ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
លោកជំទាវអ្នកឧកញ៉ា ម៉ៅ ចំណាន ប្រធានសមាគមប្រធានសិល្បករខ្មែអាណត្តិទី៦ បានពាំនាំសារដ៏មានខ្លឹមសារមួយរបស់ឯកឧត្ដមសាស្ត្រាចារ្យប្រវត្តិសាស្ត្រខ្មែរ សំបូរ មាណ្ណារ៉ា ដែលបន្សល់ទុកក្រោយការចាកចេញគ្មានថ្ងៃវិលត្រឡប់របស់លោក។
ដូចពាក្យចាស់ពោលមិនខុស «ទូកទៅ កំពង់នៅ» បើទោះបីជាវត្តមានរបស់លោកសាស្ត្រាចារ្យ សំបូរ មាណ្ណារ៉ា លេងមាននៅលើភពផែនដីនេះក៏ពិតមែន ប៉ុន្តែកេរ្តិ៍ឈ្មោះ កិត្តិសព្ទដ៏ល្បីរន្ទឺរបស់លោក រួមទាំងដំបូន្មាន និងសារល្អដែលពោរពេញទៅដោយការអប់រំ និងដាស់តឿនក្រើនរំលឹកបានដក់ជាប់ និងស្ថិតក្នុងការចងចាំកូនសិស្ស និងជនជាតិខ្មែរគ្រប់រូប។ ជាក់ស្ដែងក្នុងការបោះឆ្នោតជ្រើសរើសប្រធានសមាគមសិល្បករខ្មែរអាណត្តិទី៦ នាពេលព្រឹកមិញនេះ អ្នកឧកញ៉ាលោកជំទាវ ម៉ៅ ចំណាន ដែលជាបេក្ខភាពឈរឈ្មោះ បាននាំខ្លឹមសាររបស់ឯកឧត្ដមសាស្ត្រាចារ្យ ដែលមានខ្លឹមសារ «សុំមេត្តារំលែកបាយ១ម៉ាត់សម្រាប់ឆ្អែត ជួយសង្គ្រោះដល់ជីវិតមនុស្សត្រូវការរស់ផង»។ ក្រោមវត្តមានសិល្បកររាប់រយនាក់លោកជំទាវ ម៉ៅ ចំណាន ស្ទើរតែទម្លាយទឹកភ្នែកចេញមកក្រៅ នៅពេលដែលបានរៀបរាប់អត្ថន័យនៃសារមួយនេះ ដោយលោកជំទាវបានពន្យល់បន្ថែមថា៖ «សុខចិត្តមានឈ្មោះមិនបានឆ្អែត ព្រោះ១ម៉ាត់ចុងក្រោយត្រូវចែករំលែកដើម្បីមនុស្សម្នាក់បានរស់»។ គួរឱ្យដឹងដែរថា ឯកឧត្ដមសាស្ត្រាចារ្យ សំបូរ មាណ្ណារ៉ា ជាសាស្ត្រាចារ្យប្រវត្តិសាស្ត្រខ្មែរ និងអក្សរសាស្ត្រខ្មែរនៃសាកលវិទ្យាល័យបញ្ញាសាស្ត្រកម្ពុជា លោកបានបន្សល់ទុកស្នាដៃ និងពាក្យដាស់តឿនក្រើនរំលឹកជាច្រើនទៅដល់ប្រជាជាតិខ្មែរ និងកូនសិស្សរបស់លោកគ្រូផ្ទាល់។
យ៉ាងណាមិញ ក្នុងទិដ្ឋភាពនៃឱកាសបោះឆ្នោតជ្រើសរើសប្រធានសមាគមប្រធានសិល្បករខ្មែរ អ្នកឧកញ៉ា លោកជំទាវ ម៉ៅ ចំណាន ទទួលបានសន្លឹកឆ្នោតគាំទ្ររហូតដល់ ៥២៧ សន្លឹក គាំទ្រពីសំណាក់សិល្បករក្នុង និងក្រៅប្រព័ន្ធជាង ៦០០នាក់ ដែលធ្វើឡើងនៅរាជបណ្ឌិតសភាកម្ពុជា កាលពីថ្ងៃទី ២ ខែមិថុនា ឆ្នាំ ២០២៤ ៕
Account
Security
Favourite Content