លក្ខណ៏ មុនីអានីតា ក្លាយជាម្ចាស់មកុដ Miss Global Cambodia 2023

កាលពីល្ងាចម្សិលមិញ ក្រុមហ៊ុន មហាហង្ស ដែលជាអ្នកទទួលបន្ទុករៀបចំកម្មវីធី Miss Global Cambodia បានប្រារព្ធពិធីតែងតាំងម្ចាស់មកុដ Miss Global Cambodia 2023 បន្ទាប់ពីកញ្ញា អែម គុនថង ដែលជាម្ចាស់មកុដ Miss Global Cambodia 2022។ ពិធីបំពាក់មកុដថ្មីនេះ មានការចូលរួមពីបវរកញ្ញា-បុរសឯក និង Top 5 បវរកញ្ញាចក្កវាឡកម្ពុជាឆ្នាំ ២០២៣ រួមទាំង កញ្ញា Shaney Tormes ម្ចាស់ជយលាភី Miss Global 2022 ផងដែរ។

បវរកញ្ញារូបស្រស់ដែលត្រូវស្ថាប័នតែងតាំងជា Miss Global Cambodia 2023 គឺ ​លក្ខណ៏ មុនីអានីតា ជាជយលាភីលំដាប់រងទី២ នៃកម្មវីធី Miss Supranational Cambodia 2023។ ចាប់ពីវិនាទីនៃការបំពាក់មកុដនេះតទៅ អានីតា មានកាតព្វកិច្ចដ៏ធំ ដោយនាងត្រូវ​នាំទង់ជាតិប្រទេសកម្ពុជា ចូលរួមប្រកួតកម្មវិធី Miss Global 2023 ដែលកម្ពុជា​យើងជាម្ចាស់ផ្ទះ។

កញ្ញា លក្ខណ៏ មុនីអានីតា ម្ចាស់មកុដ Miss Global Cambodia 2023 រំភើបចិត្តខ្លាំងណាស់ដែលត្រូវបានជ្រើសរើសឱ្យក្លាយជា Miss Global Cambodia 2023 តំណាងកម្ពុជាទៅលើឆាកអន្តរជាតិ។ នាងប្តេជ្ញាខិតខំប្រឹងប្រែងឱ្យអស់ពីសមត្ថភាព ដើម្បីនាំយកភាពជោគជ័យជូនជាតិកម្ពុជា។ ក្រឡេកទៅបណ្តាញសង្គមហ្វេសប៊ុកវិញ បវរកញ្ញា-បុរស​ឯក និងហ្វេនៗជាច្រើនបានសម្តែងការត្រេកអរជាមួយម្ចាស់មកុដថ្មីនេះ។ ប៉ុន្តែជាមួយគ្នានោះក៏មានការចោតជាសំណួរថា លក្ខណ៏ មុនីអានីតា មានចំណុចលេចធ្លោអ្វីខ្លះទើប​ស្ថាប័នសម្រេចតែងតាំងនាងជា Miss Global Cambodia 2023 ទាំងមិនបានរៀបចំការប្រកួតក្នុងស្រុក​?

ជាការឆ្លើយតបសំណួរខាងលើ លោក អ៊ិន សុភិន អ្នកគ្រប់គ្រងកម្មវិធី Miss Global Cambodia 2023 បានលើកឡើងថា បវរកញ្ញា លក្ខណ៏ មុនីអានីតា ជាបេក្ខភាពដ៏ស័ក្តិសម​បំផុតសម្រាប់តំណែង Miss Global Cambodia 2023 ព្រោះតែនាងមានចំណុចពិសេសច្រើន ត្រូវនឹងអ្វីដែលស្ថាប័នត្រូវការ។ អានីតា ធ្លាប់បានចូលរួមប្រកួតកម្មវិធីសម្រស់ធំមួយ ថែមទាំងឆក់បានតំណែងជយលាភីលំដាប់រងទី២ទៀតផង ដូច្នេះយើងមិនអាចមើលរំលងសមត្ថភាពរបស់នាងបានឡើយ។

សូមជម្រាបថា កញ្ញា លក្ខណ៏ មុនីអានីតា មានកម្ពស់​ ១.៧២ ម៉ែត្រ ជានិស្សិតឆ្នាំទី១ ផ្នែក Fashion Design នៅសាលា LimKokwing។ នាងជាបេក្ខភាពលេចធ្លោម្នាក់អំឡុងពេលប្រកួត Miss Supranational Cambodia 2023 ព្រោះជាបវរកញ្ញាម្នាក់ដែល​ទទួលបានការសិក្សាខ្ពស់​ (CIA ​) និងអាចប្រើប្រាស់ភាសា​អង់គ្លេស​បានល្អថែមទៀតផង។

ថ្មីៗនេះ អានីតា ក៏បានចូលរួមធ្វើជាពិធីការិនីផ្នែកភាសាអង់គ្លេងក្នុងកម្មវិធីប្រកួត Miss Universe Cambodia 2023 ផងដែរ ដោយនាងធ្វើយ៉ាងល្អ សម្រាប់បទពិសោធន៍ធ្វើពិធីការនីលើកដំបូងនេះ ធ្វើឱ្យហ្វេនមានក្តីរំពឹងថា នាងនឹងធ្វើបានល្អក្នុងការប្រកួតអន្តរជាតិនៅពេលខាងមុខ។

តាមគម្រោង កម្ពុជាយើងនឹងធ្វើជាម្ចាស់ផ្ទះរៀបចំការប្រកួត Miss Global 2023 នៅដើមឆ្នាំ ២០២៤ ដែលក្នុងនោះបេក្ខភាព Miss Global មកពីបណ្តាប្រទេសផ្សេងៗជុំវិញពិភពលោករហូតដល់ទៅជាង ៨០ ប្រទេស នឹងធ្វើដំណើរមកកម្ពុជាដើម្បីប្រកួតប្រជែងកម្មវិធីដ៏អស្ចារ្យនេះ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។