កន្លងផុត ៨ ឆ្នាំ គ្រោះថ្នាក់ចរាចរណ៍របស់ក្រុមចម្រៀងនារី Ladies’ Code នៅតែជារឿងដក់ក្នុងចិត្តអ្នកគាំទ្រ

Ladies’ Code គឺជាក្រុមចម្រៀងនារីកូរ៉េល្បីមួយដែលបានបង្ហាញខ្លួនជាផ្លូវការនៅថ្ងៃទី ៧ ខែមីនា ឆ្នាំ ២០១៣ ក្រោមផលិតកម្ម Polaris Entertainment ដោយក្នុងក្រុមមានសមាជិកចំនួន ៥ រូបគឺ Ashley, Sojung, Zunny, RiSe, និង EunB ។ ខណៈបទចម្រៀងមានចំណងជើងថា So Wonderful និង Kiss Kiss Kiss របស់ក្រុមចម្រៀងមួយនេះទទួលបានការចាប់អារម្មណ៍ខ្លាំងពីមហាជន។

បន្ទាប់ពីបង្ហាញខ្លួនបានមួយឆ្នាំ នៅក្នុងឆ្នាំ ២០១៤ ក្រុមចម្រៀងនារី Ladies’ Code ក៏បានជួបគ្រោះថ្នាក់ចរាចរណ៍បណ្ដាលឱ្យសមាជិកពីររូបបានបាត់បង់ជីវិត ហើយរឿងមួយនេះបានធ្វើឱ្យភ្ញាក់ផ្អើលពេញវិស័យខេប៉ុបទាំងមូល ស្របពេលដែលអ្នកគាំទ្រជាច្រើនហាក់ស្លុតស្មារតីព្រោះសឹងតែមិនជឿថាមានរឿងអាក្រក់ដូច្នេះកើតឡើង។

ហេតុការណ៍ដ៏អាក្រក់នេះបានកើតឡើងនៅយប់ថ្ងៃទី ៣ ខែ កញ្ញា ឆ្នាំ ២០១៤  វេលាម៉ោងប្រហែល ១:៣០ រំលងអាធ្រាត កំឡុងពេលក្រុមចម្រៀងនារី Ladies’ Code ធ្វើដំណើរត្រលប់ទៅទីក្រុងសេអ៊ូលវិញ បន្ទាប់ពីបានបញ្ចប់ការងារនៅឯទីក្រុង Daegu។ បើតាមប្រភពព័ត៌មានរបស់កូរ៉េ នាពេលនោះក្នុងរថយន្ដគឺមានអ្នកធ្វើដំណើរចំនួន ៧ នាក់   ​អ្នកបើកបរម្នាក់ អ្នកច្នៃម៉ូតសម្លៀកបំពាក់ម្នាក់ និងសមាជិកទាំង ​៥​ រូប ហើយជួបគ្រោះថ្នាក់ចរាចរណ៍នៅតំបន់ផ្លូវល្បឿនលឿន Yeongdong ។  

សម្រាប់ព័ត៌មានបឋមបានលើកឡើងថាវាជាឧបទ្ទវហេតុដោយសារតែពេលនោះមានភ្លៀងធ្លាក់ខ្លាំងបណ្ដាលឱ្យរថយន្ដរអិលធ្លាក់ផ្លូវទើបមានគ្រោះថ្នាក់ ហើយបើមើលតាមស្ថានភាពរថយន្ដទំនងជាអាចក្រឡាប់ច្រើនតង់ព្រោះមានសភាពខូចខាតខ្លាំងផ្នែកខាងក្រោយថែមទាំងរបូតកង់ខាងក្រោយចេញមកក្រៅថែមទៀត។ ប៉ុន្ដែក្រោយមក មហាជនក៏មានការសង្ស័យមិនមែនជារឿងឧបទ្ទវហេតុ និងគិតថាអាចជាការរៀបចំទុកមុនរបស់បុគ្គលណាម្នាក់ដែលមានបំណងមិនល្អចំពោះក្រុមនារី Ladies’ Code ជាពិសេសគឺក្រុមអ្នកគាំទ្ររោគចិត្ត ហើយរឿងនេះក៏បានក្លាយជាប្រធានបទក្ដៅគគុកត្រូវបានគេវែកញែកជាបន្ដបន្ទាប់លើបណ្ដាញសង្គម។

