កាន់តែខ្ទរខ្ទារ ការបង្ហាញវត្តមានសម្ដែងលើទឹកដីអាមេរិករបស់សិល្បករពហុជំនាញទាំង ៥ របស់បារមីត្រូវសារព័ត៌មាន NBC Bay Area ចុះផ្សាយលើគេហទំព័រផ្លូវការ ព្រមជាមួយការបញ្ជាក់ពីការលក់សំបុត្រចូលរួមអស់មិនសល់សូម្បី ១ សន្លឹក។


កាលពីថ្ងៃសៅរ៍ម្សិលមិញនេះ បារមីបានដឹកនាំសិល្បករពហុជំនាញទាំង ៥ របស់ខ្លួនដែលរួមមាន វណ្ណដា វណ្ណថាន នរិទ្ធ យូហៃ និង រ៉េត ស៊ូហ្សាណា ទៅសម្ដែងនៅឯ Asian Art Museum, San Francisco នៃទឹកដីអាមេរិកដែលនេះជាលើកដំបូងសម្រាប់ការបង្ហាញសិល្បៈចម្រៀងចម្រុះរបស់ពួកគេ។ ជាមួយគ្នានេះដែរ សំបុត្រចូលទស្សនាការសម្ដែងរបស់សិល្បករទាំង ៥ រូបត្រូវបានលក់អស់គ្មានសល់សូម្បីតែ ១ សន្លឹក។ សម្រាប់ការសម្ដែងនាលើកនេះ សិល្បករទាំង ៥ រូបរបស់បារមីក៏ត្រូវបានចុះផ្សាយនៅលើគេហទំព័រផ្លូវការរបស់សារព័ត៌មានដ៏ធំរបស់អាមេរិក ដែលមានឈ្មោះថា NBC Bay Area ផងដែរ។









តាមរយៈបទសម្ភាសផ្ទាល់តារាចម្រៀងរ៉េប វណ្ណដា បានលើកឡើងទាំងមោទនភាពថា ៖«ខ្ញុំបង្ហាញវត្តមាននៅទីនេះដើម្បីប្រទេសនិងវប្បធម៌របស់ខ្ញុំ ព្រមជាមួយការដាក់បញ្ចូលវប្បធម៌ចម្រុះជាមួយសិល្បករដ៏ទៃទៀត»។
គួរបញ្ជាក់ដែរថា ការបង្ហាញវត្តមានរបស់សិល្បករពហុជំនាញទាំង ៥ របស់បារមី នៅក្រៅប្រទេសនាលើកនេះកើតចេញពីការសហការរវាងផលិតកម្មបារមី និងក្រុមហ៊ុនតន្ត្រីអន្តរជាតិដ៏ធំ Empire ក្នុងការនាំយកសិល្បៈចម្រៀងរ៉េបខ្មែរឲ្យកាន់តែល្បីនៅឆាកអន្តរជាតិ៕
ចុចទីនេះដើម្បីទស្សនាវីដេអូ ៖ https://www.facebook.com/NBCBayArea/videos/683800544662969
រូបភាព ៖ BARAMEY























Account
Security
Favourite Content