បង្ហាញវត្តមានយាងចូលរួមកម្មវិធីនានាទាំងនៅក្នុង និងក្រៅស្រុកព្រះនាង នរោត្តម ជេនណា តែងបានបង្ហាញអត្តសញ្ញាណជាខ្មែរ ជាពិសេសសម្លៀកបំពាក់ដែលទ្រង់គ្រងចូលរួមសុទ្ធសុទ្ធតែមានភាពស្រស់ស្អាត និងបង្កប់អត្ថន័យយ៉ាងជ្រាលជ្រៅ សមជាអ្នកដែលតែងនាំមុខមាត់ឲ្យប្រទេស។

ជាក់ស្ដែងនៅក្នុងសន្និសីទសារព័ត៌មាន Miss Cosmo Cambodia កាលពីថ្ងៃ២០ មករា ២០២៥ កន្លងទៅ ព្រះនាង ជេនណា បង្ហាញសម្រស់យ៉ាងស្រស់ស្អាត ថ្លៃថ្នូរ និងទាក់ទាញភ្នែកអ្នកចូលរួម ព្រមទាំងម្ចាស់កម្មវិធី ក្នុងឈុតប្រពៃណីខ្មែរពណ៌ទឹកសមុទ្ទដែលមានម៉ូដ និងឌិនជាប្រាសាទអង្គរវត្ត។
ឈុតដ៏ស្រស់ស្អាតដែលទ្រង់ នរោត្តម ជេនណា បានគ្រងចូលរួមកម្មវិធីខាងលើត្រូវបានឌិនជារូបរាងប្រាសាទអង្គរវត្ត ដ៏ល្អអស្ចារ្យរបស់ខ្មែរនៅផ្នែកខាងមុខ មិនតែប៉ុណ្ណោះឈុតពណ៌ទឹកសមុទ្ទដែលទ្រង់បានគ្រងនេះ ត្រូវបានឌិនប៉ាក់ដោយគ្រាប់អង្កាំតូចៗ និងត្បូងពណ៌ខៀវថ្លាចាំងផ្លេកយ៉ាងស្រស់ល្អ ធ្វើឱ្យទ្រង់ នរោត្តម ជេនណា កាន់តែស្រស់ស្អាតឡើងមួយកម្រិតទៀត។ ជារួមឈុតដែលទ្រង់ ជេនណា បានគ្រងចូលរួមកម្មវិធីខាងលើមិនត្រឹមតែមានភាពស្រស់ស្អាត តែក៏បានបង្ហាញពីភាពអស្ចារ្យរបស់ប្រាសាទអង្គរវត្តរបស់កម្ពុជាផងដែរ។












គួរឱ្យដឹងដែរថា ភាគច្រើននៃឈុតព្រះនាង នរោត្តម ជេនណា តែងគ្រងចូលរួមក្នុងកម្មវិធីនានា មិនថាក្នុង និងក្រៅប្រទេសនោះទេតែងត្រូវបានរៀបចំជាលក្ខណៈបែបខ្មែរ និងបញ្ចូលអត្តសញ្ញាណជាតិ ហើយលើកនេះដែរឈុតដែលបានបង្ហាញចេញទៅពិតជាល្អឯក ប្រណីត ខ្លាំងគួរឱ្យសរសើរ៕
ប្រភពរូបភាព ៖ FB Princess Jenna Norodom























Account
Security
Favourite Content