រហូតដល់ថ្ងៃទី ២០ ខែ តុលា ឆ្នាំ ២០១៤ លទ្ធផលស៊ើបអង្កេតរបស់ប៉ូលីសទាក់ទងនឹងគ្រោះថ្នាក់ចរាចរណ៍របស់ក្រុមចម្រៀងនារី Ladies’ Code ក៏បានបង្ហាញថា មូលហេតុនៃគ្រោះថ្នាក់នេះគឺបណ្ដាលមកពីបើកបរហួសល្បឿនកំណត់។

តាមការបញ្ជាក់របស់ប៉ូលីសនៅស្ថានីយ Yongin Seobu បានបញ្ជាក់ថា៖ មិនមែនមកពីធ្លាក់ភ្លៀង ឬផ្លូវរអិលទើបបណ្ដាលឱ្យមានគ្រោះថ្នាក់ឡើយ តែការធ្វេសប្រហែសរបស់អ្នកបើកបរ និងបើកបរក្នុងល្បឿនលឿនខ្លាំងទើបធ្វើឱ្យមានការបុកប៉ះទង្គិច។ អ្នកបើកបរលោក Park Ho ដែលត្រូវជាអ្នកគ្រប់គ្រងបានបើករថយន្ដបំពានច្បាប់ចរាចរណ៍ ដោយលោកបានបើកបរក្នុងល្បឿនលើស ១៣៧ គ.ម ក្នុងមួយម៉ោង ខណៈផ្លូវល្បឿនលឿនដែលលោកបើកបរអនុញ្ញាតឱ្យបើកលឿនបំផុតត្រឹម ១០០គ.ម ក្នុងមួយម៉ោងប៉ុណ្ណោះ។

លោក Park Ho ធ្លាប់បានផ្ដល់ចម្លើយថា៖ កំឡុងពេលបើកបរស្រាប់តែកង់រថយន្ដបានរបូតចេញទើបធ្វើឱ្យគ្មានលំនឹងជ្រុលទៅបុករបាំងថ្ម។ តែជាក់ស្ដែងមិនមែនជាកំហុសរបស់រថយន្ដទេ ផ្ទុយទៅវិញមកពីលោកបើកបរក្នុងល្បឿនលឿនពេកទើបធ្វើឱ្យកង់រថយន្ដដាច់ចេញមកក្រៅ។​

លោក Park Ho ត្រូវបានតុលាការកាត់ទោសឱ្យជាប់ពន្ធនាគាររយៈពេល ១ ឆ្នាំ ២ ខែ ពីបទបើកបរមិនគោរពច្បាប់ និងបើកបរហួសល្បឿនលឿនបណ្ដាលឱ្យមានមនុស្សស្លាប់បាត់បង់ជីវិត។

ទន្ទឹមនេះ ក្រោយកើតហេតុសមាជិក Eunbi ត្រូវបានគេរាយការណ៍ថានាងបានស្លាប់បាត់បង់ជីវិតភ្លាមៗ នៅនឹងកន្លែងដោយសារតែរបួសធ្ងន់ធ្ងរពេកមិនអាចសង្គ្រោះបាន កន្លែងដែលនាងអង្គុយក្នុងឡានគឺត្រូវបុកខ្ទេចខ្លាំងជាងគេ។ សមាជិក ៣ រូបគឺ Ashley, Sojung និង Zunny មិនមានគ្រោះថ្នាក់ខ្លាំងប៉ះពាល់ដល់ជីវិតឡើយ ប៉ុន្ដែពួកនាងត្រូវស្ថិតក្នុងការតាមដានរបស់ក្រុមគ្រូពេទ្យ។  ចំណែកសមាជិកម្នាក់ទៀតគឺ Rise មានរបួសធ្ងន់ខ្លាំង និងត្រូវដឹកទៅសង្គ្រោះបន្ទាន់នៅមន្ទីរពេទ្យទីក្រុងសេអ៊ូល។ Rise មានរបួសខ្លាំងនៅផ្នែកក្បាល និងមានឈាមកកក្នុងខួរក្បាល ដោយគ្រូពេទ្យបានលើកឡើងថានាងមានសង្ឃឹមរស់តែ ០,០១ ភាគរយប៉ុណ្ណោះ។ ក្រោយពីតស៊ូអស់រយៈពេល ៤ ថ្ងៃ Rise ក៏បានស្លាប់បាត់បង់ជីវិតដែលធ្វើឱ្យអ្នកគាំទ្រមានអារម្មណ៍សោកស្ដាយខ្លាំងស្ទើររកពាក្យបរិយាយមិនចេញ។

