ស្វាមីអតីតតារាកំប្លែង ផន សុផារី បានទិញនាឡិកាប្រេន Hublot ដែលមានតម្លៃខ្ទង់ម៉ឺនដុល្លារជូនភរិយាក្នុងថ្ងៃនៃក្ដីស្រលាញ់ទោះរំលងច្រើនថ្ងៃទៅហើយក្ដី។ នេះបើតាមការបង្ហោះនៅលើផេក Bella Ellie ប៊ែលទ្បាអ៊ែលលី មុននេះបន្តិច។
តាមរយៈវីដេអូដែលបង្ហោះប៉ុន្មានម៉ោងមុននេះអ្នកនាង ផន សុផារី បាន unboxing កាដូដែលស្វាមីបានទិញឱ្យក្នុងថ្ងៃនៃក្ដីស្រលាញ់ ។ តាមរយៈវីដេអូនេះដែរ តារាស្រីរូបនេះបានបង្ហាញទឹកមុខរីករាយ និងរំភើបក្រោយទទួលបានកាដូដ៏មានតម្លៃពីស្វាមីដ៏សែនល្អ។
កាដូដែលធ្វើឱ្យស្នាមញញឹមដ៏ស្រស់ស្អាតលេចឡើងលើផ្ទៃមុខដ៏សែនផូរផង់របស់តារាកំប្លែងស្រីរូបនេះគឺជានាឡិកាដាំពេជ្រប្រេន Hublot តម្លៃខ្ទង់ម៉ឺនដុល្លារ។ ជាប្រភេទនាឡិកាដែលផលិតពីដែលទីតាញ៉ូមសថ្លាមានខ្សែតូចសក្ដិសមសម្រាប់ស្ត្រីទាន់សម័យ មានដាំត្បូងពេជ្រ ជាប្រភេទត្បូងកណ្ដៀងមកពីប្រទេសស្វីសដែលជាប្រទេសល្បីឈ្មោះក្នុងការផលិតនាឡិកាតម្លៃថ្លៃកប់ពពក។ នាឡិកានេះដែរមានតម្លៃដល់ទៅ ១៨ ៦០០ ដុល្លារសហរដ្ឋអាមេរិក (នេះជាតម្លៃមិនទាន់គិតពន្ធនៅឡើយទេ)។




មហាជនបាននាំគ្នាពោលសរសើរគូស្វាមីភរិយាគូរូបនេះដែលចាប់ដៃគ្នាតស៊ូជាមួយគ្នារហូតទទួលបានសមិទ្ធផលដូចសព្វថ្ងៃ។ គួរឱ្យដឹងដែរបច្ចុប្បន្ន តារាកំប្លែងស្រី និងជាតួល្ខោន រូបនេះត្រូវបានមហាជនស្គាល់ថាជាអ្នកផលិតមាតិកាក្នុងស្រុកមួយរូបដែលមានឈ្មោះល្បី និងជាម្ចាស់សិប្បកម្មផលិតផលថែរក្សាស្បែកផងដែរ។ ផនសុផារី ជាកូនស្រីថៅកែ ភី សុគន្ធី ម្ចាស់រង់ល្ខោនបាសាក់ដ៏ល្បីប្រចាំខេត្តតាកែវ៕
រូបភាព៖ Bella Ellie ប៊ែលទ្បាអ៊ែលលី























Account
Security
Favourite Content