អ្នកដឹកនាំរឿងនិយាយថា តួ Yeongju ក្នុងរឿង Newtopia ជាតួអង្គដែលបង្កើតឡើងសម្រាប់​ Jisoo តែម្ដង

នៅក្នុងសន្និសីទសារព័ត៌មានមុនចាក់បញ្ចាំង ​ដែលបានធ្វើឡើងកាលពីថ្ងៃទី៣​ ខែកុម្ភៈ កន្លងទៅ អ្នកដឹកនាំរឿង “Newtopia” លោក​ Yoon Sung-hyun បានសរសើរដល់ការខិតខំបំពេញការងាររបស់ Jisoo ព្រមទាំងនិយាយថា តួអង្គមួយនេះពិតជាតួអង្គដែលបង្កើតឡើងសម្រាប់ Jisoo​ តែម្ដង។  

យោងតាម allkpop លោក​ Yoon Sung-hyun បានរំឭកដល់ការរួមការងារជាមួយនឹងសមាជិកក្រុមចម្រៀងខេប៉ុបនារី​ BLACKPINK​​ នៅក្នុងរឿងភាគថ្មីនេះថា៖​ “ខ្ញុំពិតជា សំណាងមែនទែនដែលបានធ្វើការជាមួយ Jisoo។ ដ្បិតនៅក្នុងវគ្គ ១ និង២ អ្នកអាចនឹងមិនសូវទាន់យល់ពីតួអង្គមួយនេះ តែនៅពេលដែលបញ្ចប់វគ្គទី ៨ អ្នកប្រាកដជាទទួលអារម្មណ៍បានថា តួ Yeongju ប្រហែលជាមានតែ Jisoo ទេដែលអាចលេងបាន”។​

“តួ​អង្គ​នេះ​មាន​ភាព​កំប្លុក​កំប្លែង ហើយ Jisoo ខ្លួន​ឯង​ក៏​ជាមនុស្សកំប្លែងខ្លាំងដែរ។ នោះហើយជាមូលហេតុដែលខ្ញុំចង់ធ្វើការជាមួយនាង ខ្ញុំ​គិតថាវាជាការជួយសម្រាលការងារខ្ញុំច្រើនមែនទែន។ នាងពិតជាបានជួយខ្ញុំច្រើន មិនថាជាមនុស្សទូទៅម្នាក់ ឬក៏ក្នុងនាមជា​ តារាសម្ដែងម្នាក់ដូចគ្នា” លោក​បន្តដូច្នេះ។​

ឆ្លើយតបនឹងសំណួរទាក់ទងនឹងសមត្ថភាពសម្ដែងរបស់តារាស្រីវ័យ ៣០ឆ្នាំរូបនេះវិញ លោកបានរៀបរាប់ថា៖ “ក្នុងការធ្វើការជាមួយ Jisoo អត់មានអីពិបាកទេ។ ដោយសារតែគាត់ខកខានការងារសម្ដែងតាំងតែពីរឿង Snowdrop ចន្លោះឆ្នាំ ២០២១​-​ ២០២២ ដំបូងឡើយខ្ញុំក៏គិតដែរថា តើគាត់នៅអាចសម្ដែងបានទេ?​”។

ដោយសារ Jisoo មិនមែនជាតារាសម្ដែងតែមួយមុខ លោកបាននិយាយដែរថា៖ “ដ្បិតខុសប្លែកពីតួដទៃដែលមានការងារសម្ដែងតគ្នារហូត នាងបានសម្រាកពីការងារនេះមួយរយៈ តែនាងបានចំណាយពេលដល់ទៅ ៤ថ្ងៃក្នុងមួយសប្ដាហ៍ក្នុងការអានអត្ថបទភាពយន្ត ហើយធ្វើការលើរឿងនេះ ដោយឥតហត់នឿយ។ អ៊ីចឹងដល់ពេលដែលយើងត្រូវថត នាងបានរៀបចំខ្លួនរួចរាល់អស់ទៅហើយ”។

បន្ថែមពីនេះ អ្នកដឹកនាំរឿង Newtopia ក៏បានបន្តសរសើរពីភាពមិនដាក់ខ្លួនរបស់តួ​ឯកស្រីរបស់ខ្លួនទៀតថា ទោះបីជាមានឈុតឆាកប្រយុទ្ធគ្នាដែលតម្រូវឱ្យប្រើប្រាស់រាងកាយច្រើនក្ដី តែ Jisoo នូវតែបំពេញការងារដោយស្នាមញញឹម ហើយលោកពិតជាចង់អរគុណដល់នាងពិតមែន។

ឆ្លើយតបនឹងភាពចៃដន្យគ្នា ដែលមានសាច់រឿងដូចគ្នានឹងហេតុការណ៍ដែលទើបតែកើតឡើងក្នុងជីវិត តួយ៉ាងរឿងរ៉ាវផ្ទុះយន្តហោះ និងការប្រកាសច្បាប់អាជ្ញាសឹក លោក​បានបកស្រាយប្រាប់សារព័ត៌មាន Korea Times ថា ខ្លួនលោកផ្ទាល់ក៏មានការភ្ញាក់ផ្អើលដែរ ដែលមានរឿងគាប់ជួនបែបនេះ ព្រោះនៅក្នុងជីវិតពិតហេតុការណ៍ទាំងនេះ បានកើតឡើងបន្ទាប់ពីក្រុមការងារបានកាត់តរឿងនេះចប់សព្វគ្រប់អស់ទៅហើយ។

លោក​ Yoon Sung-hyun រៀបរាប់ដោយជំនឿចិត្តថា រឿង Newtopia នឹងអាចទាក់ទាញទស្សនិកជនអន្តរជាតិដែលចូលចិត្តរឿងរន្ធត់ប្រភេទ Zombie តែមិនមានសាច់រឿងដែលណែនពេក។ ទន្ទឹមគ្នានេះ លោកក៏បានបង្ហើបដែលថា រឿងមួយនេះនឹងមានចំណុចច្រើនដែលទស្សនិកជននឹកអាចទាយដឹងមុន ទាក់ទងនឹងការសម្រេចចិត្តរបស់តួអង្គនីមួយៗ និងដំណើររឿងទាំងមូល។

គួរឱ្យដឹងដែរថា Newtopia ដែលជាភាគយន្តភាគមានសរុប ៨ភាគ នឹងចាប់ផ្ដើមចាក់ផ្សាយនៅថ្ងៃទី៧ ខែកុម្ភៈនេះ តាមរយៈកម្មវិធី Coupang Play សម្រាប់ប្រទេសកូរ៉េខាងត្បូង និង Amazon Prime Video សម្រាប់ទស្សនិកជនអន្តរជាតិ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *