សិល្បករ-សិល្បការិនី វីរសិល្បករជើងចាស់ បានមកជួបជុំប្រមូលផ្ដុំបង្កើតបរិយាកាសរីករាយនៅក្នុងកម្មវិធី «សង្ក្រាន្តសមាគមសិល្បករខ្មែរ» ដែលផ្ដួចផ្ដើមនិងរៀបចំដោយលោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ។

នាថ្ងៃទី៨ ខែមេសា ម្សិលមិញនេះសមាគមសិល្បករខ្មែរបានរៀបចំកម្មវិធីសង្ក្រាន្តដោយបានអញ្ជើញអ្នកសិល្បៈក្មេង-ចាស់ប្រុស-ស្រី ច្រើនជំនាន់មកជួបជុំបង្កើតភាពសប្បាយរីករាយព្រមជាមួយអនុស្សាវរីយ៍ល្អៗដើម្បីត្រៀមអបអរពិធីបុណ្យចូលឆ្នាំខ្មែរ។ នាឱកាសនោះ បណ្ដាអ្នកសិល្បៈដែលចូលរួមបាននាំគ្នាស្លៀកសំលៀកបំពាក់យ៉ាងស្រស់ស្អាតចម្រុះពណ៌គ្នាយ៉ាងស្រស់សោភាគួរជាទីគាប់ភ្នែកអមជាមួយការប្រើមួកស្លឹកត្នោតពិតជាបង្កើតបានទិដ្ឋភាពមួយដ៏គួរឱ្យចងចាំសម្រាប់សង្ក្រាន្តសមាគមសិល្បករខ្មែរលើកនេះ។
ក្រឡេកមកមើលការរៀបចំនៅក្នុងកម្មវិធីឃើញមានការតុបតែងលម្អយ៉ាងស្រស់ស្អាតជារបៀបខ្មែរព្រមជាមួយការរៀបចំទីតាំងសម្រាប់លេងល្បែងប្រជាប្រិយខ្មែរ ព្រមជាមួយការរាំងលេងកម្សាន្តចង្វាក់ប្រពៃណីខ្មែរផងដែរ។ មិនតែប៉ុណ្ណោះ ខាងសមាគមសិល្បករខ្មែរក៏បានរៀបចំចំណីអាហារខ្មែរជាច្រើនមុខដោយបានដាក់ជាស្តង់សម្រាប់ជូនដល់បណ្ដាអ្នកចូលរួមទាំងអស់ទទួលទានផងដែរ។






























បណ្ដាអ្នកសិល្បៈខ្មែរដែលបានចូលរួមសង្ក្រាន្តសមាគមសិល្បករខ្មែរនាលើកនេះមិនត្រឹមបានបង្កើតឱ្យមានភាពរីករាយប៉ុណ្ណោះទេ តែក៏បានបង្ហាញនូវការចូលរួមថែរក្សានូវប្រពៃណីវប្បធម៌ដែលដូនតាខ្មែរបានបន្សល់ទុកឱ្យដូចជាការលេងល្បែងប្រជាប្រិយខ្មែរ ការរាំកម្សាន្តចង្វាក់ប្រពៃណីខ្មែរ ការស្លៀកសម្លៀកបំពាក់ខ្មែរ ជាពិសេសនោះគឺការតាំងបង្ហាញចំណីអាហារខ្មែរតែម្ដង៕
ប្រភពរូបភាព ៖ សមាគមសិល្បករខ្មែរ























Account
Security
Favourite Content