ក្រៅពីតំណែងសំខាន់ក្នុងភាពយន្តចម្រៀង «ជីវិតក្មេងវត្ត» អោក ឧត្តម កំ​ពុងឈានជើងចូលវិស័យនេះ!

ភាពយន្ត​ចម្រៀង​ប្រវត្តិសាស្ត្រ «ជីវិត​ក្មេងវត្ត» ដែល​​រៀបរាប់​ពី​ខ្សែ​ជីវិត​ពិត និង​ការ​តស៊ូ​របស់ សម្តេច​តេជោ ហ៊ុន សែន នាយករដ្ឋមន្ត្រី​កម្ពុជា ដែល​ជា​កូន​កសិករ តែ​ក្រាញននៀល​ការ​លំបាក​គ្រប់​បែបយ៉ាង ដើម្បី​ក្រេប​យក​ចំណេះវិជ្ជា​ដែល​ជា​ទ្រព្យ​ដ៏​សំខាន់​មិន​អាច​កាត់​ថ្លៃបាន បាន​សម្ពោធ​ជា​​សាធារណៈហើយ នៅព្រឹក​ថ្ងៃ ​២៨ ខែ​កញ្ញា ឆ្នាំ២០២២ ក្រោម​អធិបតីភាព​លោក​ជំទាវ បណ្ឌិត​សភាចារ្យ ភឿង សកុណា រដ្ឋមន្ត្រី​ក្រសួង​​វប្បធម៌ និង​វិចិត្រ​សិល្បៈ ព្រម​ទាំង​មាន​ការ​ចូលរួម​ច្រើន​កុះករ​ពី​មន្ត្រី​ក្រសួង អ្នកឧកញ៉ា លោក​ឧកញ៉ា លោក លោកស្រី ជា​អ្នក​ឧបត្ថម្ភ ផលិតករ អ្នក​ដឹក​នាំ​រឿង សិល្បករ និង​ភ្ញៀវកិត្តិយស​ជាច្រើន​រូប​ទៀតសរុបជាង ២ ០០០ នាក់។

ភាពយន្ត​ចម្រៀង​ប្រវត្តិសាស្ត្រ មានការចូលរួមសម្តែងដោយសិល្បករចាស់ក្មេងជាច្រើនរូបរួមមាន លោកស្រី ឌី សាវ៉េត កញ្ញា ឌួង ហ្សូរីដា លោក ឆឹម សក្កដា លោក ប៉ាន់ ខែមម៉ានូ កញ្ញា នីតា វរវង្ស លោក ម៉េង ប៊ុនឡូ លោក ពៅ ពិសិដ្ឋ អ្នកនាង លី ម៉ារីណា យុវជន អោក ឧត្តម និងតួអង្គសំខាន់ៗជាច្រើនទៀត។

ក្នុងនោះ អោក ឧត្តម ត្រូវបានជ្រើសរើសជាតួអង្គដ៏សំខាន់មួយនៅក្នុងភាពយន្តចម្រៀងនេះ គឺតួអង្គសម្តេច​តេជោ កាលនៅជា​វ័យកុមារ ក៏ជាពេលដ៏កម្សត់បំផុតដែលសម្តេចបានសំពះលាលោកឪពុកអ្នកម្តាយឡើងមកក្រេប​ជញ្ជក់យក​ចំណេះវិជ្ជានៅវត្តនាគវ័ន្ត រាជធានីភ្នំពេញ ធ្វើឱ្យលោកឪពុកអ្នកម្តាយមានក្តីកង្វល់ក្នុងចិត្តជាខ្លាំង ព្រោះពេលនោះសម្តេចនៅក្មេងណាស់ ហើយត្រូវឡើងមករៀនបន្តនៅទីក្រុងតែម្នាក់ឯង។

