តួប្រុសល្បី ជាំង ជីយ៉ា បាត់មុខពីសិល្បៈដោយសារជំងឺប្រចាំកាយ ធ្លាប់មានគំនិតចង់សម្លាប់ខ្លួនទៀត

លោក Sammul Chan ជាតារាសម្ដែងហុងកុងដ៏មានប្រជាប្រិយភាពម្នាក់ ជាពិសេសមហាជនស្គាល់រូបលោកតាមរយៈរឿងភាគល្បី “អង្គរក្សទាំង ៤” និង “យុទ្ធសិល្ប៍ទេវបុត្រណាចា” សម្ដែងជាតួ ជាំង ជីយ៉ា។ ក្រៅពីមានអាជីពជាតារាសម្ដែង តារាប្រុស Sammul Chan ក៏ជាតារាចម្រៀង ខណៈបច្ចុប្បន្ន លោកបានក្លាយជាគ្រូបង្រៀនជ្រមុជទឹកក្នុងបាតសមុទ្រ។

លោក Sammul Chan មានឈ្មោះពិតហៅថា Chen JianFeng លោកកើតនៅថ្ងៃទី ៤ ខែ ឧសភា ឆ្នាំ ១៩៧៨ នៅហុងកុង បច្ចុប្បន្នមានអាយុ ៤៥ ឆ្នាំ។ ឳពុករបស់លោកជាបុគ្គលិកការិយាល័យ និងម្ដាយរបស់លោកជាគ្រូពេទ្យ។ ដើមឡើយឳពុកម្ដាយរបស់លោកមានបំណងចង់ឱ្យលោកក្លាយជាគ្រូពេទ្យ ប៉ុន្ដែដោយសារហាក់មិនពេញចិត្តជាមួយជំនាញនេះ រូបលោកក៏ទៅធ្វើការងារក្រៅម៉ោងផ្នែក DJ វិញ និងមានចំណាប់អារម្មណ៍ខ្លាំងលើវិស័យសិល្បៈ។ នៅអាយុ ១៩ ឆ្នាំ ដោយមានទេពកោសល្យ ព្រមទាំងមានរូបសម្រស់ស្រស់សង្ហាផងនោះ Sammul Chan ក៏មានឱកាសបានចុះកុងត្រាជាមួយស្ថានីយទូរទស្សន៍ TVB និងបានលេចមុខជាបន្ដបន្ទាប់ក្នុងរឿងភាគ ៣០ រឿង។ ក្នុងចំណោមនោះ រឿង TVB ដែលលោកសម្ដែងទាំងអស់រឿងភាគ “The Four” ឬ “អង្គរក្សទាំង ៤” ធ្វើឱ្យលោកមានប្រជាប្រិយភាព និងទទួលបានការចាប់អារម្មណ៍ខ្លាំង។

ក្នុងឆ្នាំ ២០១០ លោកក៏បានសម្រេចចិត្តមិនបន្ដកុងត្រាស្ថានីយទូរទស្សន៍ TVB និងចាប់ផ្ដើមប្រជ្រៀតខ្លួនទៅសម្ដែងរឿងនៅឯប្រទេសចិនវិញ។ ក្នុងឆ្នាំ ២០១៤ តារាប្រុស Sammul Chan ក៏មានឱកាសបានចូលសម្ដែងក្នុងរឿងភាគ “Heroes of the Gods” ឬ “យុទ្ធសិល្ប៍ទេវបុត្រណាចា” ដោយសម្ដែងជាតួអង្គ ជាំង ជីយ៉ា។ រឿងភាគមួយនេះធ្វើឱ្យអាជីពសិល្បៈរបស់លោកកាន់តែកាក់កបខ្លាំង និងរឹតតែមានភាពល្បីល្បាញ។ រឿងនេះដែរ ថែមទទួលបានភាគរយអ្នកទស្សនាច្រើនខ្លាំងក្នុងប្រទេសកំឡុងពេលចាក់ផ្សាយ រីឯតារាប្រុស Sammul Chan ក៏បានជាប់រហ័ស្សនាមជាតារាប្រុសដែលសម្ដែងតួអង្គ ជាំង ជីយ៉ា ឆ្នើមបំផុត និងមានវ័យក្មេងជាងគេផងដែរ។

