ក្ដុកក្ដួលពន់ពេកនាដការបាំ ឈឹម ចាន់ស្រីណុច (ជីវី) ទទួលដំណឹងមរណភាពរបស់អ្នកម្ដាយជាទីស្រលាញ់នៅមាតុភូមិកំណើត ស្របពេលកំពុងបំពេញបេសកកម្មនៅក្រៅប្រទេសដែលជិតបញ្ចប់ទៅហើយ។



ស្របពេលកំពុងបំពេញបេសកកម្មនៅប្រទេសបារាំងនាដការបាំ ឈឹម ចាន់ស្រីណុច ទទួលដំណឹងដ៏រន្ធត់នៃការបាត់បង់អ្នកមានគុណពីមាតុភូមិកំណើត។ ដំណឹងដ៏សែនក្ដុកក្ដួលមួយនេះធ្វើឱ្យនាដការីរូបនេះទន់ខ្លួនទប់លំនឹងលែងជាប់បានត្រឹមជ្របមុខសម្រក់ទឹកភ្នែក នឹកស្រណោះអ្នកម្ដាយពីចម្ងាយ ដោយសារតែពេលនេះខ្លួនក៏នៅសែនឆ្ងាយមិនអាចទៅជួបលោកភ្លាមៗបាន ខណៈបេសកកម្មនៃការនាំយករបាំព្រះរាជទ្រព្យទៅសម្ដែងនៅលើទឹកដីនៃប្រទេសបារាំងមានរយៈពេល៧ថ្ងៃ ចាប់ពីថ្ងៃទី៦ ដល់ថ្ងៃទី១២ ខែមីនា ឆ្នាំ២០២៥ យ៉ាងណាមិញក្រោយ ទទួលបានដំណឹងដ៏សែនសោកសង្រេងនេះក្រុមការងារ លោកគ្រូ អ្នកគ្រូ ក៏ដូចជាបណ្ដាថ្នាក់ដឹកនាំបានចូលរួមរំលែកទុក និងលើកទឹកចិត្តដល់នាដការបាំព្រះរាជទ្រព្យរូបនេះឱ្យរឹងមាំ ដើម្បីបញ្ចប់បេសកកម្មដែលខំព្យាយាមរយៈពេលប៉ុន្មានថ្ងៃមកនេះ។






ក្នុងនាមជាជនជាតិខ្មែរមិនថារស់នៅលើទឹកដីខ្មែរក៏ដូចជាក្រៅប្រទេសសូមចូលរួមរំលែកទុកដ៏សែនក្រៀមក្រំទៅកាន់នាដការបាំ ឈឹម ចាន់ស្រីណុច ព្រមទាំងគ្រួសារចំពោះការបាត់បង់ដ៏ធំធេងមួយនេះ។ក្នុងនោះដែរមហាជនអ្នកប្រើប្រាស់បណ្ដាញសង្គមហ្វេសបុកក៏បានចូលរួមរំលែកទុក្ខដ៏សែនក្រៀមក្រំនេះផងដែរ៕
ប្រភពរូបភាព ៖ សមាគមសិល្បករខ្មែរ























Account
Security
Favourite Content