ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
នៅថ្ងៃទី២០ ខែវិច្ឆិកា ក្រសួងការងាររបស់កូរ៉េខាងត្បូងបានច្រានចោលការលើកឡែងអំពីការយីយានៅកន្លែងធ្វើការរបស់ Hanni សមាជិកក្រុមចម្រៀងខេប៉ុបនារី NewJeans ក្រោមហេតុផលថា នាងជាសិល្បករ មិនអាចចាត់ទុកជាបុគ្គលិករបស់ក្រុមហ៊ុន HYBE ទេ។ នេះបើយោងតាម The Korea Times។
ការសម្រេចនេះជាការឆ្លើយតបនឹងការដាក់ញាត្តិកាលពីពាក់កណ្ដាលខែកញ្ញា ដោយគ្រានោះអ្នកគាំទ្ររបស់ក្រុមចម្រៀងនារីកូរ៉ខាងត្បូងមួយនេះបានចោទប្រកាន់ថា Hanni បានទទួលរងនូវការគំរាមកំហែងនៅកន្លែងធ្វើការ គឺក្រុមហ៊ុន HYBE តែម្ដង។ អ្នកគាំទ្របានលើកឡើងថា តារាស្រីដើមកំណើតវៀតណាម-អូស្ត្រាលីរូបនេះបានជួប និងរាក់ទាក់ដល់សមាជិកក្រុម ILLIT តែបែរជាអ្នកគ្រប់គ្រងរបស់ក្រុមនោះប្រាប់ទៅសិល្បកររបស់ខ្លួនមិនឱ្យអើពើនឹងនាងទៅវិញ។
បន្តដោយការដាក់ញាត្តិមួយនេះ Hanni បានចូលស្រាយបំភ្លឺពីរឿងរ៉ាវខាងលើនេះនៅក្នុងរដ្ឋសភាតាំងតែពីថ្ងៃទី១៥ តែតុលាមកម៉្លេះ ដោយគ្រានោះ អ្នកចម្រៀងស្រីវ័យ ២០ឆ្នាំបានសម្ដែងការខកចិត្តនឹងការរើសអើងដែលខ្លួនបានជួប ព្រមទាំងនិយាយថា៖ “ខ្ញុំប្រាកដចិត្តថា ក្រុមហ៊ុនពិតជាស្អប់ពួកយើងមែន”។
ដោយឡែក កាលពីថ្មីៗនេះក្រសួងការងារបានសម្រេចបដិសេធញត្តិទាក់ទងនឹងការអះអាងនេះ ដោយផ្ដល់ហេតុផលថា កិច្ចសន្យាក្នុងនាមជាសិល្បកររវាងក្រុមហ៊ុន និង Hanni មានខ្លឹមសារ និងលក្ខណៈដែលពិបាកក្នុងការចាត់ទុកនាងជាបុគ្គលិកមួយរូបទៅតាមស្ដង់ដាការងារ។ ជាក់ស្ដែង កន្លងមករដ្ឋាភិបាល និងតុលាការកូរ៉េខាងត្បូងបានសម្រេចចាត់ទុកថា សិល្បករមិនមែនជាបុគ្គលិកនោះទេ តែអ្នកប្រកបអាជីពនេះបានចាត់ទុកជា “អង្គភាពពិសេស” ទទួលស្គាល់តាមកិច្ចសន្យាផ្ដាច់មុខជាមួយនឹងភ្នាក់ងារ ឬក្រុមហ៊ុនដែលគ្រប់គ្រងសិល្បករទាំងនោះ។
ការសម្រេចចិត្តរបស់រដ្ឋាភិបាលបានលើកឡើងថា កិច្ចសន្យារវាង Hanni និងភ្នាក់ងាររបស់នាង ឈ្មោះ ADOR គឺជាកិច្ចព្រមព្រៀងរវាង “ភាគីស្មើគ្នាពីរ” ហើយមិនបញ្ជាក់ថានាងជាអ្នកក្រោមបង្គាប់របស់ក្រុមហ៊ុននោះទេ។
ការិយាល័យការងារបានរៀបរាប់ពីមូលហេតុដែល Hanni មិនសមស្របតាមលក្ខណៈវិនិច្ឆ័យសម្រាប់និយោជិតជាមួយចំណុចមួយចំនួនដូចជា នាងមិនស្ថិតក្រោមច្បាប់ដូចគ្នានឹងបុគ្គលិកក្រុមហ៊ុន នាងមិនមានការកំណត់ម៉ោងធ្វើការ ឬទីតាំងជាក់លាក់ នាងបានចែករំលែកការចំណាយទាក់ទងនឹងការងារជាមួយក្រុមហ៊ុន នាងបានទទួលចំណែកនៃប្រាក់ចំណេញជាជាងប្រាក់ឈ្នួល នាងបានបង់ពន្ធជាប្រាក់ចំណូលអាជីវកម្មជំនួសឱ្យប្រាក់បៀវត្សរ៍ ឬប្រាក់ឈ្នួល ហើយនាងទទួលទាំងប្រាក់ចំណេញ និងការខាតបង់សម្រាប់ការងាររបស់នាង។
បើទោះបីជា នៅមាត្រា ៧៦ កថាខណ្ឌទី ២ នៃច្បាប់ការងារបានចែងពីការបៀតបៀននៅកន្លែងការងារក្ដី តែច្បាប់នេះប្រើប្រាស់សម្រាប់តែនិយោជក និងនិយោជិតតែប៉ុណ្ណោះ តែមិនអាចយកមកប្រើប្រាស់ក្នុងលក្ខណ្ឌរបស់ Hanni នោះទេ៕
Account
Security
Favourite Content