រហូតដល់ឆ្នាំ ២០១៨ ជាពេលវេលាដ៏អាក្រក់មួយសម្រាប់រូបលោក និងធ្វើឱ្យរូបលោកមានការបាក់ទឹកចិត្តយ៉ាងខ្លាំង ដោយសារតែលោករកឃើញថាខ្លួនមានជំងឺខួរក្បាលម៉្យាងដែលមិនអាចព្យាបាលឱ្យជាសះស្បើយដាច់ឡើយ។ លោកបានរកឃើញថាខ្លួនមានជំងឺកំឡុងពេលពិនិត្យសុខភាពនៅឯប្រទេសថៃ។ មែនទែនទៅជំងឺមួយនេះបានធ្វើឱ្យរូបលោកជួបរឿងចាក់ស្ដេ្រសជាច្រើន និងមានបញ្ហាស្មុគស្មាញខ្លាំង។

សុខភាពប្រែប្រួលខ្លាំង

តារាប្រុស Sammul Chan ធ្លាប់ជាមនុស្សដែលមានសុខភាពល្អ និងជួយដល់ការងារសង្គម ចុងក្រោយលោកក៏ធ្លាក់ខ្លួនឈឺធ្វើឱ្យពិបាកក្នុងការរស់នៅពេលដឹងពីស្ថានភាពជំងឺភ្លាមៗ។ បើតាមសម្ដីរបស់គ្រួពេទ្យជំនាញនៅហុងកុងបានឱ្យដឹងថា តារាប្រុស Sammul Chan កើតមកដោយគ្មានសរសៃឈាមសំខាន់ម៉្យាងនៅក្នុងខួរក្បាលរបស់គាត់ ហើយវាជាជំងឺដំណពូជដែលមិនអាចព្យាបាលឱ្យជាសះស្បើយបានទេ។ នៅពេលដែលលោកមានអាយុកាន់តែច្រើនជំងឺនេះនឹងប៉ះពាល់ដល់សុខភាពរបស់លោកកាន់តែខ្លាំង និងអាចមានការភ្លេចភ្លាំង។ មួយវិញទៀត រូបរាងរបស់លោកក៏ហាក់មានការប្រែប្រួលមើលសឹងមិនស្គាល់ផងដែរ ដោយសារលោកឡើងគីឡូជាងមុន។

ធ្លាក់ខ្លួនមានបញ្ហាបាក់ទឹកចិត្ត និងចង់សម្លាប់ខ្លួន

ក្រោយ​ពី​ដឹង​ថាខ្លួនមានជំងឺនេះ លោកចាប់ផ្ដើមមានអារម្មណ៍ភ័យខ្លាច ពិបាក​សម្រេច​ចិត្តក្នុងការធ្វើអ្វីមួយ និង​លែងសូវមានទំនុកចិត្តចំពោះមនុស្សជុំវិញ ជាពិសេសលោកចូលចិត្តសម្ងំនៅម្នាក់ឯងមិនចង់នៅក្បែរនរណាឡើយ។ ដោយសារតែជំងឺមួយនេះ លោកត្រូវបង្ខំចិត្តលាឈប់ពីសិល្បៈ និងផ្លាស់ប្ដូរអាជីព ដោយសារតែជំងឺរបស់លោកមិនអាចឱ្យលោកសម្ដែង គិតច្រើន ឬប្រើអារម្មណ៍ឡើងចុះពេកឡើយទើបធ្វើឱ្យលោកកាន់តែពិបាកចិត្តលើសដើមមួយកម្រិតទៀត។ លោកធ្លាប់មានគំនិតចង់ជ្រមុជទឹកឱ្យស្លាប់តែម្ដង ព្រោះបើលោកលិចជ្រៅចូលទៅក្នុងទឹកគឺគ្មាននរណាម្នាក់រកឃើញលោកទៀតឡើយ។ ជាសំណាង ដោយមានការគាំទ្រពីម្ដាយ និងបងស្រី តារាប្រុសរូបនេះក៏ព្យាយាមមើលថែទាំខ្លួនឯងឱ្យបានល្អជាងមុន ទាំងសុខភាពផ្លូវកាយ និងផ្លូវចិត្ត។ លោកឧស្សាហ៍ទៅព្រះវិហារដើម្បីឱ្យចិត្តស្ងប់ ​និងបន្ដសិក្សាបន្ថែមលើជំនាញផ្សេង។ តែទោះជាយ៉ាងណា ទុក្ខលំបាកក្នុងជីវិតរបស់លោកនៅមិនទាន់ចប់ឡើយ។

