមួយនេះ។ ទោះជាយ៉ាងនេះ អ្នកទាំងពីរក៏កំពុងត្រៀមចូលរោងការឆាប់ៗ នេះហើយ ខណៈរងចាំការបញ្ជាក់ពេលវេលាផ្លូវការពីសាមីខ្លួន៕























Account
Security
Favourite Content