ដូចការគ្រោងទុក ហេង វិសាល និង ជា ស្រីនា នឹងរៀបការក្នុងខែនេះ បើតាមការបង្ហើបពីពិធីករ ជា វណ្ណារិទ្ធ។ ជិតដល់ថ្ងៃជយមង្គលអនាគតប្ដីប្រពន្ធគូនេះ ក៏បានដឹកដៃគ្នាទៅថត Pre-wedding នៅទឹកដីអង្គរ ខេត្តសៀមរាបផងដែរ។
សម្រាប់ថ្ងៃជាក់លាក់មង្គលការ Influencer គូនេះ នឹងរៀបចំឡើងនៅថ្ងៃ ២៧- ២៨ ខែមីនា ឆ្នាំ ២០២៤ នេះ។ បើទោះជារូបភាព Pre-wedding មិនទាន់បានបង្ហាញ តែ ស្រីនា និង វិសាល ក៏បានបញ្ចេញរូបភាពក្រៅផ្លូវការខ្លះៗ ដែលមើលទៅទាំង cute និង sweet មិនប្រែឡើយ។
ក្រោយកម្មវិធី Proposal រួច ពេលនេះ Content creator ទាំង ២ កំពុងមមាញឹកដឹកដៃគ្នាដើរចែកធៀបការហើយ ដែលកម្មវិធីអ្នកទាំង ២ នឹងរៀបចំនៅដឺព្រេមៀ សេនធ័រ សែនសុខ អាគារ B.C.DF.F។ សម្រាប់ការរៀបចំកម្មវិធីគ្រាន់តែថ្ងៃចូលរោងចាប់ផ្ដើមតាំងពីព្រឹកថ្ងៃ ២៧ ខែមីនា ដោយមានកម្មវិធីបែបបុរាណមានដូចជា ពិធីសម្អាតកេសា កូនកំលោះ ពិធីកាត់ខាន់ស្លា, ពិធីសែនក្រុងពាលី,ពិធីហែផ្កាស្លាចូលរោងជ័យ ពិធីបើករបងមាស របងដំរី ពិធីសែនព្រេនជីដូនជីតា,ពិធីគួចចំណងដៃតូច,ពិធីជុំពាលា និងជាវខាន់ស្លា,ពិធីសូត្រមន្តចម្រើនព្រះបរិត្ត,ពិធីបុកល័ក្ខ ធ្វើធ្មេញ និងពិធីជាច្រើនបន្តបន្ទាប់ទៀតបន្តថ្ងៃ ២៨ មីនា តែម្ដង៕ ពេលនេះមកមើលរូបភាព Pre-wedding ក្រៅផ្លូវការខ្លះៗសិន៖