ជួបរឿងមិនសមប្រកប

ក្រោយបញ្ចប់អាជីពជាអ្នកសិល្បៈ តារាប្រុសរូបនេះបានក្លាយខ្លួនជាអ្នកបង្រៀនជ្រមុជទឹកបាតសមុទ្រម្នាក់ ប៉ុន្ដែការផ្លាស់ប្ដូរអាជីពនេះហាក់មិនមានភាពសមប្រកបដូចការរំពឹងទុកឡើយ។ ក្នុងឆ្នាំ ២០២១ លោកត្រូវបានមហាជនជាច្រើនមានការខឹងសម្បារក្រោយជាប់ពាក់ព័ន្ធរឿងធ្វើឱ្យកូនសិស្សរៀនជ្រមុជទឹករបស់លោកស្លាប់បាត់បង់ជីវិត។ យោងតាមប្រភពព័ត៌មានហុងកុងនៅថ្ងៃទី ៦ ខែ មិថុនា ឆ្នាំ ២០២១បានឱ្យដឹងថា ដំបូងបុរសវ័យកណ្ដាលម្នាក់ត្រូវបានប្រទះឃើញលង់ទឹក និងបានសន្លប់បាត់បង់ស្មារតី ហើយជាអកុសត្រូវបានស្លាប់បាត់បង់ជីវិតបន្ទាប់ពីបញ្ជូនទៅកាន់មន្ទីរពេទ្យ។ ក្រោយមកទើបលេចចេញព័ត៌មានថា គ្រូបង្រៀនជ្រមុជទឹករបស់បុរសដែលបានស្លាប់បង់ជីវិតនោះគឺជាតារាប្រុស Sammul Chan។ ភ្លាមៗ ខាងក្រុមអ្នកកាសែតបានព្យាយាមទាកទងទៅកាន់លោកដើម្បីសួរនាំពីព័ត៌មានលម្អិត ប៉ុន្ដែតារាប្រុស រូបនេះបានបដិសេធមិនឆ្លើយតប ស្របពេលដែលក្រុមការងាររបស់លោកបានឆ្លើយថា រូបលោកមានការជាប់រវល់មិនបាននៅហុងកុងឡើយ។ អ្វីដែលធ្វើឱ្យគ្រប់គ្នាកាន់តែខឹងខ្លាំងនោះ លោកត្រូវបានគេប្រទះឃើញចាកចេញពីផ្ទះរបស់ខ្លួនអមជាមួយវ៉ាលីធំមួយ។ នៅពេលដែលមានមហាជនចោទសួរពីរឿងរ៉ាវកូនសិស្សរបស់លោក លោកក៏ប្រញាប់ចាកចេញយ៉ាងទាន់ហន់ដោយមិនឆ្លើយតបអ្វីទាំងអស់។ មនុស្សជាច្រើនបានបញ្ចេញមតិរិះគន់ដល់រូបលោកដែលជាមនុស្សគ្មានទំនួលខុសត្រូវ ថែមទាំងចោទប្រកាន់ថាលោកប្រើប្រាស់ប្រាក់ដើម្បីបានរួចខ្លួន និងចៀសផុតពីការចោទប្រកាន់នានា។