បន្ទាប់ពីទទួលបានតំណែងសំខាន់នេះ ឧត្តម លើកឡើងថា លោកពិតជាសប្បាយចិត្ត និងជាមហាកត្តិយសយ៉ាងធំធេង នឹងមានមោទនភាពជាខ្លាំងដែលបានរួមចំណែកសម្ដែងនៅចម្រៀងភាពយន្តប្រវត្តិសាស្ត្រ «ជីវិតក្មេងវត្ត»។ តាមអ្វីដែលបានដឹងមក នេះជាស្នាដៃទី៦ របស់​យុវជន​ ឧត្តម ក្នុងនោះ៣ បានចាក់បញ្ចាំងរួចហើយ នៅសល់៣ ទៀតនៅមិនទាន់ចាក់បញ្ចាំង។

ក្រៅពីអាជីពជាតារាសម្តែង យុវជនសម្បុរស្រអែមស្រស់នេះ ក៏កំពុងបោះជំហានចូលប្រឡូកវិស័យម៉ូដែលផងដែរ តាមរយៈកម្មវិធីប្រកួតប្រជែង​ Miss & Mister Freshy 2022 របស់ក្រុមហ៊ុន Cambodia International Models (CIM)។ ពេលនេះ លោក និងបេក្ខភាពផ្សេងៗកំពុងប្រកួតប្រជែងគ្នាយ៉ាងមមាញឹក ដើម្បីស្វែងរកម្ចាស់ជយលាភី ឆ្ពោះទៅកាន់តំណែងជា BA របស់ទឹកផ្លែឈើ Freshy។

អោក ឧត្តម ទើបមានអាយុ ១៧ ឆ្នាំ កើតនៅថ្ងៃទី៩ ខែ វិច្ឆិកា ឆ្នាំ ២០០៦ លើទឹកដី ស្រុកព្រៃឈរ ឃុំបារាយណ៍ ខេត្តកំពង់ចាម ​កំពុងសិក្សាថ្នាក់ទី៩ នៅវិទ្យាល័យផ្សាដើមថ្កូវ។ ​

គួររំលឹកផងដែរថា «ជីវិត​ក្មេងវត្ត» ​ជា​ភាពយន្តច​ម្រៀង​​ប្រវត្តិសាស្ត្រ និពន្ធ​ឡើង​កាល​ពីថ្ងៃ០៨ ខែ​កក្កដា ឆ្នាំ ១៩៩៦ ដោយ​សម្ដេច​អគ្គ​មហា​សេនា​បតី​​តេជោ ហ៊ុន សែន នាយករដ្ឋមន្ត្រី​កម្ពុជា និង​ដឹកនាំ​ថត​ដោយ លោក ហ៊ុន ហេង ប្រគំ​ដោយ​តន្ត្រី​វិទ្យុ​ជាតិ​កម្ពុជា ច្រៀង​​ដោយ លោក យិន សារិន ហើយ​ពេលនេះ​ត្រូវ​ច្រៀង​ឡើង​វិញ​ដោយ​លោក ជិន វឌ្ឍនា សម្រួល​តន្ត្រី​ដោយ​លោក ប៊ូ វណ្ណមុនីរ័ក្ស និង​លោក កែវ ម៉ារ៉ា ហើយ​ដឹកនាំ​ថត​ឡើង​វិញ​ដោយ លោក ហ្វៃ សំអាង។

ភាពយន្ត​ចម្រៀង «ជីវិត​ក្មេង​វត្ត» មាន​ផលិតករ ៣ រូប គឺ​តារា​សម្ដែង​ចន ច័ន្ទលក្ខិណា, ឧកញ៉ា ហេង ឡុង និង​ឧកញ៉ា អ៊ឹង លីហេង។ ចំណែក អ្នកឧកញ៉ា ឡេង ណាវ៉ាត្រា បាន​ឧបត្ថម្ភ​បច្ចេកទេស​​ថត និង​សម្ភារៈ​បម្រើ​។ «ជីវិត​ក្មេង​វត្ត» ចាយទុនផលិតអស់​ជាង ១២ ម៉ឺនដុល្លារ និងចំណាយពេលថត​​រយៈពេលជិត១ឆ្នាំ តាំងពីការរើសទីតាំងថត តួសម្តែង ការថតរហូតដល់ការកាត់ត៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​