សាកសពរបស់ Eunbi ត្រូវបានបញ្ចុះនៅឧទ្យាន Skycastle Memorial Park នៅ Gwangju-si ខេត្ត Gyeonggi។ រីឯសាកសពរបស់ Rise ត្រូវបានបូជា និងយកទៅបញ្ចុះនៅឯប្រទេស ជប៉ុន ដែលជាស្រុកកំណើតរបស់នាង។  

រឿងដែលធ្វើឱ្យអ្នកគាំទ្រខ្លោចចិត្តនោះគឺ Eunbi និង Rise ជាមិត្ដជិតស្និទ្ធនឹងគ្នា។ Rise ធ្លាប់បានលើកឡើងក្នុងបទសម្ភាសន៍ថា Eunbi ជាសមាជិកម្នាក់ដែលនាងមានអារម្មណ៍សុវត្ថិភាពខ្លាំងពេលនៅក្បែរ និងមិនប្រកាន់ទេបើចំណាយពេលនៅជាមួយនាងច្រើននោះ។ ជាលទ្ធផលគ្រោះថ្នាក់ចរាចរណ៍នេះបានឆក់យកជីវិតរបស់មិត្តសម្លាញ់ទាំងពីរទៅជាមួយគ្នាដោយសម្ដីរបស់ Rise វាហាក់ដូចជាប្រផ្នូលមិនល្អមួយអ៊ីចឹង។

លើសពីនេះអ្វីដែលធ្វើឱ្យអ្នកគាំទ្រជាច្រើនកាន់តែមានអារម្មណ៍អាណិតអាសូរនោះគឺ សមាជិកម្នាក់របស់ក្រុម Ladies’ Code គឺ SoJung រូបនាងមានថ្ងៃខួបកំណើតនៅថ្ងៃទី ៣ ខែ កញ្ញា តែម្ដងដែលធ្វើឱ្យវាក្លាយជាស្រមោលខ្មៅពេញមួយជីវិតសម្រាប់នាង។ កាលពីឆ្នាំ ២០២១ រូបនាងបានទម្លាយពីអារម្មណ៍ក្នុងចិត្តរបស់ខ្លួនក្នុងកម្មវិធី Channel A’s Eyes Contact ថា៖ ចាប់តាំងពីមានគ្រោះថ្នាក់ចរាចរណ៍នោះមករយៈពេល ៧ ឆ្នាំហើយ នាងមិនដែលធ្វើពិធីខួបកំណើតឡើយ ព្រោះនាងមានអារម្មណ៍មិនគប្បីនិងសោកស្ដាយចំពោះរឿងដែលបានកើតឡើង នាងមិនសមរីករាយនៅថ្ងៃដែលសមាជិករបស់នាងជួបគ្រោះថ្នាក់និងស្លាប់បាត់បង់ជីវិតទេ។

ជាមួយគ្នាដែរ ថ្វីបើលែងមានជីវិតនៅលើលោកនេះទៅហើយក្ដីតែ Eunbi និង Rise នៅតែត្រូវបានអ្នកគាំទ្រខេប៉ុបជាច្រើនចងចាំពួកនាង ស្របពេលដែលសមាជិកទាំង ៣ រូបដែលនៅរស់មានជីវិតក្រោយគ្រោះថ្នាក់ចរាចរណ៍ក៏ធ្លាប់បាននិយាយរំឮកព្រមទាំងលើកឡើងថា៖ Ladies’ Code មានសមាជិក ៥ នាក់ជារៀងរហូត ហើយ Eunbi និង Rise ជាបងស្រីដ៏ល្អបំផុតក្នុងចិត្តរបស់ពួកគេ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​