ភាពស្មុគស្មាញក្នុងជីវិតរបស់លោកមិនទាន់អស់ឡើយ ក្រៅពីជួបរឿងនេះ រំលងបានតែ ៣ ខែ​ប៉ុណ្ណោះគឺក្នុងខែ កញ្ញា ឆ្នាំ ២០២១ ក៏មានជនឆ្លៀតឱកាសក្លែងបន្លំធ្វើជារូបលោកបង្កើតគណនីក្លែងក្លាយជាច្រើនលើបណ្ដាញសង្គមដូចជា Facebook, Instagram ដើម្បីសុំប្រាក់បរិច្ចាគពីមហាជន។ ថែមទាំងយកឈ្មោះរបស់លោកទៅបោកប្រាស់អ្នកដទៃក្រោមរូបភាពផ្សេងៗជាច្រើន។ រហូតតារាប្រុស Sammul Chan ត្រូវចេញមុខមកបកស្រាយថា លោកមិនបានជាប់ពាក់ព័ន្ធរឿងទាំងនេះឡើយ។   

លើសពីនេះ រឿង “Justice Bao” ឬ ប៉ាវចិន ដែលលោកបានបានថតកាលពីឆ្នាំ ២០១៨ ទើបនឹងមានឱកាសបានចាក់ផ្សាយនៅដើមឆ្នាំ ២០២៣ ក៏ត្រូវបានគេរិះគន់យ៉ាងចាស់ដៃពីរឿងរូបរាងរបស់លោក និងលើកឡើងថាលោកមិនសមសម្ដែងជាតួអង្គមួយនេះឡើយ ព្រោះមានរូបរាងធាត់។ មិនតែប៉ុណ្ណោះ ថែមទាំងសើចចំអកថា លោកជាតួអង្គ ប៉ាវចិន ដែលមានរូបរាងធាត់ជាងគេបំផុតទៀត។

តារាប្រុស Sammul Chan បាត់មុខពីសិល្បៈ និងបណ្ដាញសង្គមនានាអស់រយៈពេលជាង ១ ឆ្នាំ។ រហូតដល់ដើមឆ្នាំ ២០២៣ ទើបមិត្តភក្ដិរបស់លោកបានបង្ហោះរូបជាមួយលោកពីរសន្លឹកប៉ុណ្ណោះ។ នៅពាក់កណ្ដាលឆ្នាំ ២០២៣ លោកត្រូវក្រុមអ្នកគាំទ្រប្រទះឃើញនៅព្រលានយន្ដហោះប្រទេសកាណាដាក្នុងសម្លៀកបំពាក់សាមញ្ញ និងអង្គុយចុចទូរសព្ទ។ បើតាមសម្ដីអ្នកបានជួបលោកបានឱ្យដឹងថា លោកមើលទៅសាមញ្ញ មិននិយាយច្រើនឡើយ រូបរាងក៏ប្រែប្រួលខុសពីមុនច្រើន។

អ្នកគាំទ្ររបស់លោកជាច្រើនបង្ហាញការសោកស្ដាយ និងជូនពរឱ្យជីវិតក្រៅសិល្បៈរបស់លោកមិនមានបញ្ហាអ្វីតទៅទៀត ព្រោះលោកក៏ជាតារាដែលតែងតែធ្វើអំពើល្អម្នាក់មិនសមជួបទុក្ខច្រើនផ្ទួនៗគ្នាបែបនេះឡើយ។ ពួកគេបានលើកឡើងថា ជីវិតរបស់លោកធ្លាក់មកដល់ចំណុចនេះគឺមួយផ្នែកធំបណ្ដាលមកពីបញ្ហាសុខភាពធ្វើឱ្យលោកមិនអាចបន្ដអាជីពជាអ្នកសិល្បៈរហូតដល់មានបញ្ហាធ្លាក់ទឹកចិត្តជួបរឿងបន្ដកន្ទុយគ្នា ខណៈជនឆ្លៀតឱកាសមួយចំនួនក៏ព្យាយាមធ្វើបាប ជាន់ពន្លិចរូបលោកបន្ថែមទៀតដើម្បីទាញយកផលប្រយោជន៍ដែលកាន់ធ្វើឱ្យជីវិតលោកស្មុគស្មាញខ្លាំងស្ទើរងើបមកវិញលែងរួច៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។