ពីក្មេងប្រុសបង្កើតវីដេអូលើ Social Media ខេមរា ឆក់បានពាន «អ្នកបង្កើតមាតិកាប្រចាំឆ្នាំ»

កំលោះ​សង្ហា​សម្បូរ​វោហារ​សព្ទ ដែល​អ្នក​ប្រើប្រាស់​បណ្ដាញ​សង្គម Facebook និង​កម្មវិធី Tik Tok ស្គាល់​ឈ្មោះ​ថា ខេមរា ថ្មី​ៗ​នេះ​ទើប​ឈ្នះ​បាន​ពាន​ដ៏​សំខាន់​មួយ​ពី​កម្មវិធី PMA 2022 គឺ​ពាន​រង្វាន់ «អ្នក​បង្កើត​មាតិកា​ប្រចាំ​ឆ្នាំ»ក្នុង​ចំណោម​បេក្ខភាព​ជាច្រើន​នាក់ ដែល​គេ​មើល​ឃើញ​ថា​សុទ្ធ​សឹង​ជា​បុគ្គល​មាន​បទពិសោធន៍ និង​មាន​វ័យ​ចំណាស់​ជាង។ តួយ៉ាង​ម្នាក់​ក្នុង​ចំណោម​នោះ​ភាគច្រើន​ជា​អ្នក​ល្បី​ឈ្មោះ​ខ្លាំង ប៉ុន្ដែ ខេមរា ពិតជា​អស្ចារ្យ​អាច ឈ្នះ​ចិត្ត​អ្នក​គាំទ្រ និង​គណៈកម្មការ​តាម​រយៈ​សំឡេង​ឆ្នោត។

មុន​សាង​បាន​ភាព​ល្បីល្បាញ និង​ដណ្ដើម​បាន​ពាន​រង្វាន់ «អ្នក​បង្កើត​មាតិកា​ប្រចាំ​ឆ្នាំ» ដំបូង​ឡើយ ខេមរា ជា​ក្មេង​ប្រុស​បង្កើត​វីដេអូ​ខ្លី​ៗ​ចែករំលែក​ចំណេះដឹង​នៅ​លើ​បណ្ដាញ​សង្គម Facebook និង​កម្មវិធី TikTok។ ខេមរា (KhemraA-ខេមរា) បាន​កែប្រែ​វាសនា​របស់​ខ្លួន​ពី​បុគ្គល​ធម្មតា​សាមញ្ញ​ៗ​ម្នាក់ ក្លាយ​ទៅ​ជា បុរស​ដ៏​ឡូយ​ម្នាក់​នៅ​លើ Social Media និង​ជាប់​ឈ្មោះ​ជា Video Creator ថែម​ទៀត​ផង។ ដ្បិត ខេមរា នៅ​វ័យ​ក្មេង​ក៏​មែនទែន ប៉ុន្តែ​រូប​សម្រស់​ស្រស់​សង្ហា ហើយ​ជាពិសេស​គឺ​​ពូកែ​ខាង​វោហារ​សព្ទ ធ្វើឱ្យ​មហាជន​ចាប់​អារម្មណ៍​លើ​រូប​លោក​ខ្លាំង រហូត​សាង​ភាព​ល្បីល្បាញ​មក​ដល់​ពេល​បច្ចុប្បន្ន​នេះ។

ជា​បុគ្គល​ល្បី​ម្នាក់​លើ​បណ្ដាញ​សង្គម​រយៈពេល​ច្រើន​ឆ្នាំ​មក​ហើយ Video Creatorរូប​នេះ មិន​សូវ​សម្ញែង​រូបរាង​ពិត​នៅ​ខាង​ក្រៅ​ឱ្យ​មហាជន​បាន​ឃើញ​នោះ​ទេ មាន​មនុស្ស​តិច​ណាស់​ដែល​បាន​ឃើញ ឬ​អាច​និយាយ​បាន​ថា ទាល់តែ​ចង្កោម​មនុស្ស​ដែល​ស្គាល់​គ្នា ឬ​ស្និទ្ធស្នាល​ជាមួយ​ទើប​ឧស្សាហ៍​បាន​ជួប។ ស្រាប់តែ​ថ្ងៃ​បង្ហាញ​មុខ​នៅ​លើ​កម្រាល​ព្រំ​ក្រហម​របស់​កម្មវិធី PMA 2022 ខេមរា ជះ​ភាព​សង្ហា​របស់​ខ្លួន​ធ្វើ​ឱ្យ​ហ្វេន​ជ្រួលជ្រើម ទោះ​បើ​ត្រឹម​តែ​ស្លៀក​ពាក់​សាមញ្ញ​ទូទៅ បែប​អាវ​ធំ​ខ្មៅ អាវ​កាក់​ខ្មៅ អាវ​ក្នុង​ស ខោ​ខ្មៅ ស្បែក​ជើង​ប៊ូ​ចង​ខ្សែ​ក៏​ដោយ តែ​ហ្វេន​លាន់​មាត់​ថា Video Creator ខ្ពស់​សង្ហា​មិន​ចាញ់​តារា​ៗ​ប៉ុន្មាន​ទេ។

ម្ចាស់​ពាន​រង្វាន់ «អ្នក​បង្កើត​មាតិកា​ប្រចាំ​ឆ្នាំ» បាន​បង្ហោះ​លើ​ទំព័រ​ហ្វេសប៊ុក​ក្រោយ​ទទួល​ពាន​ថា៖ «អរគុណ​ចំពោះ​ពាន​រង្វាន់​មួយ​នេះ អរគុណ​យ៉ាង​ជ្រាលជ្រៅ​ទៅ​ដល់​អ្នក​គាំទ្រ​ទាំងអស់​គ្នា ដែល​បាន​ចូលរួម​បោះឆ្នោត ដើម្បី​ជ្រើសរើស​ម្ចាស់​ពាន​រង្វាន់ “អ្នក​បង្កើត​មាតិកា​ប្រចាំ​ឆ្នាំ” ក៏​ដូចជា​បាន​ចូលរួម​បរិច្ចាគ​ទៅ​ដល់​មូលនិធិ​គន្ធបុប្ផា​កម្ពុជា និង​មន្ទីរពេទ្យ​កុមារ​អង្គរ​ផងដែរ»។

ជោគជ័យ​របស់​អ្នក​បង្កើត​មាតិកា​វ័យ​ក្មេង​រូប​នេះ ត្រូវ​គេ​មើល​ឃើញ​ថា ជា​គំរូ​ល្អ​មួយ​សម្រាប់​អ្នក​ចង់​បំពេញ​ក្ដី​ស្រមៃ​ជា​អ្នក​ផលិតផល​វីដេអូ ឬ Video Creatorដូចជា ខេមរា បើ​ទោះបីជា​វ័យ​នៅ​ក្មេង​ក៏​ពិត​មែន ប៉ុន្តែ​ពោរពេញ​ដោយ​សមត្ថភាព​មិន​ខ្លាច​គ្មាន​ការងារ​ធ្វើ​នោះ​ទេ សំខាន់​ឱ្យ​តែ​ខិតខំ​ពុះពារ ជោគជ័យ​គង់​តែ​កើត​មាន​ចំពោះ​បុគ្គល​ដែល​តស៊ូ​ជម្នះ​បញ្ហា៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​